|
|
|
 |
 |
 |
 |
|
|
|
| اشترك في قروب دلع ليصلك جديدنا |
| زيارة هذه المجموعة |
|
||
| العضو المميز | الموضوع المميز | المشرف المميز |
قــريبا |
قــريبا |
قــريبا |
|
|||||||
| التسجيل | التعليمـــات | قائمة الأعضاء | التقويم | اجعل كافة المشاركات مقروءة |
| منتدى الدردشه والسوالف يختص بمناقشة كافة القضايا الهامه والعصريه وتبادل الاراء الجادة والواقعيه |
 الإهداءات |
 |
|
|
LinkBack | أدوات الموضوع | طرق مشاهدة الموضوع |
11-23-2006, 03:49 PM
|
رقم المشاركة : 1 | ||||||||||||
|
ندم البقر
نــــــــدم البقر ظاهرة الغزل والترقيم والتطليعات وسواليف تالي الليل مع بنات الليل وشباب الميرندا وجيل النيدو والحفاظ فلا بد لهذه الظاهرة الناتجة عن عدة أسباب أن تناقش و تستدرك وأن يكتشف لها الحلول لأن تستبد وتجتث من جذورها << متعوب عليها في أحدى الأيام والسنين والقرون ,, أيام فيها المصائب من كل شكل وكل لون,, راح نحكي لكم قصة ويا ليت إنكم تنتبهون,, مشهد بعيد للشمس المشرقة مثل شمس الأسد الملك وبداية يوم جميل. آموآآآء آموآآآء آموآآآء (بكاء المولود عند ولادته). في احد مزارع الأبقار وفي هذا اليوم الجميل فرح الثور العجوز بولادة طفلته البقرة الجميلة والأولى له (فبعد شوق وحنين أتى هذا العجل السمين).ومن زود فرحته بها سماها على أسم أمه عبير . وكانت فرحته لا توصف بمولدها فصار يدللها ويدلعها هو والأم. ومن صغرها علموها على لبس القصير والعلاقي ونسيوا أهم شي والي هو (من شب على شي شاب عليه) وفوق ذا كله كانت طلباتها أوامر....... وكان للدموع دور كبير لأن الثور أبو عبير ماهان عليه دمعة بقرته الصغيرة(بس هان عليه أنه مايعلمها الصح والخطأ).....................  ************* ومرت الأيام وكبرت عبير ومعها ذخيرة جمال ودلع وأنوثة تبيد بلاد مو بس أولاد وكانت مسيطرة على أهلها كانت ماتنهي طلبها إلا هو قدامها>>(صار الثور يبي رضا بنته; صدق انه ثور). وكان لهالبقره صديقه مقربه لها أسمها نوال وكانت نوال تتباهى قدام عبير أنها على علاقة مع أحد الثيران والي كان اطخم ومملوح وولد واحد من التجار والأهم أنه يحبها أو بالأصح كان يوهمها بالحب... فمن الطبيعي أنه ترسخ ذي الأفكار ببال عبير الي كانت ماتعرف لذا الدرب طريق ومع مرور الأيام زاد تفكير عبير لهالشي وكانت تحلم بأنها تجرب الحب وتذوق عذابه >>(صدق ياشين السرج على البقر).......................... وفي يوم من الأيام قرر الثور العجوز أنه يطلع بالعائله الكريمه لأحد المزارع القريبه يكشتون وكانت مزرعه نادك أحلى المزارع وأكبرها فراحولها. وهناك وفي ذاك اليوم تتغير حياة عبير......................... ************* كان فصل الربيع والمطر هتان وكانت المزرعه ذاك اليوم مليانه ومزحومه. ذياب تشوي وقطاوه يلعبون وحمير واقفه بنص الحديقه موب عارفين ليش وين ومتى وخرفان يطربون وثعالب تلف وتدور وخيول عربية اصيله ببيت الشعر رايقين ومروقين وبطرف المزرعه كم بعبير من حراس الفضيله وماسكين لهم قرد يغازل وبعد ما جلست العائله مستانه لجيتها للمزرعه بوقت جات نوال وأهلها للحديقه وراحوا لم جلسه عبير واهلها رحبوا بهم وجلسوا الثور مع الثور سوالف بالأسهم والفيديو كليبات و البقر مع البقر تقشيم حب وكلام في الناس على هذي تزوجت وهذي تطلقت وهذي نفخت براطمها سلكون وفلانه قصت خشمها وبالأخر يقلون مالنا خص باحد ونوال وعبير بعالم ثاني...............! عبير: وشعندك وين بنروح؟ نوال:يختي اسكتي عما قومي من هنا وانا اقلك. عبير:زين بس وش نقولهم لو سألوا وين رايحين؟ نوال:عندي انا ,انا اصرفها زين؟ عبير:زين نوال:يمه !خاله حصه! نبي نروح انا وعبير لخيمه التسوق الي هنا !مايخالف؟ ام عبير وام نوال:لا مايخالف بس كلمي ابوك... البنات:إن شااااا الله وتصوت عبير: يباااااووه نبي نروح للخيمه انا ونوال الابو:زين بس لا تتأخروا واذا تبين فلوس تعالي خذي نوال وهي تسحب عبير من عباتها: تسلم ياخال...... ************* وبعد ما راحو بمسافه وقفت عبير نوال قايله:الحين ماراح اتحرك شبر الين تقولين وين رايحين ووش السالفه بالتفصيل؟ نوال:انا اقولك ،بصراحه انا رايحه اقابل حبيبي مشعل الي قلتلك عليه وخفت يكون معاه احد فخذيتك معي فهمتي؟ عبير:لا وش يقول عني؟ يضنني شغالتكم جايه معك؟لالالا مو حلوه لابحقي ولا بحقك ترا بيقول ذي ماتثق فيني جايبه البيبي ستر معها ؟لا ينوال لا! نوال:طيب والحل روحه بروحي مني رايحه لازم تجين معي. عبير:طيب انا عندي حل....!وش رايك اكون بعيده عنك شوي يعني بحيث انه ماينتبه لي واذا كان معاه احد كلها خطوتين وانا عندك!؟ نوال:زين بس مو تبعدين مره ولا تتسالين عني عبير: زين. تبتعد عبير عن نوال شوي وتوقف عند كشك (كرسبي) وبعد دقايق يقبل مشعل وبيده هدية لنوال. عبير يوم شافت هالموقف اتمنت لو انها مكان نوال لو نص دقيقة. مشعل ونوال يسولفون وعبير تناظر وتنتظر وشوي وهي تناظر مر من قادمها ذاك الثور الأطخم وقامت تقزه وتطالعه من فوق لتحت وكان هو بعد يناظرها وشاف الملكي والفراشه وكب العشا عنده. راح جنبها كنه بيشتري من المحل واول ماوصل قربها قال ومن دون مايطالعها:النجوم على ان جمالها عادي بس كل نجم ملاصق للثاني وقريب منه والقمر الي يغطي كل النجوم بجماله دايم وحيد. زرافه كانت قريبه من هالثور وسمعته ظنته يقصدها رفعت عليه الكعب (مشكله طوال ويلبسون كعوب طوال!وش يبون هالعالم ؟)وتقله: انت ماتستحي ؟ماعندك خوات؟ترضا على اهلك كذا؟ الثور وهو يبتعد :اقول من حلاتك بس موب لك هالكلام . عبير عرفت انه يقصدها وكانت ميته ضحك عليه لمحها وعرف انه وصل لها . قام يطلع جواله ويسوي بحث بلوتوث ولقى (بقره كول) وصار يأشر لها بالجو)ل فصارت عبير تضحك وتهز راسها موافقه شوي ويجيها (استلام رساله بلوتوث من ثور ولد عز) استقبلتها وشوي ويجيها رساله Txt مكتوب فيها الرقم وتحته: ذا رقمي يا عسل واتمنى انك تتصل وتووووت تووووت يارب أمووووت اذا مادقيت. راح الثور يوم تأكد أن الرساله وصلت لعبير................................. حفظت عبير الرساله وكانت بتطير من الفرح لأنها حققت حلمها وتعرفت على ثور توقعت أنه راح يحبها . جات نوال يم عبير لقتها مستانسه . نوال:الله الله الله !الله يديم الفرح وش صار وش انتي مسويه؟ عبير وهي تضحك:اسكتي صارلي شي من زمان انتظره بس انتي الي قليلي وش صار معك انتي ومشعل؟ نوال:مني قايله وش صار لين ما انتي تقليلي وش عندك. عبير:بصراحه جا واحد ورقمني توه نوال: حركتات والله وصرنا ناخذ ارقام طيب وكيف صار هالشي؟ عبير:امشي الحين نرد لأهلنا وبالطريق اعلمك. وبالطريق علمت كل وحده بقصتها ووصلوا لجلسه اهلهم لقيوهم على نفس الحال ونفس الكلام . حست عبير ان الزمن توقف حست ان ذا اليوم اطول يوم بحياتها تمنت تروح البيت باسرع وقت وصارت تفكر بالي صار....... عبير عبير (امها تنادي) . ينقطع حبل افكار عبير:سمي يمه الأم:يالله يمه ابوك يقول بنمشي . عبير وبداخلها بتطير من الفرح: طيب . اول ماصلو للحضيره عبير تطلب ان محد يزعجها ولا يقومها للعشا تبي تروح تنام لانها مرهقه وتعبانه. تروح عبير لحجرتها وتقفل على روحها الباب وتجلس على السرير تفكر بالي صار وتدق ولا ما تدق وبالأخر قررت تدق. هو:آلو آلو هي بصوت متردد: أآأآلو هو:هلا والله مين معاي؟ هي بعد ما خذت جرائتها: ماهقيتك نساي للهدرجه يا ههه (ولد العز). هو:هلا وغلا ومرحبا حي الله هالصوت وراعيه. هي:الله يحيك بس وراك ما عرفتني ليكون زباينك اليوم كثار؟ هو:افاااا لا كذا انا ازعل اي زباين اي خرابيط الي عنده القمر ياطالع للنجوم؟ هي:والله مدري عنكم يالشباب باليوم ترقمون اكثر من وحده والي تدق تدق. هو:لا معليش لا تقارنيني بباقي الشباب انا غير !ولا انتي تقولي كذا عشان تصرفيني وتشوفين حصيله اليوم؟ هي بضحك خفيفه:تدري انك انت حصيله اليوم وبعدين ابقلك شي يمكن ماتصدقه والي هو ان انت اول واحد اكلمه. هو بداخل نفسه(ذي الصيده الطيبه):شوفي انا اول وإلا اخر ماهمني ولا همني ماضيك المهم انتي تكلميني باقتناع مو للتسليه. هي:كل شي الا ان الواحد يتسلا بالناس ومشاعرهم. بعدين تعال قلي انت وش اسمك. هو :انا اسمي تركي وانتي. هي:اسمي بدور. هو:عاشت الاسامي بدور ماقلتلك انك قمر.... جلس كل واحد يتميلح على الثاني وباخر المكالمه....... هي: زين انا اترخص الحين وراي بكرا مدرسه وان شاالله باقرب فرصه ابكلمك. هو:ومن قال اني ابنتظرك لين تدقين بكرا اول ما تطلعون وتوصلين البيت بدق عليك زين؟ هي:زين والحين تصبح على خير هو:وانتي من اهل الخير يا وجه الخير......  قفلت عبير وبدون اي ضياع للوقت دقت على نوال عطتها الموضوع من إلى. اما تركي قفل وهو يخطط كيف يوصل لهالبدور ومتى؟ لاول مره بحياتها تقوم عبير نشيطه للمدرسه ،تروح للمطبخ تفطر وتطلع للشارع تنتظر الباص وكل تفكيرها تركي كانت تبي تنهي ذا اليوم باسرع وقت واول ما دق الجرس كانت هي اول من خرج وتعلقت بالباص>>(كنها زبال منتهي دوامه) واول ماوصلت للبيت ودخلت حجرتها جلست على السرير بهدوم المدرسه تنتظر تركي يتصل . وبعد نص ساعه يدق الجوال رفعته وحطته بين اياديها و!!!!!! ماردت . دق مره ثانيه وعلى اخر رنه ردت. جلسوا يسولفوا الى قرب صلاة العصر............... مرت الايام وزاد تعلق عبير   بتركي وهو زاد تصميمه للي يبيه .  