صراحه موضوعي اللي بكتبه عن شي رافع ضغطي باطن تسبدي
احس بيجيني دوخه لو يصير لي هذا الشي <<<< يااااي
والله من جد انا داخله ودي اتطاق منقهره <<<امسكوها تراها واصله حدها
طبعا هذا الموضوع لفئه معينه من الرجال وهذه الفئه كبيره في مجتمعنا السعودي وتأخذ بالتكاثر يوماً بعد يوم(الله لايكثرها من فئه )
الحين انتم ماتستحون ماتخافوون ربكم مافي قلوبكم حيا من الله ولا من الناس ولامن حريمكم ذا الضعيفات
الحين الى متى وحنا بنعلمكم السنع <<<بتنجلد
متى يتعقلون انتم مايصيروالله مايصير الواحد ابو اربعين سنه تقولون مراهق ابو 13
عيييييييب والله عيب ياخي وبزرانك سرى وراك تسوي ها لسوايا
انتم ماتفهمون ماتعلمون الجدار يفهم ويستعوب وانتم الواحد فاقاً خشته تقول الكلام موجه لغيره <<<بدى شغل الشياب
لاتلموووني يالاعضاء والله منقهره من شياً شفته جتني الصحيه قسم بالله
بقولكم اياه وانتم احكمو
تخيلو الموقف واستشعروه <<<خاشه جو
كنا رايحين حنا والعائله الكريمه نلعب وراعينا في فن تايم المهم انا وبنت عمي جلسنا على طاوله في المطاعم والشغالات راحو يلعبون البزارين وكانت صالة المطاعم مليانه ناس ومن ضمنهم رجال مهب كبير ولا هب صغير يعني30 سنه جالس بلحاله على طاوله ومرسم وشماغه كاب عليه علبتين نشا ولا يقدر يلتفت من ذا الغالوقه ذاللي زانطته تقول رايح عرس ماراح ملاهي اطفال عاد ابو الشباب يو شافنا انا واختي جينا وجلسنا واختي كانت ماسكه جوالها في يدها (للمعلوميه بنت عمي مني و متزوجه ) قام الرجال يدهر بالبلوتوث يرسل واختي تستقبل مادرت انه هو اللي يرسل وتوريني ااشياء الي يرسلها لها والله المراهقين مايرسلون مثل هالاشياء ويرقمها وملاحظه تكفيين اتصلي ومدري ايش ومدري ايش وخاش جو الرجال بقوووووووه
المهم انا قلت لبنت عمي دخلي جوالك لايشوفك ترى هذا اللي جالس يرسلك وانا جالسه اكلمها مادرينا اللا ذا الحرمه اللي جايه ومعها ثلاث بزارين ومن يوم شافها الرجال وهو وجهه منقلب ويدخل الجوال على طول وكان واضح عليه الارتباك وجت بتجلس شكلها دايخه من هالبزارين وتلعيبهم وماش الرجال ماوده تجلس وده يكمل الترقيم مابعد شيك على البنات كلهم قالها قومي لعبيهم <<<طاولتنا جنب طالوتهم مررره يعني نسمع كلامهم وبعدين انا ناطله اذني عندهم بشوف هي مرته ولالا قاهرني جالس يغازل ومخلي مرته تلعب البزران
المهم قالها قومي لعبيهم ويطلع البوك ويعطيها فلوس ويقول روحي كملي لعب لهم قالت خلااااص لعبووو الين قالو بس من يوم جو وهم يلعبون قال لا روحي لعبيهم خليهم يستانسوون<<<<انواااع التصريف
وراحت ياعمري هاالضعيفه هي وبزارينها تلعبهم وقام هو طلع جواله وكمل الترقيم <<<<شوفو الوقاحه
هاه يااعضاء هذا شي مايرفع الضغط لييييه لييييييييييييييه يحط مرته في هالموقف مسكينه
الحين بدال مايقوم معها يلعب بزرانه هو ياها جالس بين الحريم في المطاعم ومخلي مرته تداجي هالمبزره
بلاهي هذي حركة رجال مااقول الا الله يهديه بس ولاينلعب عليه مثل ما لعب على مرته وحطها في هالموقف الي مايسوى قدامنا
وترى المواقف اللي زي كذا كثيره مو موقف ولا ثنين يعني صراحه في رجال يبيلهم جلد
عيني عينك يسوي هالاشياء مع مرته طيب ليه مرتك بهيمه ماتحس يعني ولاايش
يااااخي حراااام عليك اتق الله في مرتك انت ترضى تنحط في هالموقف ؟؟
لاعااااد واللي زاد الطين بله انا وخالتي رايحين للمول طبعا خالتي ماخذه شغالتها وولدها عشان تلعبهم المهم لعابنا بزرها وجلسنا في المطاعم <<<<ياذا المطاعم اللي تجلسين فيها
