الجرح وإن جانا مـن النـاس عـادي=غير البلا والموت من جـرح الأحبـاب

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يـا رب تفـرج لـي وتجـلا نكـادي=طالبك ياللـي سايلـك مابعـد خـاب
ذالـي ثـلاث أيـام والفكـر غــادي=مجروح .. حيرانٍ .. وشارد .. ومرتاب
أنـا بــوادي والخـلايـق بــوادي=والروح يجلبها علـى المـوت جـلاب
مـن طعنـةٍ شلـت مناسـم فـوادي=طعنة حبيب وليتهـا طعـن الأجنـاب
الجرح وإن جانا مـن النـاس عـادي=غير البلا والموت من جـرح الأحبـاب
فارقـت نومـي مـع شرابـي وزادي=وجنّبـت حِيّانـي وربعـي والاقـراب
كاس شربتـه وسطـه السـم بـادي=وسُمّ الهوى راعيه ما قيل كـد طـاب
لـوا حسايـف والحسايـف شــدادي=فنيت بها روحي وفكـري بهـا غـاب
حب البشر حلوٍ .. وراكـد .. وهـادي=وحبي عواصف تطعن القلـب بحـراب
حبـي بيـاضٍ مختلـط بـه سـوادي=وحب الملا وردي .. وناعم .. ومنساب
تمّيـت سبـع سنيـن عـدٍّ عــدادي=معلـقٍ قلبـي عـلـى راس نـشّـاب
إن قلـت بالجنـة فعـلـمٍ وكــادي=وإن قلت وسط النار ما عقبك حساب
ملّيـت أبـيّـن للحبيـبـة وأنــادي=واشرح لها ظروفي وأصرح بالأسبـاب
وأثر الظـروف تزيدهـا لـي عنـادي=وتجرح بها قلـب الشقـاوي وتغتـاب
صحيـح أنـا قلبـي بلـون الزبـادي=وإن هبت ريـاح الأحاسيـس بـه ذاب
وصحيح أنـا طيّـب ولا لـي معـادي=وأجنّب الهوشات وأمشـي بالأجنـاب
لكـن بـي عـزة وعنـدي مـبـادي=من دونها أحارب بظفـري والأنيـاب
والعـزة العـزة .. رصيـد وعتـادي=ونـاس بـلا عـزة رديـيـن وزلاب
ولـخـاطـر الــعــزة أودّع ودادي=ياعـل حـبٍّ مـع مذلـة للإعـطـاب
وبالدمعـة الحمـرا كتبـت ابتـعـادي=وبصفحـة العشّـاق سجلـت بغيـاب
عشرين بيـت وبيـت معهـا يـزادي=سفحت فيهـا عبـرة القلـب بكتـاب [/poem]


الجرح وإن جانا مـن النـاس عـادي=غير البلا والموت من جـرح الأحبـاب
أكيد أقتبسته من ذا البيت لأنه أحلى بيت سمعت فيه
بعض الجروح إن جت من أغراب عادي . . الجرح موت الجرح لا جا من أحباب



تحياتي لكم