وبعد مامر على علاقتهم ثلاث أشهر طلب تركي انه يقابلها وعشان تطمن راح يقابلها بمكان عام هي الي تحدده وبعد تردد وافقت ومادرت ان ذا بدايه النهاية . قابلها بالسوق وشافته وشافها سوالف خمس دقايق وافترقوا بطلب منها ،وافق وسوا انه تضايق حست انها ظلمته ووعدت نفسها انها ماراح تزعله بعد كذا واستمروا فتره على الجوال وطلعت معاه كم مره ....................... ************* وفي يوم. هي: هلا حبيبي هو:هلا عمري ،حياتي بدور ممكن طلب؟ هي:عيوني لك اطلب هو:تسلملي عيونك بس قلت بنفسي الاجازه قربت والصيف جاي وانا بصراحه ودي اشوفك واجلس معك قبل الاجازه واشغالها ومشاغلها هاه وشقلتي.؟ هي: طيب بس وشلون؟ هو:شوفي السبت ذا راح يكون اخر اسبوع قبل الاختبارات ، تقولين لاهلك انك بتروحين المدرسه عشان تاخذين ملخصات وكذا ،زين؟زين ومن الصبح تلبسين وكنك رايحه بس فوتي الباص واوصلي لاخر الشارع بتلقيني بانتظارك. هي وبدون اي تردد:اوكي... ومن الصبح تتزين وتلبس وتسوي مثل ماقال لها تركي. وصلت لاخرالشارع لقت تركي ينتظرها ركبت معه. هي:صباح الخير هو:صباح البدور ايه ذا الوجه الي الواحد يصبح عليه.وش رايك يابدور لو رحنا لاستراحتنا اليوم الشمس نار نروح هناك نسبح ونستانس انا ونتي وبس هي حست بخوف بس طردته:اذا انا ونت ما يخالف . هو:ايه انا ونتي وبس والحين نمر ناخذ فطور ونروح..... اخذوا الفطور الي كان ساندوتشات وعصير فرش ووصلوا للأستراحه طلب تركي من عبير انها تجلس تتابع الدش لين مايحضر هو الفطور راح للمطبخ وصب العصير بكاسات وكان معه قطره صغيره بجيبه نقط منها شوي على عصير عبير وراح بالفطور لعبير وجلسوا يفطرون وهو كان يناظرها وهي تشرب العصير بداخله متشقق من الوناسه  ،اخيرا وصل للي يبيه ............شربت عبير عصيرها وخلصت فطورها. قررو ينزلون للمسبح ويسبحوا. شوي وبوسط المسبح ووسط اللعب والضحك جا لعبير احساس غريب كان ودها تقرب من تركي اكثر واكثر واكثر عبير بطرف السرير تبكي: ليه ياتركي كذا ماتوقعت هالشي يصير كنت اظن انك تحبني لدرجه انك تخاف علي وعلى سمعتي. هو:يابدور ياعمري ماصار شي غصب عنك انتي راضيه وموافقه هي وبعصبيه:انا الي استاهل بس صدقني لو ما جيت وخطبتني من اهلي لاخلي المصيبه علي وعليك. هو:طيب قومي البسي الحين وبعد الاختبارات ابجيب اهلي واخطبك بس الحين الي صار سر بيني بينك ............. ************* ركبوا السياره وطول الطريق ما في غير صدا بكا عبير واول ماوصلوا قرب البيت ونزلها وودعها لبعد الاختبارات. طلعت عبير لغرفتها وجلست تفكر بالي صار وليش صار وبايش هي غلطت؟! كانت الافكار تدور براسها وبدت حالتها النفسيه تسوء. كانت تدق عليه اما ما يرد ولا يقلها انه مشغول وطلب منها ما تكلمه لعقب الاختبارات (خايف على مستقبلها كنه ما قد ضاع)وعدت الاختبارات برسوب تام ومرشهر على ذاك اليوم وهي تدق وهو بكرا بعده.............................. وفي يوم وعبير واهلها على الغدا وهم ياكلون كبسه برسيم عبير تاكل بدون نفس كانت دايخه وكبدها لايعه . وتقوم من فوق الغدا على الحمام ترجع وتستفرغ والام وراها. الام:بسم الله على بنيتي يالله نوديك المستشفى. عبير:لا يمه مايحتاج. وبعد محاولات الإقناع بين الام وعبير راحوا للمستشفى . الدكتورللأهل: مبروك بنتكم حامل. لحظه ذهول !؟!!؟...؟