يامرحـبـا ملـيـون يــا أعــز الاصـحــاب
ترحـيـبـة الـبــدوان لاقـبــل مـطـرهــا
ترحيـبـة" تحـمـل مواثـيـق واعـجــاب
اقـولـهــا صــــادق وانــــوّه بـثــرهـــا
ان المعـانـي طـيـب والطـيـب جــذاب
يقـطـف بــه الطـيـب معـانـي ثمـرهـا
يابن مطير ترى سهيل لـو غـاب
مـاريــتــه لابـــــد تـلــقــى خـبــرهــا
بـس البـلا مـن طـاح بعـيـون الاقــراب
يـفــرح وزلـــة صـاحـبــه مـاسـتـرهـا
مــداح وجــه وكــل مـاغـبـت يـغـتـاب
روح الـصـداقــه والأخـــــوه نـحــرهــا
واللـي تعاطـى فكـر الارهـاب ماهـاب
مــن ســو نفـسـه والنهـايـه دمـرهـا
بكـره يجيـه العلـم ويشـوف الاسبـاب
لاعـافــت الـنـفـس الـرديــه قــدرهــا
لاعـاش عمـره طــول الايــام مـرتـاب
مابيـن شـك .. وخـوف نفسـه قبـرهـا
تـجـي لــه الدنـيـا كـمــا الـمــر لاذاب
فــي فــم خـايـن نعمـتـه ماشكـرهـا
اشوف لي في داخـل القـاف محـراب
(( سجود سهو )) وكل مؤمن ذكرهـا
لامــن قفـلـت الـبـاب لاتفـتـح الـبــاب
بيبـان خلـق الله وش الـلـي كسـرهـا
ماغير قولـة شوفـوا فـلان وش جـاب
مــع كـلـمـة" تـنــذر بـعـلـة خـطـرهـا
أغرتهم الشهره علـى كسـب الالقـاب
لـيـن اغرقـتـهـم بالمـصـايـب بـحـرهـا
والسالـفـه مـاهـي سوالـيـف نـصـاب
يطـيـح بالـحـفـره غـشـيـم" حـفـرهـا
ومن طاع ربه لو خسر عكف الاشناب
عـادي ولـو هــو بالمـواقـف خسـرهـا
يمشي سنود ولو مشى بين الاجناب
محـدن منـع نفـسـه ولـحـدن جبـرهـا
وسلامتكم
مع فائق الاحترام والتقدير لمن مر هنا
الإهداءات
المواضيع المتشابهه
قايد استلم
العرض العادي
