موضوع مفصل وشامل عن نظام الهيدروليك ونظام الهواء والفرق بينهم

بسم الله الرحمن الرحيم

أولا الي شجعني إني اكتب الموضوع انه تقريبا هذا النوع من التعديل
بداء ينتشر في عالم تعديل السيارات خصوصا عندنا في السعودية

وثانيا الأفكار الخاطئة الي لاحظتها عند اغلب الشباب عن النظامين
لأنه الأغلبية بيخلط بين الهيدروليك سستم
والأيرباق سستم أو نظام الهواء

واكبر خطأ شائع هو مقولة (هيدروليك زيت) (وهيدروليك هواء) وهذي الكلمتين كلها خطأ

الهيدروليك سيستم ما يحتاج انك تقول هيدروليك زيت لأنه كلمه هيدروليك يقصد بها
نوع الزيت الي بيشتغل بيه النظام أو أساس تشغيل النظام
والذي يسمى ( زيت الهيدروليك ضغط 10 ) وموجود في محلات قطع الغيار والبناشر

أما نظام الهواء مثل الأيرباق سيستم واكبر خطأ انك تقول عليه هيدروليك هواء
الخطأ انه السيستم حق الهواء مايدخل فيه نقطة زيت واحده لأنه يعتمد كليا على
الهواء المضغوط أو المشحون
وأنا سوف أفسر معانيها بالتفصيل

راح أبداء بشرح النظامين بالتفصيل وسوف تلاحظون الفروق بكل وضوح


(الهيدروليك سيستم أو نظام الهيدروليك)




نظام الهيدروليك يعتمد اعتماد كلي على الزيت
وكيف يعمل ؟؟

يعمل النظام بالبطاريات السائلة أو البطاريات العادية مثل اللي تركب في السيارات 70 أمبير أو 80 أمبير
او الي يسمها ( بطاريات الكتروني ) مثل السيارات الأمريكيه تقريبا
وسعرها من170 إلى 250 ريال سعودي
والأفضل هي البطاريات الجل وهذي غالية يوصل قيمه البطارية الوحدة إلى 400 ريال
وتستخدم غالبا في سيارات القصور أو سيارات ملاعب لعبة القولف
وهذي صوره الطرمبه او ابمب




ونظام الهيدروليك يعتمد أساسا على طرمبة الزيت أو بمب لضخ الزيت
وليات خاصة بنظام الهيدروليك تتحمل ضغط عالي جدا جدا حتى يكون في نظام تصنيعها

تغليف بطبقه أسلاك (يعني تمسك السلك كأنه كفر ضغط)
وهذي صوره تبين الليات الخاصة بالهيدرولك


و تحتاج المسعدات الخاصة بالهيدرولك لكن اسمها ليس مساعدات بالمعنى الحقيقي
خصوصا في هذا النظام وتسمى سيليندر أو بالعامية بستم
وهذي صورها واشكالها



ولابد من تغيير اليايات أو السست الخاصة بالهيدرولك لكي توصل قوه اليايات إلى حمل 4طن
وهذي تسمياتها ومقاساتها في شركات الهيدروليك
طن ونص , 2طن , 2.5طن , 3طن ........الخ ومقاساتها كثير
وهذي صورها واشكالها





وكل مقاس من هذي اليايات لها ميزه وكل ما أصبح الياي اقوي وأطول يكون
التنقيز بالسيارة أعلى وأقوى
وبالعكس كل ما كان الياي أقوى كل ماكانت السيارة أقسى وأصعب في السواقة


وهذي صوره الكت كامل




وهذي المساحة التي تحتاجها في الشنطه



ونسيت أقلكم انه في نظام الهيدروليك لازم الشنطه ينشال منها كل القماش للأمان أو سيفتي خاص
انك تشيل القماش الي موجود في الشنطه كامل وتطلي الشنطه مواد عازله للحريق والماس الكهربائي

ليش ؟؟؟؟؟؟؟؟؟
أنا عارف إنكم بتتسائلوا هذا السؤال وهاذي الإجابة
لأنه في بعض الأحيان البطاريات تعمل شرار أو الأسلاك الكهربائية تسخن وتحترق لحالها
أو ممكن يحصل ماس كهربائي وهذا لو كان بجانبه أي شي سريع الاشتعال
يكون موجود بالشنطة في السيارة يعني أي شرار أو أي ماس أو سلك ينحرق
يعني الله يخلف عليك أنت وسيارتك لأنه ممكن تحط في الشنطه أكثر من 6 بطاريات
ولمن توصلها إلى 24 بطارية و شي أكيد انه السيارة راح تنحرق لهذا السبب تلغي
أي شي سريع اشتعال من الشنطة

والهيدروليك يفضل انك تركبه على السيارات الدفع الخلفي الي ( بالعربي يكون فيها دفرنس )
والسيارات القديمة أو الأمريكي الكلاسيكية والونيتات لأنه الهيدروليك يحتاج سيارة صلبه وقويه
في نفس الوقت

وفوق قوتها لازم تدعم الشاسي أو تقويه وتدبل حديد الشاسي و المقصات و الدفرنس

وكل شي له طريقه في تدعيمه
وأحيانا تحتاج سلاسل للتدعيم
وتحتاج جنوط سلك صغيره مقاس "14 أو"13 وأقصى شي مقاس 15" اذى تبغى تسوي شغب
وفي حالة تبغى تسوي جنان بالسيارة ممكن تركب أي مقاس كبير بس لاتنقز باسياره عشان
لاتنكسر الجنوط أوتحبل الكفرات وتكره اليوم الي ركبت فيه الهيدروليك


مميزات الهيدروليك

1- أول شي ممكن يخلي السيارة تمشي على 3 كفرات






- سرعة رائعة جدا في النزول والطلوع وكل مازادت البطاريات كلما كان أسرع (هذي العملية فيها هندسه كهربائية يعني ممكن تشغل 6 بطاريات في وقت واحد بقوه 24 بطارية - أوضح أكثر



بطارية + بطارية + بطارية + بطارية + بطارية + بطارية = 72v الكل على جميع الطرمبات الأربع
(بس انه راح تنتهي البطاريات بسرعة)


لكـــــن

بطارية + بطارية + بطارية + بطارية + بطارية + بطارية = 72v على الطرمبه رقم واحد
بطارية + بطارية + بطارية + بطارية + بطارية + بطارية = 72v على الطرمبه رقم اثنين
بطارية + بطارية + بطارية + بطارية + بطارية + بطارية = 72v على الطرمبه رقم ثلاثة
بطارية + بطارية + بطارية + بطارية + بطارية + بطارية = 72v على الطرمبه رقم أربعة

(أخذنا نفس القوه بس الفرق حتى العمر الافتراضي للشحن مده أطول
مع انه الطرمبه الوحدة تحتاج على الأقل 36V


3- ممكن تنقز بالسيارة اعلي من 2 متر)


- ممكن يعيش 10 سنوات أذى كان تركيبه واستخدامه صح
وبدون (حسد وعيون على الطاير لأنه شي يجيب العجب)

5- ممكن ترفع السيارة مسافات عاليه جدا وتلصقها في لأرض في نفس الوقت

ارجو عدم الرد