{قصه كوميديه } مزيونه لولد عمها

الســـــلام عليكم ورحمة الله وبركاته

هذي قصه انا شفتها واعجبتني وحبيت انقلها لكم ..ونقلتها مثل ما اهـي ما غيرت فيها شئ
ويمكن البعض عارفها لاكن انا بصراحه اول مره اشوفها واعجبتني
انشاالله تعجبكم


مزيونه لولد عمها


جالس في المجلس اتقهوى مع عمي وماعندي من الشيطان طاري قال عمي : منتهي (منتهي اسم صاحب القصه) كم لك ساكن عندي في البيت ماكل شارب نايم بلاش

قلت : ليش انا ولد اخوك شعرة في لحيتك ياعمي

قال : لا.. هين.. الشعرة ذي بانتفها ان ماسمعت كلامي هالحين اسمع يامنتهي بناتي الثنتين مزيونه وهيله كبار هالحين والبنات اللي في سنهن قد اعرسن وانت مانت محرم لهن داخل طالع عليهن انت وخشتك انا نويت اني اطلعك من البيت وبازوجك بنتي مزيونه يالله افرح يامنتهي (قمة السعاده)

قلت : وش افرح مزيونه توها ظاهرتن من شهار ياجودها ان جلست شهرين عندنا في البيت ثمن ترد المستشفى خبله ياعمي وفوق ذا شينه والله مافيها من الزين غير اسمها

اصبر ياعمي الصبر زين وانشاءالله يجي خبل ويعرس على بنتك

وترى ياعمي اسم مزيونه حركه تمويه وبيجيب لك زباين

وان كانك تبيني افرح زوجني هيله ياعمي ايه هيله اغدي قهوه انا

عاد انا من الوناسه نسيت عمري وانبطح على الأرض متشقق (التشقق من اثار الفرح عند الشباب يعني حاله هستيريه بالعربي اللي يشوفه يقول سكران)
ماوعيت الا بطوفرية القهوة تلعب على علباي

قال: قم بس لاتبطح عندي ماعندي خبل الا انت بياخذ مزيونه اسمع عاد مزيونه انا متوهق فيها ولافاكني الا انت والبنت مالها الا ولد عمها اما هيله سهل تصريفها وزعلي ورضاي زواجك من مزيونه

قلت : كيف اعرس وانا ماعندي فلوس اجيب مهر ولاعندي بيت ولا سياره كابرس ؟ (ذكي)

قال : حكم الزير على الخنزير وانا عمك مهر مزيونه ريال واحد والبيت باسكنك عندي الدور الثاني فاضي وابشر بالسياره وبالخير والعرس خلاص الأسبوع الجاي وعرسنا تراه سكتم بكتم (بيض الله وجه عمه والله ماقصر)
قلت : ياعمي هذي اول مره انا اعرس ماعندي خبره ويوم جيت اعرس اخذ خبله
قال : لاتخاف مزيونه عندها خبره قد اعرست على ثلاثة رجاجيل قبلك بس انت خذ اجازه من شغلك
واطلع من المجلس وادرعم على العمل ابي استأذن من المدير استعد للعرس وعرفت من سكرتير المدير ان مديرنا غايب له يومين امه متوفيه لاحول ولا قوة الا بالله وش ذا الفال الشين هذا من اوله يامزيونه وادرعم لبيت المدير وادخل عليه في المجلس والقى المدير مع ابوه وقبل ماعزيهم قلت : انا زعلان منك يامديرنا وشلون امك تموت وماتعلمني اقوم بالواجب لكن شف هذا ابوك موجود ان مات ابوك علمني اجي اصلي عليه واقوم بالواجب وهو اللي يطمر ابو المدير من مكانه ويقول : بعدي والله يالسنافي اشهد انك رجال وهو اللي يرفع خشمه وانا اللي احبه ويجلسني جنبه
قلت للمدير : انا جايك ابي اجازه شهر ابعرس الأسبوع الجاي وكان ودي انك تشرفنا انت مع ابوك بس ماقدر اعزمكم لأن عرسي سكتم بكتم
قال ابو المدير : رح ياولدي منتهي لك بدل الشهر شهرين وهو اللي يرفع خشمه فوق وانا القطه واحبه
واجي طالع الا ابو المدير يناديني وهو اللي يرفع خشمه يبيني احبه (مادري انا اتفل عليه ابلشني هو مع خشمه )
المراد تزوجت مزيونه ودخلنا بيتنا الجديد عش الزوجيه وادخل الغرفه واطفي اللمبه واقرب جنب مزيونه وانا اقول مزيونه شوفي ساعتي تراها ماتولع في الليل ماوعيت الا بالأبجوره نازله على جبهتي شفت اللي يولع من جد نور احمر مافتحت الا وانا في المستشفى وسبع غرز في جبهتي
وزارني عمي وقال : يامنتهي البنت اكيد مستحيه منك لازم تاخذون على بعض روحوا تمشوا مثلا ودها حديقة الحيوانات
قلت : فكره حلوه ايش رايك تكلم اهل الحديقة يجون ياخذونها
قال : الظاهر اني باكلمهم ياخذونك انت وياها ..
قم بس اوصلك البيت
ويوصلني عمي البيت وافتح الباب بشويش وانا خايف وادخل راسي اويق اثر مزيونه متوزيه ورى الباب وهي اللي تجرني بشوشتي لين المطبخ تبيني اكل من غدا مسويته تحتفل بخروجي من المستشفى واجلس وانا منطم وهي جالسه قدامي ومتربعه على الصحن واناظر في الاكل ماعرفت وشو اكل معفوس لاوحاطه في وسطه شمعه

