والله انك قديمه

يا بنت ماسدك اليوم تجريح
مات قلبك و المـشاعر عقيمه

خلتني يابوبندر مع هبة الريح
و لا كأنـي عرفـته ولا حتى نديمه

لمـّـحت لـه بالغـلا مليـون تلميـح
بـس العواقب للأسف جت وخيـمه

أنـا عيبي إني بهالدنـيا صريـح
وانت تبخصني دروبـي مستـقيـمه

هذا حالي معـاها ماتروف ولاتبيح
تغلـّـى تحسب إن التغلي غنيمه

يابنت شمـعتنا لا تـذوب وتسـيح
ترى بيع الحبايب يابنيـّه هزيـمه

يكفيني غزل وانت صدقك شحيـح
ترى كتـم المشاعر ياحياتي ذميـمه


هي تبـي اسمهـا من قصيدي يزيح
والقصايد بلا أسمها ما لها قيـمه

تقول انت شعـرك بغيـري يامليـح
تراني بالـلكاعـه يا محمد زعيـمه

ياهيـه يا بنت ما يصـح ّ ألا الصحيـح
بنسى كلامك و أدووس الشتيـمه

مانب شايـل أسمك وخلـّـك مستريـح
وشعـري فيك عسى الله يديـــــــمه

انا محمــد و اقولها لك بالفصيـح
ما عجزت ولا ارتخــت لي عزيـمه

صحيح اني من عنـا بعــدك جريـح
لكني خصيم اليأس والله خصيــمه

يمكن ما استحق الإشـاده والمديـح
لكن ترى طــز بالعلاقات الحميـمه


كنت أخاف انك على غيـري تطيـح
وقلـيـبك ما يحتـمل زووود تحطــيـمه

وتبكـي على صدقي بعديــن وتصيـح
ومن زود الندم يحترق في هشــيـمه


كـذا لاتحـــــكم وتبدي لـنا تصريـح
ترى الحكـم بليـّا شهـــــاده ظليـمه


تراني عنزي والعنزي مايطيح
كانك تبي غيري ترى ماهي لزيـمه

ان كان ودّك عن درب المحبه نزيح
بصـرك يابعد حيي روحي بشيـمه

ضـقـت بـك ذرعـاً لا ترتاح ولا تريـح
ماتحن وماتحس وأحاسيسك عديـمه


خوذيها مني نصيحه واعتبرني نصيـح
والذكـي يفهم و (( البهيـمه )) البهيـمه

مع السلامه كان بعدي لك مريــــح
((الخـــلا بس الخـلا )) و أنتي فهيـــــمه

بعتـقـك من غلاك وأعطيـك تسريح
ان كان شعري فيك ماله حشيـمه


باي باي .. يا مشـرّح القلب تشريـح
خــل التغـلـّي ينفعك وانتي حليـمه

تبي تروحيـن ؟؟ روووحي عسـاك الريح
لا صرتي سقيمه وأحاسيسك سقــــيـمه

تحسب إنـّي بركـض وراك و أطيــح !!!
لا !! اسمحي لي بقول إنـّـك قديييمه


وسلامتكم


مع فائق الاحترام والتقدير لمن مر هنا