|
|
|
|
|
 |
|
|
|
|
|
|
|
|
| اشترك في قروب دلع ليصلك جديدنا |
| زيارة هذه المجموعة |
|
||
| العضو المميز | الموضوع المميز | المشرف المميز |
(عاشقــ(M)ــة الليل) |
همســُ‘ـة غــُ‘ـرٍَوٍبًَّ |
|
|
|||||||
| التسجيل | التعليمـــات | قائمة الأعضاء | التقويم | اجعل كافة المشاركات مقروءة |
| منتدى الدردشه والسوالف يختص بمناقشة كافة القضايا الهامه والعصريه وتبادل الاراء الجادة والواقعيه |
 الإهداءات |
 |
|
|
LinkBack | أدوات الموضوع | طرق مشاهدة الموضوع |
09-06-2006, 10:19 PM
|
رقم المشاركة : 1 | ||||||||||||
|
°•.ღ.•° سـ ـ ـ والـ ـ ـ ـيف °•.ღ.•°
: السلام عليكم ورحمة الله وبركاته  يالله حيهم كلن باسمه : حيّــاك يامـن جيـتـنــا اليـــوم لافــي الدار دارك وإنـــت ضمــــن الجمـــاعــهبما اني ماأجي الا مع المواسم فأبشركم التمر أغلبه طاح  << باللهي  مبطيين عن سواليف التراث فببدا بس واعتبر الي فوق مقدمه  : ღ نبي نبيد المال قبل يجي قضاع ويبيده ღ كان فيه رجال بخيل بالحيل .. وكانت شغلته انه يتاجر ببعض فلوسه فيروح بلده ثانيه ويجيب بضايع ويبيعهن وعلى هالحال .. كبر الرجال في العمر وهو مااعرس وولا عنده عيال كلذا خوفن منه على قروشه ما يبي يصرفهن على حرمته وعياله .. فمرتن جاه واحد يعرفه وقاله يافلان ورا ماتعرس وتجيب لك مره اذا انشق ثوبك تخيطه وتطبخ لك وتوسع صدرك ووو .. والرجال ماهيب داخله الفكره براسه لان وراها صرف قروش ! قاله خويه شف عندي لك وحده أرمله متوفين زوجها ومعها وليد يتيم ماتبي منك ولااا شيء لا تصرف عليها ولا على ولدها ولااشي ماتبي منك الا الستر .. وقام خويه يزن علية ليين اقتنع واعرس عليها .. وقعدوا عنده الأم والولد شهور لا ذاقوا اللحمه في بيته ولاشيء والحرمه صابره عشان وليدها ومتحمله .. ومره كان الرجال رايح لبلده ثانيه عشان يجيب منها بضاعه وكان الوقت برمضان ويوم وصل الرجال البلده دخل المسجد وجلس فيه وكان الوقت قبل أذان المغرب فقعد الرجال يحتري احد يعزمه على الفطور ولا أحد من الي بالمسجد قاله شيء كلهم مثله مسافرين وجالسين يرتاحون والا يصلون ضاق صديره ويوم جاء يبي يطلع والا يدخل عليهم رجال توه صغيرن بالعمر وقال : الي ضيف على هالمكان والا مسافر والا فقير والا أي شيء حياه الله على الفطور في ذا البيت الي قبال المسجد عاد كلامه كم مره وطلع من المسجد .. انبسط خوينا البخيل وقبل الأذان طلعوا كل الي بالمسجد الي راح لبيته والي راح معه لبيت ذا الرجال ويوم دخل ويشوف المجلس ملياان ويشوف ذا الذبايح والنعمه واجده وتطير عيونه .. بعد ماافطروا قال نفس الرجال يااخوان الي فقيروالا ضيف مايعرف احد والا أيي شيء حياه الله هنا للسحور .. ويوم جاء وقت السحور والا يشوف ناس جدد وبعض الي كانوا موجودين وقت الفطور ويشوف ذا النعمه والذبايح والناس تاكل وتمشي.. بعد ماتسحر راح للسوق يحتري المحلات تفتح ويشوف واحدن جاي للسوق يبي يفتح محله قاله : انت من ذا الديره ؟ قال : ايه قاله : طيب وش قصته راعي ذا البيت " وأشر له على بيت الرجال " الي يعزم الناس على الفطور والسحور ؟ قال : هذا الله يسلمك كان في رجالن بالديره بخيل قضى عمره بس يكنز ذا القروش عنده ولا يصرف منها شيء على نفسه ويوم كبر بالعمر اعرس له على ارمله عندها ولد اسمه قضاع .. وعيشهم عيشتن قشرا معه.. بعد فتره توفى الرجال وترك فلوسه كلها للحرمه وولدها والي شفته انت هذا هو قضاع قاعدن يلعب بالفلوس لعب . المهم .. شرا الرجال البخيل بضاعته ورجع لديرته وقبل لا يدخل على أهله راح للسوق وشرا نص بعير وقال ارسلهم لبيت فلان وشرا حطب وقال ارسله لبيت فلان وشرا تمر وفاكهه وخضار وارسلهن .. ويوم دخل بيته وتجي حرمته مرتاعه قالت : يافلان وش القصه تو جانا راعي التمر وراعي الخضار والفاكه وجانا وجانا قال: ايه انا مرسلهم قالت : وش الطاري ووش صاير قال : نبي نبيد المال قبل يجي قضاع ويبيده .. قالت : ليت قضاع جاي من زمان : ღعساها قاسمة خير ღ يقال ان فيه تاجر من تجار العقيلات كان كل ما صار له موقف شين والا حصل له أي شيء كان يردد : " عساها قاسمه خير " ومن كثر ترديده لذا الجمله صاروا أخوياه يتضايقون منها .. وفي أحد سفريات هالتاجر كان معه اثنين من اخوياه وكانوا رايحين يجيبون لهم بضايع وكل واحد معه مزودته فقاموا أخوياه وقالوا نبي نعرف وش قوة ايمانه بهالجمله الي يرددها قبل كلما صار له شيء .. يوم جاء الليل ونام التاجر جوا أخوياه الثنين وفتحوا مزودته وخذوا كل القروش الي فيها وحفروا لها حفره ودفنوها وناموا .. ويوم جاء الصبح جاب كل واحد مزودته وقعد يعد القروش الي فيها ويوم دخل عليهم الرجال قال وراكم تعدونها قالوا عشان نعرف كثر ايش بنشتري بضايع ولازم نحدد قبل ونعرف وش معنا زين قام وراح يبي يجيب قروشه ويعدهن معهم ويوم فتح المزوده ولا لقى بها شيء فرجع لاخوياه وقال : شكل القروش طاحت من المزوده وحنا نمشي بالطريق .. لااكن "عساها قاسمة خير" قاموا أخوياه يقولون له هالحين قروشك راحت في ذا الطريق الي قطعناه وتقول "عساها قاسمه خير " وين الخير معه ؟ قال : هذا كله من تدبير ربي ويمكن انه يوم ضاعت قروشي كان صارفني عن شيء ويبي لي الخير .. سكتوا أخوياه وقاموا يتقهون وتقهوى معهم وهو راضي بقضاء الله .. وفي نفس الوقت هجموا عليهم قطاع طرق وأخذوا كل مالهم وحلالهم وما خلوا لهم شيء الا قربة يشربون منها ودلتهم الي تو يتقهون فيها .. بعد ماهدا الوضع قالوا لخويهم ياابن الحلال ترا السالفه كذا وكذا وكذا وقروشك ترانا دافنينها بالمحل الفلاني عشان نختبر قوه ايمانك وعوضك الله خير .. : ღ تساوى الغارب بالسنام ღ كان فيه واحد من العقيلات رايح هو وعبدن له " وكلنا عبيد لله " المهم وهو في الطريق هجموا عليه قطاع طرق واخذوا كل قرووشه وحلاله الي هو رايح يتاجر بها قام العبد قاله ياعم : " تساوى الغارب بالسنام " والمعروف ان السنام عمره ما يتساوى مع الغارب وهو يقصد اني انا وياك صرنا مثل بعض .. المهم الرجال شينه يرجع لأهله وهو مسروق فرجع للديره وهو متخفي وأول ما دخل بيته صك