وانا انفح الشمعه لين طفت وامد يدي على صحن المعفوسه واكل لقمه ماقويت ابلعها وقلت وعععععععع وهي اللي توقف وتدور علي دورتين تختلني (كنها ذيبه) وانا مسوي نفسي ثقل يعني انها ماهمتني وهي تجي من ورى ظهري وتهجم علي وتنزل راسي تحت وترعصني وسط صحن المعفوسه وتحوس خشتي ثمن فكتني وارفع راسي توني راد النفس وهي اللي ترجفني برجلها ويصمخ راسي بالجدار اشوى ان الجدار كان موجود والا كان ماردني الا اقصى البيت وتاخذ الأكل وتذبه من الدريشه على القطاوه !! مساكين القطاوه وش ذنبهم ياكلونه
(الله يعينهم على مصابهم) <--- يقصد القطاوه
انا بصراحه زعلت ماعاد قويت اصبر كل يوم انطق كل يوم مستشفى لازم اخذ حقي وانا ادخل الحمام واعبي البانيو (المغطس) مويه واتوزى ورىالباب واحتريها لين دخلت الحمام وانا اللي ادفها بقوه على البانيو ويصمخ راسها بالجدار وتطيح في وسط المويه دايخه وغرقت في البانيو واناظر في المويه واشوفها تنقص ..تنقص..تنقص..(غريبه)
أثر الخبله شربت المويه اللي في البانيو لا وبعد مافتحت عيونها راحت المطبخ وشربت كاس مويه (متأثره بالافلام)
وتدخل الغرفه ولا كنه صار شي !!
قلت ايه هين يالخبله والله ماخلي حقي وادخل المطبخ واطبخ لها شوربه واحط فيها سم فيران جيت اوديه لها قلت: مسكينه الشوربه حاره خلني ابردها اخاف تلسعها وش اسوي بنت عمي قلبي عليها والظفر مايطلع من اللحم وابرد لها الشوربه واوديها لها كاعتذار على اللي سويته
وبنت الحلال الخبله ماكسحتني خذت الباديه مني بس يوم شافت ان الشوربه بارده وهي اللي تخبطها على جبهتي على نفس الجرح وعلى المستشفى وتزيد الغرز من سبع الى تسع
وشهرين وحنا على هالحال خبط وخبيط وانا مغير رايح جاي على المستشفى حتى من كثر ماروح المستشفى كاتبين على باب وحده من الغرف,,, غرفه منتهي,,, جزاهم الله الف خير
انا ماعاد قويت احتمل راسي غدى كله شقوق صاير منخل
وانزل تحت على عمي واذب عليه مفاتيح السياره واقول : ابشر ياعمي بنتك زادت خبرتها من ثلاثه الى اربعه ازواج اللهم زد وبارك
وورقة طلاق مزيونه بتجيك اليوم وانحاش من المجلس واطلع للشقه واقعد اضف في غريضاتي واسمع جرس الباب يرن وانزل ابي افتح والقى عمي معه الخبله مزيونه عند الباب
قلت : ادري ياعمي باطلع من شقتك اليوم
قال : لا تطلع انثبر في الشقه وخذ مفتاح سيارتك بتحتاجها بعدين !!!

!
!
!
!
!


توصل عيالك مزيونه حامل

هههههههااهاهههاهاههااههاههاههاههها
الله يعينه (انا بالنسبه لي حرمت اتزوج)
لان هذي زواجها يسبب القرحه ولا فيه فرحه

رماااااد الشوووق

دووم الضحك فديتك

مشكور على المرور

تحياتي،،
وشلون ماغليك

السلام عليكم



الله يعطيك العافيه

دحوووم الحلووو

وعليكم السلام

مشكوور على المرور

تحياتي،،
وشلون ماغليك

هههههههههههههههههااااااااااااي

حلوه منك القصه

الله لايحرمنا منك

[align=center]
ههههههههههههههههههههههههه

الله يعينه هالمنتهي وفعلا اسم على مسمه منتهي من الحياه خير شر

يعطيك الف عافيه وشلون

تحياتي [/align]

حسااااااام العااصووف

حلووت اياامك

مشكور على المرور

تحياتي،،
وشلون ماغليك