المهم نرجع لمحور حديثنا جلسنا انا وخالتي على طاوله والشغاله والبزر على طاوله وجالسه اسولف انا وخالتي ومندمجين الا يمر ذاك الشاب ومعه حرمته المهم دارو شوي في المطاعم بعدين يوم جو يطلعون منها ابن اللذين مخلي مرته تمشي قدامه ويمر من طاوله الخداامه ويجدع عليها ورقه صغيره تخييييييلوووو ياعاااااااالم الخداااااامه يرقمها
عاد خالتي كانت منتبهه للموقف وقامت على طول للطاوله الخدامه وخذت الرقم منها وفتحت الورقه لقته حاط رقمه وكاتب اتصل نصل وحاط اسمه عاد خالتي بغت تجيها سكته من القهر تقول مع مرته ويرقم خداامه وتاخذ الرقم وتجلس تلحقه هو ومرته تبي تنادي مرته وتعلمها وتقولها تادبه <<<صراحه طفل زي كذا مايصلح معه الا هالتصرف
عاد الرجال يوم درى ان خالتي تمشي وراهم تبي تعطي مرته الرقم وتعلمها بالسالفه قام يهاوش مرته ويقولها يالله امشي بسرعه تقول والله يركضوون ماقدرت الحقهم
هذا شي مايقهر
وانتم يااعضاءات <<<مايمديكم على اعضاءات قد شفتوا مثل هالمواقف اللي ترفع الضغط
وسؤال ايضاً لكل المتزوجين اللي يسوون هالاشياء لها الدرجه مشاعر مرتك في الارض يومك تحطها في هالمواقف؟؟؟
ذكرتيني في كلمه الوالد دايما يقولها (ماهو كل من لبس شماغ وعقال رجال)
بوهه
من حراره كتابتك حسيت بقمة القهر اللي فيك
كثييييييير من هالسوالف نسمع عنها
بس وش نقول
لاحول ولاقوة الا بالله
الله يهديهم ان شاء الله
واللي يقهرني المواقف اللي اشوفها عند باب الكليه
ياكثر اللي يجون ياخذون حريمهم من الكليه قبل ماتطلع لهم تعالي شوفي انواع المغازل
خاف من ربك واستحي منه تناظر في هاذي وترمي الرقم على هاذي وحرمتك عندك
هو يرضاها على حرمته انها تتعرض لهاالمواقف
كيف يرضاها لبنات الناس
كنا رايحين حنا والعائله الكريمه نلعب وراعينا في فن تايم
الللللللللللللله فن تايم بيتزا العن ام الفلللللله كنت اروحها كل عيد وانا ور ور فرخ صغنطووطي ذكرتيني فيها الله يرجك على الطاري للحين فيها اللعبه الل على شكل عنكبوت ويولع لمبه بالارض واوطيها برجلي؟؟
ماعليييييييييييييييينا
نعود لمحور طبيخنا اللي ابي اتكلم فيه بصراحه بدون زعل...
اللحين انتي تقولين ذا رجال مراهق ماعلينا منه وتافهه بعد وما يستحي على وجهه..
وللاسف كثروووا والله انا اذكر اني كنت مره بمحل ولد عمتي هو عنده كافي نت المهم كنت دايم اشوف شايب والله عمره صافق الخمسينات والله ويمكن شوي ويلعب بالستين وربي المهم دايم يدخل شات المهم بيوم قلت لااااازم اشوف وشو نكه تتوقعون وش لقيته؟ والله اني مازل عليكم اني لقيت نكه المزيونه لا ومزخرفه بعد الله يخسك ياخي
نعود لمحور طبيخنا
اللحين انا ابي اعقب على نقطه انكم انتم بعد غلطانين تقولين ليش اقولك ليه..
اللحين رفيزتك مدري اختس مدري بنت عمتس؟؟ استقبلت منه مره وهي ماتدري زين وراها تستقبل منه مره ثانيه غلللللللط هالشي يخليه مايسكت اببببببببببببببببببببببببد الين تتفلين في وجهه كذا >>>خووووووووووتوووووووووووووووف>>>كف واطلع برا
يعني ابصراحه اي انسان بيرقم ببلوتوث ولقى استقبال مره مهو بساكت
ماقووول غير الله يهدي هالناس بالذات لان والله وراهم عيال وبيت و و و و ..لكن من يسمع>>شغلي اي شي حزين بسرررررررعه
يسلموووووووو بهه به على الطرح الرااااااااائح وبصراحه سرا بالوووت
الإهداءات
كانك منهم لاتدخل ولا اشوف خشتك
<<<امسكوها تراها واصله حدها
انا اذكر اني كنت مره بمحل ولد عمتي هو عنده كافي نت المهم كنت دايم اشوف شايب والله عمره صافق الخمسينات والله ويمكن شوي ويلعب بالستين وربي
لا ومزخرفه بعد
