...::شآعر الآحسآس....فيصل آليآمي::.....

[align=center]اسمحوا لي بأن ألقب هذا الشاعر بــ "شاعر الاحساس"
لانه يترك احساسه بكل قصائده
يترك روح الشاعر
يترك به بصمه تميزه عن غيره
شاعرنا

فيصل اليامي ......"ابو محمد"

بدأ "(شاعر الاحساس)" و نشر اولى قصائده عام 1998م في مجلة ( فروسيه وشعر ) آنذاك...

وبدأت هنا ولادة قصائد "(شاعر الاحساس)" ....الذي تفوق في شعره
وفي قوة اختياره للكلمات

فخلال عام واحد ذاع صيته ... ففي عام 1999م كانت اولى التعاونات الفنيه وكانت بدايته في مجال التعاونات الفنيه تعتبر قويه جداً نسبة للاسماء التي بدأ التعاون معها ...
امثال ( عبدالله الرويشد , اصيل ابو بكر , علي بن محمد ,محمد المازم ).


فمن تعاوناته الفنيه:
اصيل ابوبكر ( علينا شفيك ما تسأل , من عيوني , على شانك , تغلى )
عبدالمجيد عبدالله ( طولت بالي )
عبدالله الرويشد ( خلك معاهم , عندي سؤال )
حسين الجسمي ( الكبر لله , دعوة المظلوم , فقدتك , العداله )
رابح صقر ( وش رايك , متميزه , باين عليك )
علي بن محمد ( اشتاق , عيال حارتنا )
محمد المازم ( الله يديم المحبه , غروك )
وغيرهم من الفنانين .

فلا عجب بعد اقتحامه للساحه بهذه القوه ان يفوق عدد معجبي
"(شاعر الاحساس)" ارقاماً خياليه
وأن يتخذه المبتدأين قاموس ومرجع للكلمات والاسلوب الجزل.....
أما الشعراء فيتخذون شعره موسيقى هادئه لنهاية يومٍ متعب تزيل عنهم الهموم بأبسط العبارات مثل الدنيا ماتسوى و قد تلهمه لكتابة قصيده لن تكون أجمل من ملهمها....

والمطالبه بتواجده الدائم بالأمسيات جعل رصيد امسياته يفوق العشره امسيات وفي فتره قصيره جداً...ولاننسى عاطفته واحساسه العميق بمن كُتب لهم أن يصبحوا ذوي احتياجات خاصه فلقد كان لهم نصيب من امسياته
فمن امسياته:

*امسية مهرجان الجنادريه بالرياض .
*امسية مهرجان وضوح الراي بالكويت .
*امسية اليوبيل الفضي لاتحاد الطلبه الامارتي بــ ابو ظبي .
*امسية اتحاد الطلبه السعودي بالقاهره .
*امسية الجامعه الامريكيه بالشارقه .
*امسية مهرجان ابها .
*امسية مهرجان الطائف .
*امسية مهرجان نجران .
*امسية مهرجان الشرقيه .
*امسية ( معا نحو الدمج ) للمعاقين .
*امسية ( اليوم العالمي للمعاقين ) .



وكان لـ"(شاعر الاحساس)" اتجاه صحفي .....أو مشوار صحفي
فقد بدأ مشواره الصحفي عام 1996م من خلال جريدة الرياضي التي بدأ العمل بها منذ العدد الاول .. وعمل ايضا في عدد من المطبوعات الخليجيه مثل ( حياة الناس , قطوف , المختلف , المجالس ) .. وكانت اخر محطاته الصحافيه من خلال صفحة ( تغاريد ) التي حرص من خلالها على تقديم صفحات شعريه تناقش القضايا الاجتماعيه مثل ( الايتام , المعاقين , المسنين )


ولـ"(شاعر الاحساس)" ديوان صوتي واحد حمل اسم ( لعيونك ) .. ويفكر في طرح ديوان صوتي اخر في الفتره المقبله .



