( في بيت بوعبدالله ..)

ام عبدالله : فهد .... فهد نش عاد ياامايه ..

فهد : اماااااااايه والله مالي خلق .. انش ..

ام عبدالله : نش يالله ... اشووووه بعد مالي خلق ... يالله بتبطي عن الجامعه ...

فهد : امايه ... هب ساير خلاص بدق حق ربيعي خله يحضرني ..

ام عبدالله : شو يعني هو ربيعك استاذ ...

فهد : ههههه امايه حبيبتي ... انتي لاتشغلين بالج وخلاص انا بفهمج خلاف ..

ام عبدالله : اخبرك بتنش الحينه والا ابند المكيف ؟؟

فهد : خلاص امايه والله بنش خلاص ... ها ( وينش )..

ام عبدالله : محد قالك اسهر ... تدري عندك جامعه ..

فهد : امايه في الجامعه يعطونا محاضرات وفي البيت بعد مايصير ...الله مايرضى انا بشر ههههه ...

ام عبدالله : يالله عن الهذربة ونش ... يالله الريوق جاهز ...

فهد : ان شاء الله ..

( في المدرسة ... الحصه الرابعه ... حصة الجغرافيا حصة مس اليازية ...)

عّذابه : آمنووو ماروم اتحمل أنا متروعه خلاص الحينه تاكدت ريم اكيد فيها شي ...

آمنه : خلاص عّذابه ... سكتي المس الحينه بتدخل ...

نوروو : ايه بلاكن ..

آمنه : نوروو تعالي شوفي عّذابه ..

نورة : ها... اشفيج غناتي ..

(وتدخل مس اليازية ... الصف )

عّذابه : ابى اسير البيت مالي خص.. (ودموعها في عيونها ..)

مس اليازية : السلام عليكم ...

البنات : وعليكم السلام ورحمة الله وبركاته..

آمنه : عّذابه ... المس تتطالعج .. اشفيج ارمسي ..

عّذابه : تحط راسها على الطاوله وتصيح ..

آمنه : عّذابه ...

مس اليازية : بنات فجن صفحة 55 وارسمن الخريطه ...( واتيي صوب عّذابه وامنه) ... آمنه رفعي راسج المس واقفه حذالج ..

مس اليازية : آمنه ... اشفيها عّذابه ... تعبانه .. ولا؟؟

آمنه : والله مدري عنها ..

مس اليازية : عّذابه غناتي .. اشفيج ليش تصيحين ... تعبانه شي تبين تظهرين ؟؟

عّذابه : تهز راسها ... ابى اسير البيت هب رايمه ايلس خلاص ..

آمنه : خلاص باجي اربع حصص وبتروحين ...

مس اليازية : خلاص نشي عّذابه وروحي الاداره واستأذني .. وهذي الورقه مني..

عّذابه : تنش... وتروح تغسل ويهها وتروح الاداره ... وتدخل عند مس فاطمه .. سلام عليج ..

مس فاطمه : هلا عّذابه ... خير ..اشفيج ..

عّذابه : تعبانه ابى اسير البيت ...

مس فاطمه : اوكي يلسي... بتصل بيتكم واشوف ... وتتصل المس ويشل التلفون راشد ...

راشد : الو ... السلام عليكم ..

مس فاطمه : هلا اخويه ... عليكم السلام ..

راشد : آمري اختي ..

مس فاطمه : اخويه ... نحن نتصل من المدرسة وياريت حد ايي ياخذ عّذابه البيت لانها تعبانه ..

راشد: اختي عّذابه ... اوكي بيي اخذها خلاص .. مشكوره ..

مس فاطمه : العفو ..

راشد : ( يزقر على امه )... امايه ... امايه ...

جيني : .. ماما مافي روح برع ..

راشد : اوكي خلاص ( ويروح المدرسة ..)

( يوم يوصل يدخل .. وتروح عذابه وياراشد )

عّذابه : يالسه وتصيح ...

راشد : ايييييه ... اشفيج .. منو ضربج...

