بعض البشر

بسم الله الرحمن الرحيم

والصلاة والسلام على اشرف المرسلين سيدنا محمد وعلى اله وصحبه اجمعين

اما بعد هذه القصيده موجهه امن يشكك في مصداقية شعر الدهمشي

(والفاهم أدرى والجهل للغشيمين)


بعض البشر مدري وش اللي بلاهم
تعقد حواجبهم غضب يوم أجيهـم

أن جيتهم أبغـى أسولـف معاهـم
ماكني إلا جيت أسولف ..عليهم !!

ماعدت أميز طيبهم مـن رداهـم
ولاعدت أميز وش نوايـا حديهـم

لان اطيب شخص فيهـم أرداهـم
ولأن أردى شخص موجود فيهـم!

من يوم مااعطوا للرجولـه قفاهـم
مافيه شخص ٍ بالمواقـف يبيهـم

مالوم نفسي يـوم عكـرت ماهـم
والله لو اني صرت حسبة أخيهـم

من لحم خلـق الله يقلـط عشاهـم
وان جيتهم قاموا و"مشوا" يديهم !!

هم يحسبوني تو باقـي ..وراهـم
مادريوا أني قبلهـم ..واحتريهـم

باعوا ضمايرهم "بحفنـة دراهـم"
وقامت دنافيس البشـر تشتريهـم

مافيه شخص ً فيهم تقول : فاهـم
ولافيه شخص ماسلم من حكيهـم

قردهـم الله يـوم زود عمـاهـم
وانا أرجـي الله فالحيـاه يهديهـم

بالضبط شفهم يشبهـون لنساهـم
ولاعندهم أدنـى أحتـرام لذويهـم

وش ظل فيهم يوم ربـي عطاهـم
وقاموا يتباهوا..كذب !! مما لديهم

ويابدر معهم صار صعب التفاهـم
وقبلك ترى بلغت ولد " الصليهم"!!

بااروح عنهم وأتقي عـن غثاهـم
ويقطعني الله كان أبرجع إليهـم !


وسلامتكم


مع فائق الاحترام والتقدير لمن مر هنا