كشيشة ام صويلح

مسااااااااااااااااااااااااااااااااااااااااء الخير على الناس الغير

وش علومكم واخباركم أنشاء اللة مستانسين ومزاجكم عال العال ...
عندي لكم قصة ظريفة انشاء اللة تعجبكم وطبعا "ملطوشة "

أم صويلح متضايقة من شعرها الأعرد وكشتها المنكوشة ... كانت تبي شعر ناعم
ولامع وطويل " واللة متفائلة " مهوب عشان ابو صويلح تبي تقهر أم عبيد وأم صنهات
زوجات خوان زوجها .......

ومرة لقت مع جارتها خلطات رهيبة تخليها هندية .. خذتها وكتبت الوصفات والمقلدير
(زيت همياني _ زيت الحية_ زيت كوكي لوكي_رجل الخروف _ لسان البعير)

وراحت لبوصويلح هذي خلطة لشعري ويصير لركب لمعان وكثافة وجمال بتشوف
يابوصويلح إن ما طارت عيونك....
والمسكين ابو صويلح صدق الكلام
وحلم انة بيرتاح من شوفة الكشة

أحضر ابو صويلح المكونات العجيبة بعد رحلة مكوكية على محلات العطارين والأسواق
الشعبية .....

بدأت أم صويلح البرنامج اليومي للعناية بشعرها

يوم بيض والمايونيز...ويوم زيت البصل وزيت الثوم... ويوم رجل الخروف
ولسان البعير...ويوم زيت السلحفاة مع برطم النملة.....

وصار ابو صويلح كل ما دخل البيت لقى ام صويلح رابطة راسها وعليها جلابية رخيصة والروائح الكريهة
تفوح منها ومن البيت كلة.....
يدخل الحمام تفاجئة الرائحة ومنظر الأكياس وعلب الزيوت المنتشرة على البانيو والمغسلة....
غرفة النوم تفوح بريحة نتنة ...
أم صويلح مشغولة بعمل مساج لرأسها كل نصف ساعة والروائح تفوح اكثر واكثر ....
لقى ابوصويلح نفسة وحيدا في بيت مقرف وماعاد يشوف
ام صويلح الابأسواء منظر.....
كلمهاحاول اقناعها بترك الخلطات لأن مامنها فايدةولكن لاحياة لمن تنادي
حس ابو صويلح بالملل والضيق وصار يطلع كثير من البيت...وام صويلح مستمرة على الكورس النتن ....
وبعد مرور شهر

قرر ابوصويلح يهددها بالشي الي يخوف كل الحريم ...
- ام صويلح ...
_ سم
_ترى انا قررت اني اتزوج ...

فتحت ام صويلح خشتها من الصدمة ...
_ انتي استمري في خلطات وانا بترك البيت ,ماعدت اتحمل منظرك ولاريحتك ولاريحت البيت ,صرت حاس اني عايش
في مزبلة .....انا اخيرك تهتمين في نفسك والبيت وانا او تهتمين بشعرك ...

ارتجفت ام صويلح وساح البيض على اذنيها من الحرارة وفاحت ريحتها اكثر
_القرار لك فكري لين ارجع .... وطلع
بكت ام صويلح وراحت للحمام ورمت كل علب الزيوت المنتنة ... غسلة شعرها بشامبو الفواكة وحطت بلسم معطر
وبخرت شعرها وكشخت في ملابس نظيفة وتعطرت ... وراحت تبخر غرفتها والبيت كلة ...
ويوم جاء ابو صويلح استقبلتة بأبتسامة
ضحك ابو صويلح
وقال....
(الحمد اللة على السلامة ياحلوك وحلو كشيشتك يام صويلح)