عّذابه : وهي تصيح ... راشد اسكت عني خلاص مابى اسمع شي خلني في حالي ... ( وتصيح من الخاطر ... )

راشد : بسم الله اشياج ... ( ويوقف السياره )... غناتي بلاج ... كنت امزح.. عسب تضحكين ..

عّذابه : ( وتحط راسها على ريولها وتصيح ... )

راشد : حبيبتي ... اشفيج رمسيني زين ( ويزخها من ايديها) ... عّذابه .. عّذابه ... ردي علي..

عّذابه : راشد ... الله يخليك وصلني البيت بس..

راشد : من عيوني ...

( في بيت بوعبدالله ... الساعه 1 الظهر ... )

حمد : امايه ... امايه ..

ام عبدالله : هااااا ... انا هني انت ييت ..

حمد : امايه ..اشحالج ...

ام عبدالله : الحمدلله ..

حمد : انا يوعان وايد .. ابى الغدى ... هب رايم اتريا ابى اسير ارقد ..

ام عبدالله : ان شاء الله حبيبي انت روح بس غير اثيابك ...

حمد : اوكي ( ويروح حجرته .. )

راشد : يالله غناتي وصلنا البيت ...

عّذابه : ( تنزل وتربع اتدق جرس البيت وتفتح جيني ... )

جيني : اوووه عّذابه ... واي كم ايرلي ..

عّذابه : خوزي عني انتي بعد وتربع حجرته ...

راشد : جيني امايه رجعت ..

جيني : يس في المطبخ ...

راشد : اوكي ...

حمد : اوووه رشود اشحالك ..

راشد : هلا والله حمود تمام ..

حمد : شو ماعندك شغل اليوم ..

راشد : لا وباجر بسير لندن ..


حمد : زين رشود ماتروم تاخذني وياك ..

راشد : والله اتخبر امايه وابويه ... وانا حاضر ..

حمد : صدق اليوم بتخبرهم وبشوف شو يقولون ...

راشد : لاتستانس وايد ... مااعتقد امايه وابويه يوافقون ...

حمد : حرام عليك ...

راشد : الا وين امايه ...

حمد : راحت تغرف لي الغدى ...

راشد : عّذابه مدري بلاها ... اتصلوا فيني من المدرسة ... وشليتها من المدرسة وطول ماهي يالسه في السيارة اتصييح ...

حمد : يعني هي في البيت الحينه ..

راشد : هيه ماشفتها ..

حمد : لا ماشفتها ..

راشد : اكيد ربعت فوق و ماشفتها ...

حمد : بسير اشوفها ... ( ويروح فوق ويدق الباب ...بس عّذابه مافجت الباب)....عّذابه فجي انا حمود ..

عّذابه : بصوتها المبحوح من كثر البجي .... شو تبى ...؟؟

حمد : فجي الباب وبقولج ... وهني يوصل تقرير بانه تم تسليم الرساله لريم .... بس عّذابه ماشافته لانها تفكر في ريم ...

( عقب مافجت الباب .. )

حمد : عّذابه ... اختي اشفيج ليش راده من المدرسة الحينه ..

عّذابه : ماشي ..

حمد : لا والله كيف يعني ماشي وبعدين ليش تصيحين ... تعبانه ولا متضايجه من شي ..

عّذابه : حمود ... خلاص مافيني شي ...

حمد : أي مافيج شي انتي شوفي شكلج من البجي كيف غادي ....

عّذابه : حمد ... قلتلك خلاص ماتفهم ... خلاص برقد ...

حمد : يعني طرده ( وهو يبتسم ).... عسب تضحك ..

عّذابه : (تزخ حمد من دشداشته وتظهره برع ).... سير خلني في حالي ....

حمد : ول عليج ... اشهد انج هب طبيعيه .... خلني اقول حق امايه تسير تعالجج في اي مستشفى للمينانين..

عّذابه : تبند الباب قو في ويهه ..

( في دبي ... المستشفى ... )

ريم : ( مشغوله بتلفونها .... )

ام ريم : ريموو حبيبتي بلاج اشوفج من فجيتي تلفونج وانتي ماشليتي عينج منه ...

