حبيتها وقالت لي....بــديت اكذب على نفســي !

[grade="FF4500 4B0082 0000FF 000000 F4A460"]
أنا اللي قلت في نفسي .. احبـك.. وابتدى التمثيل

بديت اكذب على نفسي .. و اقول انك نظر عيني

خطاك انك تصدقني .. تبادلني الـهـوى و تميل

صدقت بكل اشــواقك .. وكــاذب كل ما فيني

خدعني واهم إحــساسي .. بلا غاية ولا تحليل

ظلمتك يوم جـاريته .. أجـامل .. و انت تعطيني

لقيتك غـــارق بـحـبي .. ولا لي للأمـر تبديل

حرام أحطم احلامٍ .. بناهـا الحب .. بيـــديني

وسايرتك ..على كيفك .. لـقيت القلب حبّك حيل

وفجأة صرت لي نبضي .. سكنت أقصى عناويني

ولا فكّرت في جرحـك .. ولا ودي تذوق الويل

ولا حبــيــت نـتــفارق .. وعينــك يــوم تبكيني

ولكن بانت الكــذبة .. وعــــــزّم قلبي التعديل

تنبّه بعد مـا فـــات الأوان .. ومرّت سنيني

علينا دارت اللعـبة .. مثـل دورة نهار و ليل

تحب وكنــت انا لاهي .. عشقتك و انت جافيني

خلاص الحـزن ما ينفع .. تبادلنا الهوى تمثيل

خسارة صــرت أنا أحبك .. و انت اللي تجاريني



تحيااااااااااتي واحترامي وان شاء الله تعجبكم[/grade]