وتواضع "(شاعر الاحساس)"جعله قريب من محبيه فكتابته لقصيده جديده واهدائها لهم التماس لحقيقة تواضعه وحبه لجمهوره
فله لقاءات صحفيه عديده مع:
*مجلة نجديه
*مجلة المها
*مجلة حياة الناس
*مجلة مرايا


وقد كان "(شاعر الاحساس)" ضيفا ببرنامج جواهر ....مع المذيعه والفنانه أريام...على قناة دبي


وتمت استضافته على القناة السعوديه الاولى
وكان له لقاء في ليلة خميس...مع احمد الحامد
على....mbc fm



وأيضا ببرنامج يسعد مساك...مع ممدوح المحسن
على....محطة الغناء العربي


فإبداعه لم يتوقف عند قصيدته......الكبر لله..بل وجدت اكثر القصائد قوه
والتي صنفها فيصل اليامي "(شاعر الاحساس)" من أحب قصائده

عيال حارتنا


يا ليت ان الزمن يرجع ورا و الا الليالي تدور
و يرجع وقتنا الأول و ننعم في بساطتنا



زمان أول أحس انه زمان فيه صدق شعور
نحب ونخلص النيه وتجمعنا محبتنا



زمن مافيه لا غيبه ولا حتى نفاق وزور
ياليته بس لو يرجع ونسترجع طفولتنا



صغار قلوبنا بيضا نعيش بعالم محصور
ولا نعرف أبد أغراب مغير عيال حارتنا



صحيح صغار في التفكير ولكن ماعلينا قصور
نخطط نكسر اللعبه وتسعدنا شقاوتنا



نروح المدرسه بدري ونضحك داخل الطابور
نحاول نزعج العالم في روحتنا وجيتنا



وعشان نأخر الحصه نخبي علبة الطبشور
نشاغب بس في الاخر تميزنا براءتنا



نحب الضحك والهيصه نحب ننط فوق السور
نفرفش ليه مانفرفش ما دام الضحك عادتنا



ولكن دارت الأيام و بان الخافي المستور
وصار الهم متعلي على قمة سعادتنا



كبرنا وصارت الدنيا تصف أحزاننا بالدور
وتهدينا الألم والهم غصب عن عيني رغبتنا



تعبنا من بلاوينا أحد غارق و أحد مقهور
وكلن غارق بهمه وفي الآخر تشتتنا



وأنا ما اقول غير إلا ياليت إن الزمان يدور
ونرجع للورا فتره نعدل وضع عيشتنا


أيضاً كان لـفيصل اليامي "(شاعر الاحساس)" وقفه عند المشاكل الاجتماعيه

فكتب قصيده بعنوان "الارهاب"


وطن ماعاش من هـزك ولاتخشـى ولاترتـاب
عسى الله يحفظك دايـم وتبقـى عزتـك آميـن
وطنـا لايهمونـك تـرى ظنـك ابـد ماخـاب
رجالك وايدنـا وحـده تكاتفنـا علـى الغاويـن
فئه ضلت طريق الحق وحطوا للدمـار اسبـاب
يسمون الدمار جهـاد وهـم لاهدافهـم ساعيـن
فتاوي مابعـد مـرت ب سنـه او بـاي كتـاب
يشرعها لهم نـاس ٍ علـى ذل الوطـن ناويـن
حسد مدري طمع مدري من اللي فاتح لهم بـاب
يحسبون الطريق اخضر وهو والله عذاب مهيـن
تعادينـا اليهـود اول واثـاري لليهـود اذنـاب
من اول خصمنا واحد وصاروا واليهـود اثنيـن
تمادوا في بلاويهـم وباعـوا ارضهـم بتـراب
من اموال ٍ تخليهم لجل صبـح الخطـا غافيـن
مروه لا.بسالـه لا.شجاعـه لا.اجـل ارهـاب
لان اللي يسوونه ينافـي كـل صفـات الديـن
شياطين ٍ تعايشنا على صورة اهـل واصحـاب
وفجاه تنكشـف لعبـه وتبـدا هالنفـوس تبيـن
ماهم والله كفو للي يبونـه لـو تطيـر رقـاب
بعون الله وحفـظ الله بننهيهـم بغمضـة عيـن
تسير القافلـه دايـم ولا نسمـع لنبـح كـلاب
لانك ياوطن تبقى اسم ((عالي )) وهم ((واطين))