ريم : هيه امايه ... اشوف المسجات اللي مطرشينها لي ربيعاتي ...

ام ريم : هيه ....

ريم : ( تشوف مسجات عّذابه ) .... بس ماترد عليها ...

د. محمد : ( يدخل عند ام ريم ) ... السلام عليكم ...

ام ريم وريم : وعليكم السلام ....

د. محمد : اشحالكن ... ها امايه اشحالج اليوم ..

ام ريم : والله الحمدلله اللي ظهرت من العنايه اللي كلها كهربا

د. محمد وريم : هههههههههههه

ريم : دكتور محمد ... امايه متى تروم تظهر ...

د. محمد : ليش مليتوا منا ....

ام ريم : لا والله انا ابى اظهر اليوم قبل باجر ونحن ماملينا منكم بس ودنا لو عرفناكم في اوقات احسن هب هني ... اشحال حرمتك ياولدي ..

د. محمد : تسلم عليكم وايد ...

ريم : الله يسلمها يارب ...

ام ريم : الا يادكتور متى اروم ...

د. محمد : جريب ان شاء الله .... ( ويبتسم ... )

ريم : ان شاء الله يارب ...

( في بوظبي ...بيت بوعبدالله ... الساعه 3 الظهر )

ام عبدالله : راشد ... شو تقول انت ... بلاها اختك ...

راشد : والله ياامايه مدري .... بس لاتحاتين ... المهم بغيت اخبرج ترا باجر بسافر ...

ام عبدالله : وين ان شاء الله ...

راشد : بسير لندن ...

ام عبدالله : ليش شو عندك ...

راشد : امايه ... بسير وياربعي جي وخذت اجازه ..

ام عبدالله : وليش ماتروح عند اخوك امريكا ...

راشد : امايه ... ميوووود يتصل بكم بعد ليش اسير امريكا ... بعدين ربعي بسيرون لندن هب امريكا ...

ام عبدالله : لاتسير ... ايلس هني احسن ... يعني هب كفايه مايد فديته الحينه انت ...

راشد : امايه : اللله يخليج .... كلها اسبوعين وبس ...

ام عبدالله : لحووول يعني لازم اتسير ..

راشد : امايه الله يخليج ابى اسير اغير جو .....

ام عبدالله : خلاص ياولدي بايك...

راشد : يصير آخذ حمود وياي ..

ام عبدالله : شو تباني اهون وماخليك تروح خذه وياك ..

راشد : هههههه.... خلاص بسير بروحي ... ويبوس على راسها ... الله يخليج لنا يارب ...

خالد : السلام عليكم ...

بوعبدالله وعبدالله وفهد : وعليكم السلام ...

ام عبدالله : ها انتوا هني ...

راشد : هاي ...

فهد : قلنا بتسير لندن ... عاد ... لاتيلس تسوي لنا هاي ...

بوعبدالله : منو بيسير لندن ...؟؟

راشد : ييلس حذال ابوه ... انا بسير ...

بوعبدالله : جي شو عندك ؟؟

راشد : بسير وياربعي اسبوعين وبرجع ان شاء الله ...

بوعبدالله : هيه متى بتسير ؟؟

راشد : باجر ان شاء الله ...

بوعبدالله : وجي مستعيل ....

راشد : ترا ماخذ اجازه ... عشان جي ...بعدين انا وربعي مخططين واجازتنا ويا بعض ...

بوعبدالله : هيه ... يالله ان شاء الله خير ...

ام عبدالله : يالله انا بسير ازهب الغدى ...

بوعبدالله : انا مااشتهي

عبدالله : انا بعد ...

خالد : انا بسير اغير اثيابي وبنزل ...

ام عبدالله : خير يابوعبدالله ... شفيكم ماتبون غدى ؟؟

بوعبدالله : تعرفين ...قوم محمد المزروعي يرانا ... اللي بنتهم كانت تزور عّذابه من يوم صغيره ..

ام عبدالله : هيه... اعرفهم خير ...

بوعبدالله : توفي ابوها الله يرحمه ...

