ألــــــــــــــم الفــــــــــــــــــراق

لاانا ولاهو كنت متوقع افراق
لكن مقادير الزمن ياخساره
اول صحيح يحبني كان يشتاق
حتى سواله كان فيه الحراره
اول معي للخير هو دوم سباق
تسبق دموعه لهفته واعتذاره
واليوم ناوي يحرق القلب احراق
لاهو غصب عنه اكيد اختياره
حتى عتابي صار ماعاد ينطاق
عنده ويحسبها عليه اثاره
صدقت ان الوقت بالحيل سراق
ومهما صفى لابد فيه استداره
ياللي سكنتي نون عيني ولاحداق
وللي بقلبي بانيه لك عماره
وياللي عطيتي العمر من نورك اشراق
ووقفت وقفت جار يفزع لجاره
وين العهد ياالوافيه وين ميثاق
كلام ليك انمحى مع نهاره
يعني الدموع اللي جرت تغرق اغراق
ماعد لها عند ثمن ياخساره
يعني سنين الحب للموت تنساق
وبعد الغلا اذوق طعم المراره
ياناس ياعالم حبيبي نوا افراق
يامن يرده لي واجيب البشاره