كل علامات التعجب والإستفهام ماقدرت على هاللحظه. ابو عبير حس كانه قاعد يغرق ومابه من ينجده حس بالم وزعل وحزن وتضاربت المشاعر بنفسه . الام انشل تفكيرها واحتارت تزعل على بنتها و لا تدافع عنها من ابوها الي راح لبنته وبدون سابق انذار يطقها كف ويطرحها على الارض قايلها:الله لاكان جابك انا على اخر عمري تسوين فيني كذا!!؟... (البنت تصارخ وتحتمي بامها والام تضم البنت وتحاول تحميها من الابو)من ابن الحرام الي ضحك عليك وسوا فيك وفينا كذا؟! يالله قدامي على السياره يابنت الحرام(يسحبها من شعرها ويجرها للسياره) ......................... ************* طول الطريق الابو يسب والبنت تبكي والام ضايعه بين الاثنين.....وصلوا للبيت والابو من نزلها من السياره وهو ماسك بشعرها يجرها لداخل البيت. واول مادخلوا على البيت وهو يرمي البنت على الأرض: وشراك الحين؟اذبحك واذبح امك وانتحر؟ وشرايك لو شقيت بطنك وطلعت نطفة الحرام الي ببطنك؟هاه وشرايك(البنت ماسكه بامها وتبكي)ابي اعرف بس من ذا الي ضحيتي بشرفك عشانه !؟ عطيني رقمه بسرعه ولاابنهي حياتك هنا. تعطيه عبير الرقم. الابو:وش اسمه هالواطي عبير:اسمه تركي الابو:تركي ايش؟ عبير:ما ادري الي اعرفه ان اسمه تركي الابو:وبعد ماتعرفين الا اسمه الاول اجل لو انك تعرفين باقي الاسم وشكان صار؟ يدق على الرقم وهو فباله بيجرجر تركي ومسكه عشان يبرد حرته، يحط الجوال على اذنه و........ مكالمتك لا تتم حسب الطريقه التي استع...!!!!!؟؟؟؟... يقفل الخط ويدق مره ثانيه ويلقا نفس الرد، حاول مرتين وثلاث زاد قهره والتفت صوب عبير:انا وش اسوي فيك(يرفع صوته اكثر) وش اسوي الاستاذ فصل رقمه يعني فص ملح وذاب. يتجه للبنت وبكل غضبه وقوته يشوت عبير ببطنها . صاحت الام واغمى عليها. البنت تصيح وتتوسل الابو وهو برجله يدوس ويفرك على بطنها وصارت البنت تنزف الين ما وقف هو . جرها للسياره وداها للمستشفى وطالبهم بعمليه اجهاظ باسرع وقت. طبعا ما يدري انه هو قد سوا العمليه برجله بالبيت ................ تنومت عبير بالمستشفى وراح الابو للبيت وهو يفكر وش هو غلط فيه بتربيتها وكالعاده حط كل شي براس الام ونسي انه هو راس البيت الآمر الناهي. وصل للبيت لقا الشغاله جالسه عند ام عبير وترشها بمويه وتفوقها. ام عبير:وين بنتي وش سويت لها وين وديتها؟ ابو عبير:بنتك يا هانم وديتها المستشفى عشان يطلعون الي ببطنها. ينهار وجلس على الكرسي بكي:  وش حنا مقصرين فيه فإيش غلطنا حنا ؟!تقابله ام عبير وتبكي بدون ماترد عليه................... بالمستشفى وبعد مافاقت عبير من البنج صارت تفكر بالي صار وتتذكر من اول ما ضغطت نعم وقبلت الرساله الى اللحظه الي دقوا عليه فيها ولقو الرقم ملغي. بكت ،فكرت بالانتحار ماقوت ندمت على كل شي، بس واست نفسها ان هالغلط مو غلطها لحالها فيه واحد غلطان وهو السبب بكل الي هي فيه. نامت وهي تفكر وتنتظر يجيها عشان تواجهه............... باليوم الثاني راحو الأهل يزورن عبير، دخلو عليها ،سلمت الام على بنتها وضمتها لصدرها، الابو يطالعهم بدون اي كلمه تبادل النظرات مع بنته ،اخذ الكرسي وجلس قبالها وصاريناظرها بحزن وعتاب وسألها بحيره:ليش؟ وش حنا مقصرين فين؟ كل شي ولبيناه لك ! عطيني جواب وريحيني؟ عبير بصوت تعبان ومتردد: ابجاوبك بس بعد ما اخذ الامان منك(عطاها ابوها الامان).. انتو لبيتولي كل شي وقصرتو معي بشي واحد! النصيحه، ما حذرتوني وش الصح ووش الخطا ماقسيتوا علي ولو شوي ماعلمتوني ذا عيب ولا لا، احد منكم جا سالني وش انا مسويه؟ احد منكم جاني اشكيله وينصحني وايخذ بيدي ؟ احد منكم بين لي حدود امشي عليها وخطوط حمرا ما اتعداها؟ احد منكم قال ذي بفترت مراهقه لازم نداريها ؟ محد منكم كلف نفسه ينصحني بكلمه. الحين عرفتوا ليش انا سويت كذا وليش انضحك علي؟!..... طالعوا الام والابو بعضهم بندم وهم يفكرون بكلامها (كل الي قالته صح) وبدت دموع الندم على الكل ......................... ************* بعد ماطلعت عبير من المستشفى قرر الأبو انهم ينقلون لديره مافيها احد يعرفهم ويبداء حياه جديده هو وعايلته, وصار عايش على العلاجات من سكري وضغط. والام ليل ونهار تبكي بداخلها على حال بنتها. اما عبير فهي الى الآن تراجع طبيب نفسي وحالتها بتحسن بطيئ . اما نوال فتزوجت مشعل وفتره وطلقها والحين عايشه قصه حب جديده. وتركي انمسك مع وحده والحين يقضي محكوميته.  هذي حياه البشر ،ناس مثل البقر وناس مثل الذياب والكل عايش .
|
||||||||||||
|
|
11-23-2006, 04:35 PM
|
رقم المشاركة : 2 | |||||||||||||||
|
يسلمووووووووووووووووووو صحيح ان البقر بقر لكن انا من يوم قريت اسمك كاتبه الموضوع عرفت اننا بنمسك خط بس حلو التمثيل بقره وثور هههههههههههههههااااااااااااي
|
|||||||||||||||
|
|
|
11-24-2006, 03:50 AM
|
رقم المشاركة : 3 | |||||||||||||
|
يسلموووووووووووبوهة والله يعطيكي الف عااافية يالغلا
|
|||||||||||||
|
|
|
11-25-2006, 03:31 PM
|
رقم المشاركة : 4 | ||||||||||||
|
يعطيكم يالي فوقي على المرور  كووده بس بقرنـا وثيراننا يفهمون
|
||||||||||||
|
|
|
11-25-2006, 10:32 PM
|
رقم المشاركة : 5 | ||||||||||||||
|
بوهه العن ام المشوااااااااااااااار يامطول موظوعك لي باك ان شاءالله
|
||||||||||||||
|
|
|
11-27-2006, 06:39 PM
|
رقم المشاركة : 6 | ||||||||||||
|
ولكمووو فيري انتطر باكك لاتبطي
|
||||||||||||
|
|
|
12-13-2006, 07:22 AM
|
رقم المشاركة : 7 | ||||||||||||||
|
موضوعك مرررررررررررررره حلو
|
||||||||||||||
|
|
|
12-13-2006, 04:47 PM
|
رقم المشاركة : 8 | ||||||||||||
|
^ ^ ^ انتِ متأكده انتس قاريه الموضوع كلللله بقووولكم شي انا ادري ان الموضوع حلوو << والله موب غرور ولاشي ولا ليه حطيته  انا ابي تعلقون على الموضوع موب بس شكرا او يعطيك العافيه الله يصلحكم بس
|
||||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| راعين البقر والزبده مرسلين رساله للشعب السعودي | غـرك زمانـك | أخبــارنا اليومية | 4 | 01-29-2006 05:43 AM |
| يمنية تقتل زوجها لتفضيله الغنم على البقر!! | قطــ دلوعه ــر | أخبــارنا اليومية | 5 | 12-11-2005 08:12 PM |
العرض العادي