ام عبدالله : ( تحط ايدها على راسها )... لاحول لله ولاقوة الا بالله ...

بوعبدالله : الله يرحمه يارب ...

عبدالله : آمين ... انا بسير ارقد السموحه ويروح ...

ام عبدالله : من قالك ياوبوعبدالله ...

بوعبدالله : ترا بينا وبينهم صفقه ... واليوم المسؤول بشركتهم خبرنا ...

ام عبدالله : الله يرحمه يارب ويعين اهله على ماياهم ...

بوعبدالله : عيل عّذابه وين ؟؟

ام عبدالله : فوق في حجرتها عيل اكيد كانت تدري لان راشد يوم يابها من المدرسة قال انها تبجي ...

بوعبدالله : روحي شوفيها ياام عبدالله ..

ام عبدالله : ان شاء الله .. (وتروح ... وتدق باب حجرة عّذابه ... بس ماترد تفجها وتشوف عّذابه راقده وتظهر ...وتروح حجرة خالد .. )

خالد : هلا امايه ...

ام عبدالله : امايه خالد ... شفت اختك يلست وياها ..

خالد : لا ليش ..

ام عبدالله : دخلت شفتها راقده ... وراشد اخوك اليوم يابها من المدرسة وقالي انها كانت تصيح ..

خالد : عّذابه ... جي بلاها ..

ام عبدالله : مدري بس ابوك توه خبرني ... انه ابو ربيعتها توفى ..

خالد : شوووو ... منو ؟؟

ام عبدالله : محمد المزروعي ابو ريم ..

خالد : (وهو فاج عيونه ويلس على شبريته )....لاحول لله ولاقوة الا بالله ...

ام عبدالله : الله يرحمه يارب ...... المهم الانسان يعمل لاخرته وهذا هو الشي الزين ....

خالد : ................ الله يرحمه ويصبر اهله ...

ام عبدالله : خالد امايه ... اذا اختك وعت خبرني ... اكيد هي متضايجه عشان ابو ربيعتها اعرفها عّذابه تحب ريم من صغيره ....

خالد : ان شاء الله ....

ام عبدالله : اذا بغيت تتغدى قول حق جيني تزهب لك الغدى... انا بسير ارقد شوي قبل العصر ...

خالد : لا مابى غدى ..

ام عبدالله : قوم ياولدي اقرا لك قرآن شوي ...

خالد : ان شاء الله ..

( طبعا الكل يتحسب عّذابه تدري ...بس هي ماتدري ابد ... )

( الساعه 5 العصر وعت عّذابه ... )

عّذابه : ( تشوف تلفونها وتشوف التقرير )... اووووه .. ريموو اخيرا فجت تلفونها .... ( وتنش تغسل ويهها وتصلي وترجع تدق في ريم ... يرن تلفون ريم وتستانس عّذابه )..

ريم : (امها راقده ... فخافت تسوي ازعاج ظهرت ترمس برع .... وترد ... على عّذابه )... السلام عليكم ...

عّذابه : وعليكم السلام ... هلا والله حبيبتي ريمووو... اشحالج ولهت عليج ..

ريم : بحزن .. بخير...

عّذابه : هلا غناتي ... اشحال اهلج ... شو ماشبعتي من دبي ...

ريم : ...................

عّذابه : ريم .... وينج ..

ريم : ها... عّذابه .. ( ودموعها في عيونها )... ابويه توفى....

عّذابه : ( وهي ترتجف من الصدمه ) ...ششششوو

ريم : وانا في المستشفى ويا امايه ...

عّذابه : منصدمه ...

ريم : عّذابه ... اشفيج

عّذابه : ( أأ ويطيح التلفون من ايدها من الصدمه ... وتنسى انه ريم على الخط وريم تبند ... وعّذابه دموعها في عيونها وهي تفكر في ريم ... وشو بتسوي وهي ماعندها حد ... وتسكت ودموعها في عيونها وتيلس على الارض ...وتبند الليت .... )

خالد : ( بعد ماصلى .... وخلص ...شاف امه بطريجه ... ) امايه ..

