يارايحـه جـاي

عليك صاح الشـوق واليـل والنـاي
والعطر والمكياج ومن شاف زولـه

والكحل والمـراة والعـود ومنـاي
حتى نسيـم الريـح يعلـن ذهولـه

كم صاح نجم سهيـل عليـك نعـاي
ونسي المجرة كيـف ينـدار حولـه

عجزت امشي كيف ابي انقل اخطاي
ولاعاد اشوف الخط عرضه وطولـه

ابكي عليك بعبرتـي وداي يـادواي
وانتي عذابي وفوز كـاس البطولـه

كني هبيل مضيـع العقـل والـراي
لانوى يمشـي قـام يقلـب انعولـه

اسرح مع الهاجوس الضيـم ويـاي
وعقلـي تشتـت ثـم قلـت حلولـه

واجرحي اللي ساكنن فـي حنايـاي
من غيرك من الناس صعبٍ يزولـه

انتي الوطن والحب وعمري ومرباي
ومدى الدهر تبقيـن حلـم الطفولـه

يالي عليك اثقل من المـوت بلـواي
تعجز وازان الكون تجمـع حمولـة

اعتب علي ظروف الزمن خاين معاي
اللي مقيد خطوتـي عـن وصولـه

اتا طعنتني بخنجـر الغـدر دنيـاي
لاما صفالي من الزمان يـوم انولـه

حطم طموحي والأمل مـع نوايـاي
وصبـح زمانـي دورتلـه عجولـه

والصبر قال اوصيك احفظ وصايـاي
اللـي صبـر للشـى لابـد يطولـه

لابد مـع الأ يـام يارايحـه جـاي
ثـم يسـل الحـظ سيـف الرجولـه


وسلامتكم


مع فائق الاحترام والتقدير لمن مر هنا