بيتزا .... زى طعم بيتزا هت

روعه روعه وطعمها زي طعم بيتزت البيتزا هت بالظبط
جربوها وانتظر رايكم !!

مقاديرالعجينة
1 كيس طحين (مايعادل 6 ونص أكواب) مطاحن الكويت او أي نوع
1 كوب زيت
1 كوب سكر
2 ونصف كوب حليب دافىء
2-3 ملاعق كبيرة خميرة فورية
2 ملاعق كبار بيكنج باودر
رشة ملح
مقاديرالحشوة
صلصة بيتزا أو كاتشاب
مشروم مقطع
بصلة مبشورة
طماطم مقطعة صغيرة
فلفل بارد مقطع حجم صغير
زيتون أسود حلقات صغيرة
جبن مازوريلا + جبن كرافت مبشور

الطريقة .. تخلط المقادير الجافة مع بعض .. الطحين ثم الخميرة والباكينج باودر ورشة الملح والسكر، يضاف الزيت ثم الحليب الدافىء .. حطو الحليب السائل على دفعات .. يعني حطي كوب وعجني وبعدين الكوب الثاني ... وآخر نصف كوب لاتحطينه كله اعجني وحطيه .. وآنا صراحة إستهلكت ربع كوب مو نصف ... وفي ناس إستهلكوا نصف .. يعني اعجني وشوفي إحتياجك إشكثر ... ويمكن تحتاجين بالآخر رشة طحين بعد ... وبعد حطيها في كيس نايلون وحطي الكيس داخل جدر وحطيها في مكان دافىء ، إذا عندكم حوش حطيها على مكان الشمس ، أو داخل فرن دافى، وتخلونها أقل شي ساعتين ... وبعدين لما يتضاعف حجمها ... تنعجن على شكل دائرة ويفضل رش السطح اللي بتعجنين عليه بالطحين، وتحطينها في صينية الفرن وتحطين عليها إما صلصة البيتزا الجاهزة (العلالي) أو كتشب .. صراحة أثنينهم حلوين ، و تقدرين تخلطين شوي من هذا وشوي من هذا ، المهم بعدين رشي عليها البصل بس شوي مو كثير، يعني إذا صينيتك كبيرة يكفيك نصف بصلة حجم متوسط ، وبعدين الطماط بعد شوي وحطي بعدين المشروم والزيتون والفلفل البارد، وإخذي جبن المازوريلا وخلطيه مع جبن كرافت علشان يعطيك طعم ، وغطي الوجه كله، خليه لونه أبيض ، يعني إستخدمي الكيس الكبير من المازوريلا مع 1 قوطي كرافت حجم كبير، ودخليها الفرن لما يتحمر من تحت وبعدين حمريها من فوق ... وبألف صحة وعافية
قولولي إذا جربتوها .. Ok