ام عبدالله : ها خالد ... مريت على اختك شفتها اذا وعت ...

خالد : الحينه بسير اشوفها ...

ام عبدالله : بيي وياك ... المسكينه اكيد تبى حد يواسيها ... ( ويدخل خالد وامه حجرة عّذابه بس يشوفون الليت مبند ... ومحد على الشبريه ...)

ام عبدالله : امايه خالد فج الليت... وين اختك ..

خالد : يفج الليت ويشوفها يالسه على الارض ... تربع ام عبدالله تشوفها ...

ام عبدالله : عّذابه ... حبيبتي ليش يالسه هني ...

عّذابه : ..................... ( ساكته وماترمس ... ودموعها تنزل من على خدها ....)

خالد : عّذابه ... اشفيج حبيبتي ...

ام عبدالله : امايه حبيبتي خبرني راشد ... انه يابج من المدرسة وانتي تصيحين وانا قلت اكيد عشان ابوريم ربيعتج ...

عّذابه : ( ماترمس وتتطالع التليفون... )

ام عبدالله : عّذابه حبيبتي ( و ترفع وراسها .. بس ماتشوف الا دموع.. والتلفون على الارض... )

خالد : عّذابه ... حبيبتي ... اشفيج ليش ساكته ....

ام عبدالله : خالد امايه ... اشفيها اختك ماترد ..

خالد : امايه خوزي اشوفها ... يقرب منها وينششها من على الارض وايلسها على الشبريه ... عّذابه حبيبتي ... ويمسح دموعها ....

ام عبدالله : خاااالد ... اشفيها اختك .... وتصرخ ... ( وعّذابه مثل ماهي ماترمس ...)

( والكل يسمع ام عبدالله ويربعون يشوفونها .. )

خالد : عّذابه حبيبتي .... ارمسي ليش ساكته ( وهو محرج لانه متروع عليها ... )

بوعبدالله : اشفيج يا ام عبدالله ..

ام عبدالله : ( تصيييح ).. بنتي ...

فهد وحمد : خالد اشفيها ... عّذابه ...

بوعبدالله : خوزووو اشوف... (وييلس جدام عّذابه وهي تتطالع ابوها بنظرات كلها حزن وتتطالع اخوانها وامها)...

ام عبدالله : (تصرخ بنتي )... لحقوا علي مدري بلاها ...

بوعبدالله : انتوا خبرتوها ...

ام عبدالله : لا بس اكيد تدري ...

حمد : (يشل تلفونها ويشوف اخر مكالمه صادره لريم .. هيه ابويه اكيد عرفت لاني اشوف متصله في ربيعتها )

عّذابه : من الصدمه ماتروم ترمس ... وهذا ردة فعلها ... لانها ماتحب تسمع انه حد مات فشو اذا الشخص اللي مات هو يتعلق باعز انسانه تحبها ... )

فهد : امايه ... هاتي عبايتها خل ناخذها المستشفى ...

بوعبدالله : لا ماله داعي ... انتوا بس ظهروا من الحجرةا ...

ام عبدالله : لا انا بيلس ( وتصيح ..)

بوعبدالله : اخذوا امكم وظهروا برع ....

( ويظهرون كلهم وينزلون الصاله ويشوفون عبدالله وراشد ويخبرونهم سالفة عّذابه ... )

بوعبدالله : ( يطالع عّذابه )... عّذابه حبيبتي ... لاتصيحين .... اعرف انها ربيعتج ... بس انتي لازم في هالظروف تكونين وياها ... لازم تواسينها هي محتاجه انج تكونين ويها ... هي هب محتاييه انج تبجين ... لاغناتي الانسان يوم يموت لازم نحن نصلي عليه ونقرا قرآن وندعيله ونواسي اهله ...

عّذابه : ( تتطالع ابوها ...وتحظنه وهي تصيح ).... ابويه ريم ماعندها حد .... ريم ابوها مات ...

بوعبدالله : حبيبتي .. فديتج كل الناس بتموت محد يبقى الا الله سبحانه ...

عّذابه : ( تصيح وهي حاظنه ابوها بالقو) ....

