أحدث قصائدي

بملي عيوني بالنظر قبل لا أموت
وان كان طولت بالنظر فأعذريني

بحاول أثبت شي ماهو مثبوت
وبحاول أهرب وانت موجود فيني

مبهوت في دنياي واضل مبهوت
ولامن بغيت الصعب تكسر يديني

واصيح لاكن صيحتي مالها صوت
وابكي ولاكن دمعتي وسط عيني

دخلك ترا الكل العمر يوم ويفوت
وتذبل بعد فرقاك زهرة سنيني

كن الكرامه تحتضر يوم وتموت
وابكي على الدنيا وهي ماتبيني

مقيد أمالي رجاء ابغاك مفلوت
ماعاد تبعد عن يساري يميني

ولا عاد لي حلا لاشرب او قوت
وايقنت بان الحين ماهو حيني

ونفس الطريق الي سلكته بسكوت
برجع معه والي يجيني يجيني






ليت الجروح قصاص وأخذ بثاري
لجرحك جرح مايداويه دكتور

جرحن يطفي من لواهيب ناري
ويشفي غليلن مع العالم يجور

ودي قبل موتي أرد أعتباري
أخاف اموت وخاطري مكسور

على كراسي الجرح طال انتظاري
ماتلتفت لي ليه قاسي ومغرور

مفعول غدرك داخل القلب ساري
مأظن بقلبك أحاسيس وشعور

لامن كتب عليك ربي انتصاري
ابتركك في اليل الاحزان مأسور

لو الجفا بالحب ماهو شعاري
وحده بوحده ومأخذ الثار معذور

ماحدن بحالي من سواياك داري
اضحك وأجامل والحشا منك مقهور

ليه الوفا مالع فخاطرك طاري
يامحترف تجريح قلبي من شهور


وسلامتكم

هالقصدتين أهداء للاداره