وكتب عن الــ"سوبر استار"


خلاص انا ناوي على تغيير تفكيري السقيم
عزمت اغير منهجي مادام عندي الاختيار
بفصل الثوب الجديد وبرمي الثوب القديم
واغير اصحابي اذا ما طاوعوني فالخيار
قرار جدآ منطقي وجاي فالوقت السليم
عصر انفتاح وفرصه الواحد يغير فالمسار
اللي يفكر فالغنم والبل ترى عايش جحيم
ان قال اساميها تحس انه طلع معها غبار
حتى قصايد ( ياوجودي )(هب ذعذاع النسيم )
و(الجمس الأحمر) ماتوفي بالغرض و (الفكس آر)
ماعاد تنفع وقتنا الحالي وذا منطق حكيم
اللحين صارت شمس ( روبي ) واضحه مثل النهار
اقوى مغني فالعرب ( شعبان ابن عبدالرحيم )
و( البرتقاله ) تعتبر فيديو كليب الانبهار
صار اهتمامات البشر ( دي جي ) وتشغل ( حكيم )
عمار يامصر القديمه مع جديدتها عمار
اتفه مغني عندنا هو صاحب الفكر القويم
تصريحه الناري مثل يلقى معزه واعتبار
شبابنا شبابنا راحوا ورى ليل(ن) عتيم
باعوا اصالتهم برخص وغيروا نهج الكبار
الوقت ضايع والبطاله فعلها فينا مقيم
اكبر مشاغلنا ( مسج ) ونرشح ( السوبر ستار )
هذي حضاره ما تجملنا وذا واقع أليم
وين المبادي والقيم وين المعزه والوقار
في هالزمن ما عاد تعرف من كريم ومن لئيم ؟
في هالزمن كل شي توجه باتجاه الانحدار
عادي اذا شفت المطر في هالزمن من دون غيم
عادي تقبلها ترى النار تبدا من شرار
الله يثبتنا على نهج الصراط المستقيم
والله يحسن خاتمتنا في زمن صاير دمار


ولم يكتفي بالعيش في طبقته والكتابة عنها بل عاش اوضاع كل الطبقات وعبر عنها باحساسه العميق الذي اضاف لها لون من الوان الحياه بعد ان كانت تفتقر له

فكتب قصيدته "(القسوط حاله)"


لاابتدى ليل الطرب والدندنات لحونه
وانشغل كلٍ مع المطرب وعود ٍ شالّّه
وقامت الجادل تثني عودهـا بليونـه
واستمرت في جرائتها ولاهي ذالّـه
قمت افكر في صديق ٍ غارق ٍ بطعونه
شايل ٍ سيف الكفاح وخابر انه سالّـه
وماذبح قلب المكافح غير كثر ديونـه
والآجار المنتهي غير القسوط الحالّه
لو جمع كل الحلال وماوراه ودونـه
والكلام اللي شبع مـن زود ماينقالّـه
كان لاطروّا الوظايف ماتغيـر لونـه
وكان مارجع شريط ٍ فات قد هو مالّه
وقـام يتذكـر مشاهـد شافهابعيونـه
ذكرياته بالدراسـه والسنيـن الزالّـه
وكيف كان اللي بجنبه لازم يمشونـه
ويكتبون الحل عنه حتى لو هو حالّه
ضيعوا مستقبله واستبشروا بحزونـه
نشفوا له ريقه اللي كـان تـوه بالّـه
رسبوه ونجحوا غيره وكانوا عونـه
زمرة ٍ ماتعرف الرحمن زمره ضالّه
ماقضوا له حاجة ٍ في خاطره مكنونه
واقطعوا دربه مع انه كان درب ٍ دالّه
فوق هذا ماتغيـر منهجـه وظنونـه
كل ماضاقت عليه يقول خير انشالـله


ونلاحظ اعتزازه وشموخه في قصائده
مثل
"رجال يام"