بوعبدالله : يالله حبيبتي ... نشي غسلي ويهج واقري قرآن .... ( و يرن تلفونها .. ويظهر بوعبدالله )

عّذابه : ( ترد )...السلام عليكم ..

ريم : وعليكم السلام هلااا

عّذابه : عظم الله اجرج حبيبتي ...

ريم : اجرنا واجرج... اشفيج ليش صوتج جي؟؟

عّذابه : ولا شي .. اشحال امج ..

ريم : الحمدلله ... امايه اليوم ظهروها من العنايه ويمكن ورا باجر تظهر من المستشفى ...

عّذابه : ان شاء الله ..... اسمحيلي بندت في ويهج ..

ريم : مسموحه غناتي اشحال اهلج ...

عّذابه: الحمدلله بخير ... اممم ريم...

ريم : هلا آمري ...

عّذابه : متى بتيين ...

ريم : ليش ولهتي علي ..

عّذابه : هيه والله ولهت عليج وايد ..

ريم : اممممم هيه بيي اخر هالاسبوع بس هب اكيد ..

عّذابه : ريمووو كل شي هب حلو من دونج ..

ريم : والله ... ادري ....

عّذابه : ههههه... ريموانا باجر هب سايره المدرسه ...

ريم : لا والله على كيفج هو ...

عّذابه : مالي خص بسير يوم ترجعين ...

ريم : جب يالله لاعطيج كف ..

عّذابه : يالله عطيني ترومين ..

ريم : صبري خلي ايي براويج الكف غصبن عنج بتسيرين اوكي...

عّذابه : ماروم ...

ريم : جب انا مابسير وانتي ... قولي لي من وين بتنقلين الدروس ..

عّذايه : .................

ريم : سمعي لو ماسرتي المدرسة ترا ازعل منج ...

عّذابه : يااااااربي ... مابى اسير من دونج ...

ريم : يالله عاد ... عّذابووو بتسيرين اوكي ؟؟

عّذابه : افففف اوكي ...

ريم : اخبرج ... هذا تلفون منو ؟؟

عّذابه : تلفوني ...

ريم : ياسلام .... مبروك ..

عّذابه : تسلمين ... تعرفين منو شرالي اياه ؟؟

ريم : منو ؟؟

عّذابه : خالد

ريم : خ خاااالد .,.

عّذابه : هيه ...

ريم : هيه الله يخليكم لبعض ...

عّذابه : اشفيج ... على فكره اليوم يوم وصلني لعوزته .. قلت له ماتبى تسلم على حد قال لا... قلت له متاكد .. شان يقول منو تطرين ؟؟ قلت ريم ..

ريم : حرام عليج ياربي يالاحراااج ..

عّذابه : مشيت شان يقول سلمي عليها يعني قصده انتي ..

ريم : الله يسلمه ... وهي منحرجه اوكي الحينه ببند وبدقلج باجر ...

عّذابه : اوكي...

ثاااااااانكس


إلي بعدووو


ياليت اليوم

إنشاء الله حبيبي
آمرني بس

( في الصاله )

ام عبدالله : هاااا اشفيها عّذابه رمستها ....

بوعبدالله : هيه رمستها ...

خالد : بسير اشوفها ...

حمد وفهد : بعد نحن ...

ام عبدالله : خلوها ترتاح ...

بوعبدالله : خليهم يسيرون يرمسون وياها عسب ماتفكر ...

عبدالله : رشود يالله نش خل انسير عندها ..

راشد : اخاف تتروع .... شو غزو ..

عبدالله : ماتنكت تعال وياويهك ...

عّذابه : يالسه تطرش مسج حق ريم ... ( ويدخل خالد وحمد وفهد ... )

خالد : هلااااااا

فهد : اشحال الدلوعه ....

عّذابه : وهي تتطالعهم ... اشفيكم...

حمد : صح انج طرديتني بس انا مايهون علي .... عسب جي مانجرحت منج .. وييت ايلس وياج ..

فهد : هههههه ياثجل دمك ...

