شحن الجوال العام الفاتورة •:*¨`*:• بكرت شحن من سوا

السلام عيكم ورحمة الله

هذه الخدمة تسمى شحن الجوال العام " الفاتورة " بكرت شحن من سوا .

- يعني لو انفصل جوالك العام بسبب الحد الائتماني "استقبال " ، او انفصل بسبب عدم السداد " استقبال وارسال " او حتى لو ما انفصل
تقدر تاخذ كرت شحن سوا " 10 ريال او 50 ريال او 100 ريال " وتكلم بجوالك العام .

- والطريقة سهلة تتصل على 1500 وتشحن جوالك مثل "سوا " واذا جيت تتصل على رقم لازم تضغط قبل الرقم نجمة ثم ثمانية ثم الرقم المطلوب
مثلا :
8055xxxxxxx*

- وايضا حتى لو ماكان عندك "صفر دولي " عادي اشحن جوالك واتصل دولي مثلا :
80096655xxxxxxx*
وهذي تفيد الناس الي مايحبون يضيفون الصفر الدولي 0

- وميزة هالخدمة ايضا ان الارقام الي تتصل عليها ماتبين في الفاتورة نهائيا ولا يجيك تقرير بها .

- وايضا تقدر تشحن جوالك باي وقت حتى لو منفصل ارسال واستقبال ، اهم شي ما يكون الجوال ملغي نهائيا.

- وايضا حتى لو جوالك موب مفصول ومكالماتك وصلت 200 ريال مثلا وتبغى الفاتورة بس تصدر بهالمبلغ عادي اشحن جوالك بكرت "شحن سوا "
وقبل اي رقم تتصل عليه اضغط على" 8* " حتى ينخصم من الشحن ولا ينحسب على الفاتورة .

- هالخدمة بتفك الناس الي ينفصل جوالهم في اوقات حرجه ويمكن تسدد ويقولون لك 902 بعد 24 ساعة يشتغل بسبب نظامهم " ؟؟؟ "
وانت مضطر تكلم فعادي اشحن وكلم .

- وايضا تقدر تحط جوالك حد ائتماني منخفض 300 ريال ، ولو انفصل تشحنها وتكلم .

- وايضا بعض الناس فواتيرهم مثلا توصل 1800 او 1000 وينفصل بسبب الحد الائتماني او بسبب الفاتورة قبل "العيد " باسبوع "
وتلاقى الشخص طفران فعادي يشحن ب100 او 200 ويكلم فيها .


متأكد من كلامي 100 %

واللي عنده شك في كلامي يتصل من جواله (اللي عليه فاتوره)


على الرقم 1500

اول اذا بغيت تتصل يقول ماكلمتك لا تتم

ولكم تحيتي


حسـ العاصوف ـام