|
|
|
|
|
 |
|
|
|
|
|
|
|
|
| اشترك في قروب دلع ليصلك جديدنا |
| زيارة هذه المجموعة |
|
||
| العضو المميز | الموضوع المميز | المشرف المميز |
(عاشقــ(M)ــة الليل) |
همســُ‘ـة غــُ‘ـرٍَوٍبًَّ |
|
|
|||||||
| التسجيل | التعليمـــات | قائمة الأعضاء | التقويم | اجعل كافة المشاركات مقروءة |
| منتدى الضحك والهسترة يختص بالوناسه وتوسيع الصدر والاقلاع بعيد عن الجديه والواقع |
 الإهداءات |
 |
|
|
LinkBack | أدوات الموضوع | طرق مشاهدة الموضوع |
10-12-2006, 11:35 PM
|
رقم المشاركة : 1 | |||||||||||||
|
العميل 007
[align=center]ايها الاحبه السلام عليكم ورحمه الله وبركاته وصلني هذه القصة عبر الايميل لا اعرف لمن ولاي منتدى وحبيت اطرحها لكم العميل007 ====> القصة بما فيها من شخصيات وأحداث خيالية و لا تمت للواقع بصلة...... تعريف العميل 007 ==< رجال سنافي وفزوع وشقردي وولد حمولة ............... أما عن 007 فهذا رقم بيته في الجنوب ...... شافوا صفطة وطواقي أفلام العميل 007 وتأثروا فيها لدرجة أنهم قرروا يصيرون زي جيمس بوند الكمبارس اللي في الفلم ....... ( على قولتهم ) .... وفعلاً التحق صفطه وطواقي للمدرسة العسكرية عشان يتخرجون جنود.... { لأنهم بصراحة شاوروا بدوي..... قالو له وش أحسن رتبة وقال الجندي عندنا هو الأمر الناهي يعني الفريق ركن ما يقدر يرفع عينه فيه ..... وقال فيه مره واحد لواء جانا يخطب أختي..... قام أبوي شاته مع الباب ،لآن أختي خاطبها في هالوقت جندي في الحرس الوطني .. عاد قال أن خطيب أخته أحسن واحد في المعسكر لآن قبيلتهم فيها تقريباً 60 فخذ .. قاطعه صفطه وقال له ما شاء الله 60 فخذ يعني لو جمعناكم على بعضكم تصيرون 30 ......... (أنتم عارفين الباقي)............} وبدأت الدراسة وتوزعنا على العنابر وفي البداية حطوني في غرفة مع واحد غريب وطواقي في غرفة ثانية..... الشيء هذا ضايقني ... لآني يوم فتحت باب الغرفة .... تفاجأت بكومة شعر تتحرك وريحة واحد ميت .... كانت كومة الشعر تقرب شوي شوي لكن كل ما قربت كل ما كانت الريحه مركزة لا وبشكل فضيع.... المهم أنه طلع شي من كومة الشعر يوم ركزت فيها طلعت منها يد إنسان .... أنا ارتحت وقلت الله يقطع إبليسك روعتني ... وأجر الشعر من جهتي ألا الرجال من قوة الشدة صقع فيني وهو يصرخ آآآآآآآه فكني ... أنا فكيته وأبعد عني شوي وهو قاعد يحكك جسمه ويقول....... أأأأأخ قطعت شعري ..... وتأسفت منه.... وقلت والله أحسبك لابس فرو خروف تبي تستهبل علي ما دريت أنه شد بلد.... المهم قبل أسفي وأخذني بالحضن.... شوي وبدت عيوني تدمع وقعدت أكح كأني واحد أول مره يشرب شيشة.... ويوم وخر عني.... كانت أسعد لحظة في حياتي من الفرحة نسيت أدخل شنطتي... على طول رحت أنسدح على السرير وأرتاح بعد هالجوله.... ويوم أنتبه للشنطه برى ألتفت وقالي شكراً ما كنت متوقع أن اللي بيسكن معي بيكون عارف هواياتي ..... رديت علية وقلت له خير وش هوايتك... ناظرني والدمعة طايحه من عينة ( طبعاً أنا ما عرفت أن دمعته طاحت ألا من النشقه اللي سحبت نصف عفش الغرفة ورجلي اللي دخلت في خشمه ) وقالي أن أحلى هواية له شيل الشنط في السكه الحديد ... قلت له طيب ليش ما تشيل الشنط في المطار... قالي والله ما أدري كل ماجيت أدخل قالوا ممنوع... ليش يسوون كذا برأيك؟! ........ يا حبيبي ما فيه داعي تسأل رح شف المرايه وأنت على طول تعرف الجواب... و قلت أنا بنام ما أبي إزعاج... قالي سم من عيوني... ( تبون الصراحة حامت كبدي ).... و رقى وأنسدح على السرير اللي فوقي... وأنا أحاول أنام عجزت من الريحه ومن شنبه اللي طايح علي ويحسسني إني غرقان وذابين لي حبل النجاة.... يوم شفت الدعوة كذا قمت وقطرت في خشمي من الشمبو الأحمر حق الشمغ ( اللي ما فيه عجوز ما تستخدمه )... و جلست أربط الشنب ساعة وكأني جالس أستهبل على واحد من الشباب وأربط شماغة من ورى... يوم خلصت وأنسدحت وأنا مفكك خلاص ما عاد فيني حيل... وتوني بديت أغفي ويرن جرس الطابور وأقوم بسرعة ويصقع راسي في الشبك حق السرير اللي فوقي وطبع في جبهتي وصار كأنه شبكة مربعات ... قمت وأنا أتوجع وطلعت للطابور وكل من شافني ذب علي اللي يقول... ( وين يالحبيب من اللي صايد ذبانة على جبهتك... واللي قال ينفع نلعب على جبهتك (o x)..... ) ألين وصلت الطابور.... و شوي جانا الضابط ومر من عندي وقالي شكلك كأنك واقف ورى شبك أنت وجبهتك .... (عاد خذ أنواع الضحك من المنافقين) مع أنها ما كانت تضحك ( أنواع القهر ).... وقال لنا يا لله كل واحد يأخذ دروسه ويشوف له واحد يذاكر معه... وأخذنا الدروس ورحنا عشان نذاكر..... ورحت مع طواقي عشان نذاكر سوا لأنه مستحيل أركز مع ذاك المبيد البشري .... وحنا نذاكر ألتفت علي طواقي وهو يقول أستغفر الله .... وقاطعته... و قلتله: خير إ نشاء الله شايفنا قاعدين نقرا حروف مفصخين على البحر... (يعني مفاصيخ في مكان ثاني عادي ) عاد قالي طواقي: لا يا شيخ ... قصدي وشلون نذاكر وحنا ما سمينا كذا يذاكر معنا إبليس.....<<<<<< طبعاً التسمية بالله ضرورية في كل شي............ بسم الله الرحمن الرحيم في أوله وأخره .......(وين جالسين ياكلون) وقال طواقي: إيه الحين إبليس بيستفرغ كل المعلومات اللي قراها ....و الحين عرفت ليش إسرائيل تعرف كل مخططاتنا… وقلت له ياليتك من زمان داخل العسكرية كان وضعنا تغير..... ( يا شيخ ياليت أمك ما جابتك ولا ياليتهم رقدو ذاك اليوم).... ومرت الدوره بمرها وبرضوه بمرها .... وتخرجنا جنود ... وصرنا في مكافحة المخدرات.... وفي أحد المداهمات .... وحنا ندور في حارة أنا وطواقي جانا بلاغ واضح .... (هاجموا البيت الفلاني في الشارع الفلاني ورقم البيت 14) أنا دعست بالموتر.... شوي وطواقي يقول هذا البيت رقم 14 اللي جنب الزحمة.... على طول ما كذبت خبر وقفت ونزلنا.... وطقيت الباب ويفتح لنا بزر...... المسكين ما أمداه يقول نعم ألا وطواقي طب عليه وكتفه وصقع وجه بركبه من قوتها طيح خشمه موب ضروسه وأخذه وذبه في الدورية.... وبعدها دخلنا عشان نمسك اللي في البيت ونلقى عجوز تصلي .... وأقولها حركات قديمة صلاة وهروين ما تمشي علينا هالحركات ونقوم نسحبها مع رجولها... لا يكون فيه أحد متربص لنا جوا.... وحنا ساحبينها مع الدرج وأنواع التكسير فيها ونطلع بها في الشارع ... وهي تحاول تتكلم تبي تقولنا شي..... ألا و طواقي يرفعها و يصقع رأسها على الكبوت ويطيح طقم ضروسها وقال لها هذا والله من السموم اللي تتعاطونها ..... شوي وطاحت العجوز ميته في الشارع..... وقام صفطة أبو الخطط وحط في يدها مسدس على أنها حاولت المقاومة.... واتصلوا بالرئيس وقالو له تمت العملية بنجاح ساحق.... يوم جاء الضابط وشاف اللي سووه قال لهم الله يفضحكم مو هذا البيت ولا هذي الحارة ولا هوب هذا الشارع ليش دخلتوا هذا البيت ... قال طواقي أنت قلت البيت رقم 14 ....... بالله طيب كم رقم بيتكم ياصفطة .. قلت له 14.... قال ورى ما دخلتوا بيتكم وذبحتوا أهلك ..... إنا لله وإنا إليه راجعون..... أنتم مفصولين وسلموا شاراتكم ..... يا عسكري خذهم للسجن..... وهم في السجن جالسين ينتظرون عشماوي <<<<< ( متأثر بالأفلام المصرية )...... ناداهم الضابط وقال لهم تراكم براءه ..... طاروا من الفرحة وقال صفطة أنا كنت حاس أن حنا بريئين براءة الذئب من أنتشار السموم...... قال الضابط لا.... يكثر هرجك أنت وياه أحمدوا ربكم أن هالخواجه دفع دية 10.000.000 مليون ريال.... ولا والله ما تعتقون منها ...... وتخيلوووووووووووووووووووووووووووووووووا معي من اللي دفع الدية .... خلونا نرجع بالذاكرة لقدام ( يوم المداهمة كان طواقي يقول البيت عند هذيك الزحمة)...... اللي صاير أن في البيت اللي جنبهم كانوا يصورون فيلم جيمس بوند الجديد .... والمخرج عجبه أسلوبهم في المداهمة ..... والأكشن اللي سووه..... (أمحق أكشن) و تتوقعون من هو المخرج....... ستيفن سلبيرغ.... اللي أخرج طاش العام.... (إيه هين...؟!)