ليه اطلب الما من اللي خابره ضامي
ليه اقبل الظلم وارضى خافقي يضهد
بعض الرجاجيل ماله موقف ٍ سامي
حبلِ ٍ وما يرتكز حتى ولو يسند
قولوا لمنهو تمنى يكسر عظامي
ماهو كفو وامنياته م السما ابعد
الطيب نبعِ ٍ شربته بأول ايامي
شّبري طويلِ ٍ وقولي تثبته ذا اليد
شيخٍ ابن شيخ وخوالي حسبة اعمامي
تنبيه رووس العرب كانه بغى يجحد
ايه افتخر لاعتزيت وقلت انا يامي
ويحق للي مكاني يفتخر وازود
رجال يام ان تعازوا ناض قدامي
برقِ ٍ تلالا وصوت ٍ ف السما يرعد
هم درعي اللي يصد الرمح وحزامي
هم فزعة اللي من ايامه غدا منحد
هم طب جرحي ملاذي سلوة الامي
يكفيني منهم في ضيقي ( ياصبي اشتد)
يامنكر الحق رايك ماهو الزامي
لا يوخذ براي مقرود ٍولا يعتد






ووجهت له بعض الانتقادات بالنسبه للزي واللهجه فكان له رد قوي جداً


يــعـــنـــي عــــشــــان آمــــــــر ( D K N Y )
يـصـيــر بـالـسـاحــه مـشــاكــل وتـشــويــه


يوم ان غيـري قـال : يـا ( مامـي ) و ( يـاي )
ارفــــــع كـــلامـــي مـالــدنــايـــا وانــقــيـــه


انـــا انـــا .. ( فـيـصــل ) .. ولـلـعــز مــبــداي
( عصبة راسي ) او ( تكشخت ) وش فيه ؟!


بـعــيــش فـالـدنــيــا بـكـيــفــي وبـــرضـــاي
وبــســـوي ايـــــة شــــــي ودي اســـويـــه


مادامـنـي امـشـي وانــا حـاســب خـطــاي
الـلــي يحـسـدنـي لـيــه بـسـمـع تقـفـيـه ؟


وأضاف
( مخـابـري ) .. طيـبـي وفعـلـي ومـسـعـاي
.. للـمـجـد والـنـامــوس والـطـيــب شــاريــه


( مظـاهـري ) .. مــا اعـدهــا يـــوم مـركــاي
أنـــــا أرتــكـــي لـلــعــز دايـــــم وأخـــاويـــه


..........> هذه القصيده أهداها الشاعر لاعضاء منتدى فيصل اليامي


وكتب قصيده جعل عنوانها "فيصل اليامي" فكان لها صدى


هلا بعمري هلا بروحـي هـلا باللـي تذوبنـي
هلا بمن عطرهـا يملـى علـي دنيـاي وايامـي
هـلا باللـي اذا نـادت اجيهـا بلهفـه وكـنـي
وصلت لآخـر الدنيـا طويـت الارض بأقدامـي
اجي ب احساس وانسى الناس اجي مرتاح ومتهني
ابي تروينـي ب ايديهـا لأنـي بدونهـا ضامـي
اجي عطشان اجي ولهـان كأنـي كنـت مستنـي
تناديني واجيها بشـوق احسـه داخـل عظامـي
هي اطيب قلب واجهته ومـا قـد خيبـت ضنـي
هي اجمل وجه قابلته وهي اكبـر مـن احلامـي
تقول اني ( احب انسان )وتقـول ب انـي وانـي
وانا ليمـن بـدت تمـدح ادور اقـرب اقلامـي
لأني لو عجـزت اكتـب غلاهـا وقربهـا منـي
اجل وش فايدة شعري اذا مـا يوصـف الهامـي
صدوقه وان نوت تكذب تقول ارجـوك سامحنـي
تحس ان الكذب حاجـه عظيمـه شـي اجرامـي
بريئـه فـي سوالفهـا تسولـف عنهـا وعـنـي
تذكرني بكـل موقـف جمعنـا وصـار قدامـي
حنونـه صوتهـا دافـي لهـا نبـره تدوخـنـي
بنبرتها يجي اسمي ما كنـه ( فيصـل اليامـي )


