لش مانكون مثلهم

ليش ما نكون مثلهم؟؟

نعم ليش مانكون مثل هذا الرجال قصه واقعيه من الرياض
سمعتها وعجبتني وحبيت انقلها



في رجال من اهل الرياض كان غني غنى فاحش وفي يوم من الايام خسر كل امواله وطلعت عليه ديون بملاين الريالات ودخل على اثره السجن لانه ماعنده فلوس علشان يسدد الديون الي عليه وهو جالس في السجن في قسم الي عليهم ديون سال الشباب الي معاه في السجن لش انتم دخلتم السجن وبدأ كل واحد يقله قصته وكم مدين وكل بعضهم قالولع نحنى مدينين 5 الاف والي قال 10 الاف والي قال 15 الف والي قال 20 الف فكر الرجال وقالهم والله ولا واحد منكم يجلس في هذا السجن دقيقه واحده وكلم الحراس انه هو يتكفل بيهم
يعني هو اسددلهم ديونهم بالصح يحطو ديونهم على ديون الرجال وطلعو المسجونين وانتشرت القصه في الرياض الين وصل الى امير الرياض فأمر الامير باحضار الرجال وجاه وقاله انت عليك ديون ومسجون ليش سويت هذا الفعل قاله طال عمرك هذول الناس ديونه ولا شي جنب ديوني هذول امرهم بسيط وانا سويته لوجه الله وعلشان كذا انا سويت هذا العمل فقله الامير والله مالك قعده بعد اليوم في السجن وامر انه يتسدد كل ديونه وبكذا طلع الرجال برضه من السجن
تاملو كيف الرجال كان مدين وفوق كذا شال ديون الناس الي معاه بدون معرفه سابقه فين الناس الي زي كذا هذي الايام فين وانا اسف اذا طولت عليكم وتقبلو تحياتي.....