على العبد في حجره .. وراح عند واحد من اخوياه وقال له القصه قام قاله خويه شف لااحد يدري بالسالفه انا عندي كروش وبدبر لك زياده عليها وجمع له لين جاب له قيمة القروش فسافر وجاب بضاعه وباعها وسافر ورجع وعلى هالحال لين مارجع فلوس خويه وجمع نفس قروشه الي انسرقت فراح هو والعبد عشان بيشترون مره ثانيه وهو في الطريق مر على المكان الي قال له العبد فيه الكلام وقاله يافلان : يتساوى الغارب بالسنام ؟ قال العبد : لا ياعمي مايتساوون .. : ان شاء الله جازت لكم سواليفي  :
|
||||||||||||
|
|
09-06-2006, 10:28 PM
|
رقم المشاركة : 2 | |||||||||||||||
|
[align=center]وعليكم السلام ورحمة الله وبركاته هلا والله بوهه طايره منوووووره الدردشه ويازين هالسوالف كثري منهاا مدري تسمحين لنا نسولف ولا بس انتي  << مسولف مسولف بس افضا  الله يعطيك العافيه ويحفظك لاتحرمينا جديدك[/align]
|
|||||||||||||||
|
|
|
09-06-2006, 10:58 PM
|
رقم المشاركة : 3 | |||||||||||||
|
وعليكم السلام عليكم ورحمة الله وبركاته هلااا وغلاااا بوهه طايره .منووووره الدردشه...وبوهتنا طاارت من سواليفس الحلوه ...
|
|||||||||||||
|
|
|
09-06-2006, 11:04 PM
|
رقم المشاركة : 4 | |||||||||||||||
|
: بندر الفيصل أسفرت أنورت ياحظك أول من رد على موضوع بوهه اقتباس:
 اقتباس:
 ابد سولفو لما بكراا اقتباس:
بندر .. نور الموضوع بوجودك << هماني قايله فوق اسفرت وانورت خخخ حياك الله :
|
|||||||||||||||
|
|
|
09-06-2006, 11:19 PM
|
رقم المشاركة : 5 | |||||||||||||||||
|
اقتباس:
اقتباس:
اقتباس:
اقتباس:
اقتباس:
ان تسان عندتس ساالفه قوليه ومايردتس الا الكيبورد وحيااك الله [/color]
|
|||||||||||||||||
|
|
|
09-07-2006, 01:19 AM
|
رقم المشاركة : 6 | ||||||||||||||
|
[align=center] اقتباس:
 حيااك الله ماتكتب كذا حياتس الله عاد الحين بخثرد >> يو اندر استاند خثرد حجرف الذويبي حجرف الذويبي من قبيلة حرب القبيلة المشهورة في جزيرة العرب كان حجرف مشهوراً بالكرم , فقد كان ينفق كل ما يملك ولا يهتم إكراماً لضيفه أو لشخص يطلب منه العون . . . وإذا لم يجد شيئاً يذبح شاة أولاده التي يشربون حليبها أو يذبح مطاياه التي يرتحل عليها , وفي كل مرة كان بنو قومه يجمعون له من إبلاً ويعطونه إياها عوضاً لما أتلفه بالكرم . . . وكلما جمعوا له من إبل أو غنم أتلفه بين ذبيح لصاحب حق من الضيفان وعطية لطالب المعروف من العربان ولا يزال هذا من فعله حتى يخرج من جميع ماله , وهكذا . . . وفي أحد الأيام كان حجرف وقبيلته نازلين بالقرب من الماء بالصيف وقد أتلف حجرف حلاله كله بالكرم , وأرادت القبيلة أن تجمع له كالعادة فقال بعضهم . . . لِمَ لا نعطي حجرف درساً قبل أن نعطيه الإبل لعله أن يمسك على الأقل مطاياه التي يتنقل عليها ؟ . . واتفقت القبيلة كلها على هذا الرأي . . . فقد قرروا أن يرحلوا ويتركوه , حتى يعرف مدى حاجته إلى الرواحل التي تحمله , فإذا مرت مدة صالحة للاعتبار , أرسلوا له من الإبل ما يحمله وأهله . . . حتى إذا ما أحس بحاجته إلى الإبل وبعد مرور أيام يرسلون له الإبل التي يتنقل عليها وبالفعل رحلوا وتركوه وهو ينظر لهم فلم يلتفت إليه أحد حتى بقي في مكانه عند الماء وحيداً . . . وبالمساء أخذت زوجته تكثر عليه الكلام واللوم , وتحاول أن تنصحه بأنه لو كانت لديه مطاياه لعانق قبيلته ولحق بها . . . وهكذا لم ينم حجرف ليلته تلك فهم يريدون منه أن يتخلى عن طبع اشتهر به وعرف نفسه من خلاله وهو لا يستطيع وفي الصباح الباكر خرج حجرف من بيته يملأ قلبه الحزن والهم , وقصد إلى مكان مرتع كعادة البدو في ضيقهم يبحثون عن المكان العالي ويبثون حزنهم من خلاله حتى تذهب الهموم فيعود وبعد أن وقف في هذا المكان وتلفت فإذا داب أعمى يقف أمام باب جحره فاتحاً فمه ولا يتحرك وإذا بعصفور يقع على فم الداب ظناً منه أنه غصن شجرة فيلتهمه الداب ويدخل جحره . . . و حجرف يراقبه ولم يبارح مكان حتى جاء وقت العصر , فإذا بالداب يخرج ثانية ويفتح فمه كالمرة السابقة ويأتي طير آخر ويقع في فمه فيلتهمه ويعود لجحره . . . أدرك حجرف أن الذي يرزق هذا الداب لن يتركه أبداً . . . فأنشد يقول يقـول ابـن عيـاد وإن بـات ليلـه مانـي بمسكيـن همومـه تشـايلـه أنـا اليـا ضاقـت عليـه تفرجـت يرزقنـي اللـي ما تعـدد فضايلـه يرزقنـي رزاق الحيـايـا بحجرهـا لا خايلـت برقـن ولا هـي بحايلـه ترى رزق غيـري يا ملا ما ينولنـي ورزقي يجـي لو كل حـي يحايلـه جميـع ما حشنـا نـدور بـه الثـنا وما راح منـا عارضنـا الله بدايلـه نوب نحوش الفود من ديـرة العـدا ونخـزز اللـي ذاهبـاتـن عدايلـه خزن بالأيدي ما دفعنـا بـه الثمـن ثمنها الدما بمطـارد الخيـل سايلـه مع لابتن فرسان ننطـح بهـا العـدا كم طامعـن جانـا غنمنـا زمايلـه نكسـب بهم وننـزل بهـم خطـر والله مـن قفـرن رعينـا مسايلـه وبالمساء بعد أن فرغ حجرف من قصيدته عاد لبيته وإذا هو محاط برعية إبل كاملة فظن أنهم ضيوف واحتار من أين يأتي سبحانه له . . . عقلها في الصباح ورحل عليها وتبع قبيلته التي تعجبت من حال الذويبي فأين كان وأين أصبح ولما عرفوا القصة لم يعودوا ثانية لمعاتبته على كرمه الكريم حبيب الله بوهه طايره لايكون شطحنا الله يسعدك[/align]
|
||||||||||||||
|
|
|
09-07-2006, 02:16 AM
|
رقم المشاركة : 7 | |||||||||||||||
|
سلاااام  ولكم بندر اقتباس:
لالا يا بندر حياتس الله تنقال للبنت اما الولد حياك الله اقتباس:
؟؟اقتباس:
قصيدة فيها من العبرة الكثير وسبحان الله فيما خلق يعطيك العافيه واذا عندك حتسوه ثانيه ترا مانخالف ابد
التعديل الأخير تم بواسطة : بوهه طايره بتاريخ 09-07-2006 الساعة 02:19 AM .
|
|||||||||||||||
|
|
|
09-07-2006, 02:44 AM
|
رقم المشاركة : 8 | ||||||||||||||
|
[align=center] اقتباس:
انا عارف هاللغه وناجح فيها 100% وكنت اقصد حياك الله حقت عربجيه مو حقتي انتظري الحكايه الثانيه [/align]
|
||||||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
.gif)
العرض العادي
