من تكون

بسم الله الذي لايضر مع إسمه شيٍ في الأرض ولافي السماء

اخواني واخواتي ..مشرفين .. اعضاء .. زوار هذا المنتدى الراقي


لايسعني إلا أن اقدم لكم هذه القصيدهـ التي اتمنى أن تنال على إعجابكم حيث أنها طلبت مني




من تكون





جيت تسأل ياحبيبي بذمتك منهـو تكـون.؟
وقمت أضحك من سؤالك مبتسم يومك لفيت

قلت أسمع ياوليفي خابرك شخـصٍٍ تمـون
أنت فرحي وأنت حزني وانت دمعي لابكيت

وأنت في جمله قصيره"رمش عيني والعيون"
وأنت في كل الدقايق فكري لامنـي سهيـت

وإنت شعري والقصايد وأنت عزفي والفنون
وانت حظي وأمنياتي يومي أتمنـى وجيـت

وأنت لي نظرة وبسمه بإنطواءات الجفـون
وإنت لي خـدٍ تطـوى بإبتساماتـه حييـت

وأنت جوي لاستوالي بالسحايب والمـزون
وأنت قطرة فوق صدري منها مره مارتويت

خذني الطفل المدلّع وسط حضنك يالحنـون
وأخذك درب طويل ماأتعبه مهمـا مشيـت

من غرامك ياغرامي أصـل لحـد الجنـون
وأنت تسأل إببـراءه مادريـت إلا دريـت

تدري إني في غيابك أفقد أعصابي وأكـون
من غيابك ياأميري قـد تكلمـت وشكيـت

دمعتي سالت عشانك كني باأوساط السجون
ناحلٍ جسمي بحبك فـوق هـذا ماأكتفيـت

لو يهون الكل عندي إنت شخصك مايهـون
لانك أغلا ماملكته فـي حياتـي واحتويـت

ياسبب دائي /ودوايه /ياعلاجي /والطعـون
ياسبب شفـة طعونـي إبعلاجاتـك شفيـت

البشر عندي ظلامٍ وأنت عندي نور كـون
والبعض عندي صباحٍ وأنت ليلٍ به سريـت

إنت عندي نبع صافي وغيرك نبوعه بدون
وأنت عندي حكيي شيخٍ مانطق كلمة "ياليت"

كل هذا ياحبيبي وجاي تسأل مـن تكـون.؟
أنت فرحي وانت حزني وأنت دمعي لابكيت



مع فائق الاحترام والتقدير لمن مر هنا

روووووووووعه يارمح المووت >>ماتجاامل

دمت انت الابدااع رفقه


الله يعطيكــ العاافيه

مشكوره على مرورك اختي انجل

ربي يحفظك

مشكوره على مرورك اختي جرح طاهر