قالت أبيك تقول فيني قصيدة

جتني تعاتب والعتب تستزيده
يا زينها ويا زين حتى عتبها

قالت تجيد الشعر ؟ قلت إيه أجيده
( هي جت كذا ) لازم أنفذ طلبها

قالت أبيك تقول فيني قصيدة
أبي الجموع تصيح منهو كتبها ؟

ابي القوافي والمشاعر فريدة
ابيك تتعبني وأحس بتعبها

أبيك تلعب في بحورٍ جديده
أنت الوحيد اليا لعبها .. لعبها

تكفى طلبتك يا محمد الوليدة
جبها على الطاروق يا شيخ جبها

المشكلة طفلة وطفلة عنيدة
قبل سنة قطت بقايا لعبها

واليوم سيد الناس تصير سيده
كم سيد قوم جا لبوها خطبها

يلعن ابو جد الشعور وكديده
إن كان ما ولّد قصيد بسببها

الزين من ربي ويعطي عبيده
مهي من اللي زينها في ذهبها

وإذا نوت حي تكيده ... تكيده
يا قبلة الله يوم ترخي هدبها

ويا شعرها لامن عصاها تعيده
للخلف ويغطي مثاني ركبها

والطول يا أهل الطول عنق الفريده
طولي إذا قطت صغيّر كعبها

وشلون أعدد من صفات عديده ؟
يكفي تأدب جيلها من أدبها

عندي قريبة بس عني بعيده
وهي مسألة صعبة على من حسبها

يا الله عساني قلت فيها قصيدة
وعسى قصيدي يا جماعة عجبها




مع فائق الاحترام والتقدير لمن مر هنا

محمد
يسعدني ان اكون اول المارين على هذه الرائعه الجديده
محمد صدقني انت عنوان التميز مشكور على كل شي

مرورك لي اخوي احمد شر ف كبير لي

ربي يحفظك

ومشكوره مره ثانيه على كلامك العسل ياعسل

[align=center]الاخ محمد الدهمشي 000 ابو عدي 000[/align]
[align=center] انني واثق ان اسعد الناس بهذه الابيات هي من قيلت فيه القصيده

صح الله لسانك وبنتظار رائعه من روائعك الشعريه والى الامام[/align][align=center]اخوك متيم في الهوى[/align]

[align=center]الاخ محمد الدهمشي 000 ابو عدي 000[/align]
[align=center] انني واثق ان اسعد الناس بهذه الابيات هي من قيلت فيه القصيده

صح الله لسانك وبنتظار رائعه من روائعك الشعريه والى الامام[/align][align=center]اخوك متيم في الهوى[/align]

مرة اخرى انت عنوان التميز

مشكورين على مروركم الكريم وكلماتكم الاكثر من رائعه

مروركم لرائعني شرف كبير يعلم الله