( ويدخل عبدالله وراشد ... )

حمد : بسم الله ... حبيبتي لاتتروعين ...

فهد : ههههه ... اذا ماكفت الحجرة ترا ترومون تيلسون عند الباب ... ههههاي

عّذابه : اشفيكم ؟؟

حمد : هااا شوفوا روعتوها والحينه بتبجي ..

خالد : جب حمود .. فديت اختي انا ...

حمد : فديت قلبها والله طيبه .... وقلبها ابيض هب شرات فهووود ..

عبدالله : احم نحن بنسولف وياج يعني لو ماعندج مانع ؟؟

راشد : انتوا دخلتوا وسولفتوا وانت توك تستأذن ... هههههه ...

عبدالله : انت ماتستحي على ويهك .....

راشد : اكيد مااستحي ..

عبدالله : الحمدلله والشكر ...

خالد وعّذابه : ( يضحكووون )

راشد : شوف عبادي .... الله يخليك قول اي شي بس محاظرات لاااا

فهد : تستاهل ... خخخخخخ

حمد : عّذابه .... مارسمتيني ....

عّذابه : هههههه ... ماروم ارسمك

راشد : حلوووه منج وعيديها ...

عّذابه : ترا انت ماتنرسم ..

حمد : افهم قصدج من كثر ماانا وسيم ماترومين ترسميني صح ..

عبدالله : امحق وسامه ههههه

عّذابه : لاااااا اصلا عشان هو يعني امم

راشد : قصدها انك خسف ههههههههههاي

الكل : هههههههههههههه

حمد : سخيفين ومحد يلس وياكم بظهر احسن لي ...

عّذابه : تعال حمود .. نسولف وياك

خالد : يدري انه نحن نسولف... بس يبى يسوي سالفه

عبدالله : تعال عاد لاتنكد علينا ....

حمد : مابى كيفي ... اول شي اترجوني ..

راشد : عيل سر احسن ... لانك تحلم نترجاك ..

فهد : عن اذنكم انا بسير اتصل بيت عمي

عبدالله : هيه عشان خطيبتك

فهد : امممم هيه ويبتسم ويظهر ..

راشد : ياويلي على الحب...

عّذابه : عبدالله ... انتي جي ماتتزوج ...

عبدالله : امممم ..... ترا تعرفين دوم مشغول وهب فاضي ...

راشد : شان اتدورين له عروس دوري لي انا بعد ..

حمد : مشكله .... انت منو المسكينه اللي بتقبل فيك ..

راشد : اصلا انا لو ااشر تشوف بنات بوظبي كلهن عندي ..

حمد : واااااع مصدق عمرك ...

عبدالله : حبيبي رشود لاتحلم وايد ....

خالد : وانا معاكم بعد ههههههههه

عّذابه : حرام عليكم ....

راشد : زين بتشوفون ... يالله الحينه بسير ازهب اغراضي ...

عّذابه : ليش ؟؟

راشد : ترا باجر بسير لندن ....

عّذابه : ياربي ياريت اسير لندن ...

خالد : فديتج انتي بس قولي متى تبين تسيرين وانا اخذج ..

راشد : يالله ... تبين تسيرين زهبي اغراضج ..

عّذابه : صدق .... ياريت والله

خالد : اصلا هو بيسير وياربعه فيخسي ياخذج وياه ..

راشد : ليش عادي ... خلك طبيعي ... ليش متعقد ...

عبدالله : انت اصلن ماعندك مذهب سر زهب اغراضك احسن ...

راشد : برايكم ...

خالد : انا يوم بتزوج باخذج وياي لندن ...

عّذابه : اوكي

عبدالله : انا بسير تبون شي ...

عّذابه : لا ااااا

( ومر اسبوع ورجعت ريم بوظبي وراحت عّذابه وامها يعزونهم )

ريم : ( اول ماشفت عّذابه ... ربعت لها وحظنتها ... ويلست اتصيح ) عّذابه ولهت عليج

عّذابه : ( وهي بعد تصيح ) حتى انا ولهت عليج وايد ....

( وتيلس ام عبدالله وام ريم ويسولفن )