ودي أكتب والقلم عيا يطيع
مدري الأشواق والا انت السبب
كيف أعبر والحكي مني يضيع
اسعفيني يا قواميس العرب
يا حروفي اشعر بشي فظيع
في خفوقي نار وأشواقي لهب
هذي أقلامي بكسرها جميع
في سكوتي تصبح أشواقي ذهب
ناس تفكر همهم..يسعدونك
وناس تفكر كيف تقدر..تبكيك
لا تشتري من حاولو..يخسرونك
ولا تخسر اللي فكر بيوم..يشريك
مافي اجمل من صديق..يصونك
ولا فيه اقسى من قريب..يعاديك
اكبر قهر لا صار ناس..يبونك
وانت تبيهم بس حظك..لعب فيك
للفرح يوم هليت في قلبي هبوب
ما اظلم زماني يوم عن الكون غايب
لك بسمة تتملك الكون بالطيب
ولك نظرة سوت بروحي العجايب
يا جعل عمرك سعد وايامك تطيب
وجعلني فدا حبك ماعنه تايب
بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك
احب اسولف عن غلاها وخايف-
اتيه انا في حسنها من حلاها
مره اقول ان الكرز بالشفايف-
ومره احس ان البها من بهاها
مره اقول انه حسين الوصايف-
ومره اقول ان الحسن مبتداها
ومره اقول ارواحنا كالولايف-
ومره اقول الروح مني خذاها
ومره اقول الورد يذبل وزايف-
ومره اقول الورد عطره شذاها
ومره اشوفه شمس عالي ونايف-
ومره احس ان القمر من ضياها
ودي اسولف لكن الشوق طايف-
فوق الغلا ..لو حيرتني معاها
المواضيع المتشابهه
نور_الدنيا
ـالشــاعر ـالولـهآنـ
العرض العادي
