أنا تكفيني عزاتي وصيتي,,,,

لا يابعد روحي وحيـي وميتـي
لا يابعد كـل الغصـون النديـه
يومك دخلتي هاجسي وش لقيتي
غير القصايد والنقـاء والحميـه
جيتي وبجروح الغـرام أبتديتـي
وياليتها بأسبـاب ذنـب وخطيـه
من دون لا ذنب وخطيه نويتـي
تجريح مافينـي مـن العاطفيـه
وياليتك بجرح الشعور أكتفيتـي
ودك تقصيـن العظـام القـويـه
أيه أجرحي ثم أجرحي ماقويتـي
واليا بغيتي زيدي الجـرح كيـه
عمري وروحي لك على مابغيتي
لك بالغلا رمز وسـلام وتحيـه
ولن كان بسمي ياغلاي أعتزيتي
النار مـن بيـن المحبيـن حيـه
واليا شبعتي بالغـلا وأستويتـي
بيـن الحبايـب مابهـا منقديـه
تدرين قلعه ياعسـى مارضيتـي
الحب من طبعه يجيـب الاذيـه
أنـا تكفينـي عزاتـي وصيتـي
ولا ني بصاير في غرامك ضحيه