... أخذهم المخرج على طول من السجن لموقع التصوير وقال لصفطة أنت تنفع تصير الدوبلير لجيمس بوند ......... صفطة أنجن ما كان يتوقع يشوفه كاسيت .... وشلون لو يمثل دوره ...... بدأ التصوير وصفطة عايش الجو تمام ألين جت اللحظة اللي المخرج طلب من صفطة يطب من الفيصليه ....... (وتبون الصراحة صفطة مات من الخوف) ألين قال له المخرج..... إذا طبيت راح أخليك تمثل دور جيمس بوند شخصياً في الفلم الجاي............ (ردد يا لليل ما أطولك) ........... هنا وقف صفطة لدرجة أنهم حسبوا إن قلبه وقف لكن هذي كانت لحظة تأمل للمستقبل والشهرة ...... وبدت تلمع عيون صفطة من دموع الفرحة وبدى يتنفس بقوة وصارت عنده درجة الحماس عااااااااااليه .... وقرر أنه يوافق ..... وقال المخرج أوكي يله استعداد أكشن يا مكياج .... صفطة سمع هالكلمه وعلى طول طب من سطح الفيصليه سيده على الأرض وكان في استقباله مجموعة من الرخام وصبات الأسمنت وجمعاً من البلاط ..... ما كان يدري أنهم بيربطونه بحبال عشان مايصقع في الأرض ........ و بدأ صفطة يفكر ..... ألحين إذا طحت ومت وشلون بمثل دور جيمس بوند ....... الظاهر لعب علي المخرج ........ والله كنت متوقع من يوم طلعنا من السجن وأنا حاس أن نيته شينه ..... (طبعاً إلى الآن ما بعد وصل للأرض)...... صفطة: أنا ليش ما أقدر أرجع ألحين !!!! شكلهم شايلين الريويس يعني قضية شروع في قتل........... (يسمع بالجاذبية) ........ في هذي اللحظة أعزائي وصل للأرض جيمس بوند مُودعاً بحفاوة مثلما أستقبل بها ..... وهنا إنتهى صفطة للأبد........................ ..............................................لحظة غريبة ما سمعنا صوت الطيحه.....؟؟؟؟؟؟؟؟؟ صفطة: وش هالريحه أعوذ بالله صدق الواحد إذا مات تطلع ريحته مخيسه ........ (في باله الحبيب أنه ميت) ألا واحد يقوله الحمد الله على السلامة يا صفطة أنا اللي أنقذتك ............ يوم ناظر صفطة ألا فعلاً هذا خويه في العنبر ......... (رب صدفه خير من آلف ميعاد) صفطة: تصدق أول مرة أحس أن الموت رحمة ................................ (منصرع من الريحه)... وهنا يا حلوين وصلنا لنهاية القصة... يا لله أنزلوا وكل واحد يدفع الحساب........ ( وين يالحبيب ليموزين )......... ونستفيد من قصتنا هنا أن المخدرات كخه ميب حلوه وأن موب كل الأحلام تتحقق....... ............... والسلام عليكم ورحمة الله وبركاته ........ وآسف للإ طاله [/align]
|
|||||||||||||
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ثلاث آيات تقراها تجعل 70 الف ملك يصلون عليك | عاشق السهر | منتدى المواضيع المكرره | 7 | 10-04-2006 05:55 PM |
| ثلاث ايات تقراها تجعل 70 الف ملك يصلون عليك | سندريلا | المنتدى الإسلامي | 6 | 08-13-2006 06:49 PM |
| الإتصالات السعوديه و خدمة البحث عن صديق | ThE SaD LoVeR | الجوال والبلوتوث | 2 | 07-26-2006 04:59 AM |
| ثــــــلاث آيات فقط تجعل ( 70,000) ملك يصلون عليك | الدلوعــــReReـــــه | المنتدى الإسلامي | 9 | 07-15-2006 05:09 AM |
| يسمع الكثير منا بما يسمى بالهاكــرز أو مخترقى الاجهزه | G I A N T | منتدى الكمبيوتر والانترنت | 2 | 06-07-2005 04:38 PM |
.gif)
العرض العادي
