المتنبي ,, وجريرفي التخصصي ؟ يطاردون بنات خش وأضحك ..

[frame="7 100"]

السلام عليكم ورجمة الله وبركاته

وبعد :

واحد ارسلي رساله وسائط والصراحه مضحكه جدا وحبيت انقلها لكم ,,

مع التعديل في بعض الجمل والعبارات ,,


يقولك كانو اربعه المتنبي وامرؤالقيس و جرير والفرزدق راكبين موتر المتنبي (200 ال )

وطالعين يتعشون بروستد ,,

طبعا أمرؤ القيس (( شايبهم ))كانت قافله معه لانه ما يحب طلعات الليل ((الشوف عنده شوف

شجر )) وكان يقوولهم خلنا

نطلب العشاء ((دلفري )) وكل شوي يلمح لهم ويقول :

ألا ايها الليل الطويل الا انجلي

بصبح وما الإصباح منك بأمثل

بس الجحلط جاحدينه لأنهم يحبون الدوااره في الشوارع ,, عموما المتنبي ما

كان يهمه لان

واحد من غشمان الرياض حده

وخلاه يرقى دوار الاحساء,..


انقهر المتنبي لدرجه انه التفت على العيال وهو يصارخ ويقول :

من لم يمت بالسيف مات بغيره

تعددت الاسباب والموت واحد

بس الفرزدق وجرير ((اللي كانوا راكبين ورى )) ما كانوا فاضين له يعني جرير والفرزدق

كانوا راكبين جنب بعض (( انوااع المناجر والهواش اربع وعشرين ساعه ))

وما أنتبهوا لاحد لكن العيال أهجدوا فجأة,,

استغرب المتنبي ,,,,

مهيب عادتهم ,,


اثاري العيال قاعدين يكحلون عيوونهم ,, وياليتهم شايفين شيء ,,, طرف عباة راكبه

جمس ومظلل بعد

تهيض جرير ,,,

عاد جرير ياجماعه ما يبيله شيء قلبه خضر,, وانشد وقال :

إن العيون اللتي في طرفها حور

قتلننا ثم لم يحيين قتلانا

وقام يتطلب المتنبي يبيه يلحق الجمس ...

عاد المتنبي يوووووووووه انواع الغرور في ذاك الادمي رد عليه :

مابقى الا هي انا المنتبي ,, وانشد

الخيل والليل والبيداء تعرفني

والسيف والرمح والقرطاس والقلم

أفرض يا اخي كبس علينا ابو العتااهيه بجمس الهيئه,, بتنفعنا انت وخشتك,,,

قفلت مع جرير وبغى يتضاارب مع المتنبي ,, ولاول مرة في تاريخ الشعر العربي يتفق جرير

والفرزدق على نقطه معينه ,,

بس الفرزدق جابها بأسلوب وقام يقردن المتنبي يبيه يلحقهم

وهااااااات يا مدح بالمتنبي ... وانشد وقال :

هذا الذي تعرف البطحاء وطأته

والبيت يعرفه والحل والحرم

وصولا الي

ما قال لاقط إلا في تشهده

لولا التشهد كانت لأوة نعم

في الاخير تحمس المتنبي وطق اللطمه ودزها ورى الجمس ,,

وهات يا طردي ,,

وهات يا طردي في الملز ,,

امرؤ القيس كان مرسم ومشخص من جهة البنات بس انه كان نفسه يشتري الجمس حق البنات

(( موديل 82 حليبي وابيض ))

ولا انسى انه كان يداعب الريح

وتهيض أمرؤ القيس وانشد بالجمس وقال :

مكرمفر مقبل مدبر معا

كجلمود صخر حطه السيل من علي


وما فيه الا غزل وتصفير ويا حلوين ويا ايه العجب المهم بدا الجمس يبعد عن العيال وصار

جرير

يتتريق على المتنبي وسيارته وعلى عزمها

ويقول مزعجنا :

على قدر اهل العزم تأتي العزائم

وتأتي على قدر الكرام المكارم

واخرتها طلعت الدعوه بكش قفلت مع المتنبي وقال الفرزدق والله يلوم اللي يلومك

يوم انك تكره هالسنين وبعده رد المتنبي الموتر بأثنين

ويدوووووووووووووووووووووس



وبقدرة قادر صادوا الجمس وقرب المتنبي جنب قزازة الجمس وقال لجريرورنا شطارتك يا

المتفلت رد جرير اعتبر المووضوع منتهي

سحبنا بنات الكليه نعجز عن ذوولي ؟؟

وقام جرير يأشر ويأشر

عاد البنات ما كذبوا خبر ونزلو الدريشه

وكانت صدمه هاائله جدا جدا ,,

وش ذا المقاشع( يعني شيف ) ...!!!

شلة طقاقات1401هـ

العيال انصرعوا من هول المفاجأه وقام يذبون على بعض

وجرير كان منصدم الي درجه انه قال :

فغضي الطرف انك شيفة

فلا باسكال بلغتي ولا ديانا


طبعا قبست بين العيال في الموتر والمتنبي يشب على جرير يقوله شف يا الزلابه ؟؟

مشورتنا على الفاضي وطلعوا سحالي ...,,


في هالوقت لمح الفرزدق موتر ابو حصاله (( فتحه في السقف ))

كان يلاحق البنات وحب انه

يحذرهم ويقولهم لا تتعبون انفسكم ,,

بس يوم دققوا بالعيال إلا وهم ابو نواس وعنتره ,,

قال الفرزدق انا قايله ما يطارد البنات الا ابونواس بس والله يا هو مصلحجي جايب عنتره

معه حق هوشات وفزعه ,,

في الجهه الاخرى كان عنتره يتميلح قدام البنات ويقول :

ولقد ذكرتك والرماح نواهل مني

وبيض الهند تقطر من دمي

فوددت تقبيل السيوف لانها

لمعت كبارق ثغرك المتبسم


ضاق صدر المتنبي وقال للعيال ياخي ما احد يحقر نفسه مثل ذا الشين ولا يغازل بعد

ويدز جنبه ويقوله المتنبي طبعا لعنتره :

لا تشتري العبد الا والعصى معه

إن العبيد لأنجاس مناكيد

عنتره سمع البيت وووولع وقال لابو نواس حدهم .. حدهم ابي أتضارب معهم .. وقام ابو

نواس ياشر بالنور ويكبس لهم ,,


ويقول يوم جا الجد انحشتوا ..نزل القزازة المتنبي وقالهم الوعد التخصصي ..

وقال ابو نواس يا عنترة هما اربعه واحنا اثنين (( والمازدا ما تكفينا ))

والكثرة تغلب الشجااعه ,,

قال عنتره ما عليك ادق على اكبر مشكلجي بالرياض وولد يحب

المهاوش والحرش من جد ؟

قال ابو نواس منهو قال عنتره ما يبيلها اكيد (( تأبط شرا ))

المهم يوم دقوا عليه حصلو جواله مفصول ,,


قال ابونواس توهقنا قال عنتره ما عليك نلاقيه بملحق ابو تمام ودقوا على ابو تمام ورد

عليهم

وقالووله تأبط شرا عندك قال ايه قال السالفه فيها مهاوش ومجالد وكذا وكذا هاه معنااا قال

ابو تمااااااام :


السيف اصدق انباء من الكتب

في حده الحد بين الجد واللعب


وسلامتكم إنشاء الله أعجبتكم

أخوك أسير الحب ,,[/frame]