تعودني عليك أيام أبد ما فارقك ليلة
واذا عنك اروح اليوم اقول لك نلتقي باكر
تعودني على لطفك على اسلوبك وتدليله
وتتوقع أنا بحيا بدونك يوم ماتسافر
انا ماودي اشكي لك ولكن قلت الحيله
اليمه فرقتك والله وانا على البعد مب قادر
دخيلك اجل الموعد إذا تقدر على تأجيله
دخيلك حط دمعاتي فعينك قبل ما تسافر
يا شين الوقت في بعدك دقيقه كنها ليله
شيصبرني وانا احبك ومثلك في البشر نادر
تعلق قلبي بقلبك يسمع منه ويشكي له
تدلل قول بس اطلب اقول لك غالي وحاضر
تلاقينا فبعض صدفه سولف لي وانا احكي له
ومن اول نظره حبيته وصرت لشوفه ابادر
ذبحني السحر فعيونه ياويله قلبي ياويله
انا افهم لغة العيون ولكن صرت مب قادر
انا اتمنى قبل لا يروح يلمس دمعي منديله
ابيه يحس باحساسي ابيه يقول لي تامر
ابي حضنه يدفيني خليل يودع خليله
واقول بصوت به شهقه فمان الله يامسافر
وارجع من المطار وحدي يشيلني الهم واشيله
شيصبرني على شهرين وهو بس توه مسافر
عزاي انه اخذ قلبي في وسط عيونه يشيله
وانا اصبحت في بعده وحيد واكسر الخاطر
الإهداءات
!! دخيلك .. اجل الموعد !!
العرض العادي