فثمرات ابداعه المتواصل لن تنتهي بإذن الله
فقصيدته "لعيونك" بها تركيبه سحريه من الكلمات


لعيونك اللي علمت قلبـي الطيـش
والبسمه اللي نـورت لـي مكانـي
ورموشك اللي كنها للعـدو جيـش
اني لأخلي الليل لـه شكـل ثانـي
دامك وصلتي والحكي صار بشويش
وشلون انا ماأقول شعـر وأغانـي
طفل المشاعر بيننـا علـه يعيـش
يلقى له ام ٍ تحرسـه واب حانـي
وشللي دخل بالنوم ووسادة الريـش
ما دام حضنك ضمنـي واحتوانـي
طيفك يشاركني على لقمـة العيـش
ان ما لقيتـه ف المحانـي لقانـي
والعاذل اللي قال لي قلت له ايـش
رح رح ترى مالك لـوى ياأنانـي
تبغاني انساها وانـا احبهـا ليـش
من جدك انساها وأضيـع زمانـي



وأيضاً "ما درت " كان لها اوتاراً متصله بكلماتها مستمرة العزف


مـا درت عـن حبهـا ياليتهـا تــدري
ليتهـا ياليتـهـا لــو قــدرت مــره
ان قلبي من كثر شوقـي مـلا صـدري
وان صدري من كبر قلبـي نفـذ صبـره
من ( صباح الخير ) لين الشمس ما تسري
ومن ( مساء الخير ) لين نصير في بكـره
والغلا في داخلـي مثـل النهـر يجـري
ليتهـا تـدري بغلاهـا داخلـي شكـثـره
هي تحسب اني طلبت الشهـره بشعـري
والله ان حبـي لهـا نسـانـي الشـهـره
من يقول ان الشعر بيزيـد مـن قـدري
بس انا شعـري لهـا بيزيـد مـن قـدره
ليتغزلـت بحلاهـا يصطفـق بـحـري
والقصيد يروق لي في عجـزه و صـدره
وان بديت الوصف دوم اختار في امـري
م الجبين او م العيون او أ وصـف الغـره
والخدود اللـي مـن الله لونهـا زهـري
وفمها مـن زود زينـه زاد فـي صغـره
مشيهـا لـو هـو فتنـي والله بـعـذري
قدهـا الميـاس يشبـه ميـلـة الـزهـره
كل شي فيهـا مـن الله خلقتـه مغـري
وقلبهـا خيـره يغطـي دايـمـاُ شــره
العطرهـو يشتريهـا لـو نـوت تشـري
وردة ٍ والـورد دايـم يعـرف بعـطـره
هي هواي وهي بعد لي قلبـي وعمـري
وابتسامـة خاطـري لـو خانـت العبـره
ليتها تدري عن اللي يدور فـي صـدري
وليتهـا تـدري بغلاهـا داخلـي شكثـره


وقصيدته "باين عليك"


باين عليك اليـوم زعـلان منـي
حبيب قلبي قلي اشفيـك زعـلان
لا يكون احد جاك وحكى شي عني
غلطـان لوصدقـت والله غلطـان
مفروض ماتسمح لأحـد يتهمنـي
تعرف غلاك وتعرف القلب ماخان
انا من اول يـوم شفتـك وكنـي
غريب لا قاله وطن بين الاوطـان
لاينشغـل بالـك حبيبـي لأنــي
ولهان بغيابك واذا جيـت ولهـان
لو اخسر العالـم ابفـرح واغنـي
رابح انا بحبك ولو كنت خسـران
انت الوحيد اللـي بحبـه شغلنـي
عجزت توفيك القصايد والألحـان
ماأشوف انا غيرك حبـك سكنـي
ما كن ف الدنيا ابد غيرك انسـان



وقصيدته "اغسل يدينك "


لك عيـن تتكلـم بعـد ما تسببـت
بجروحي وتسأل بعد ويش سويـت
اخطيت في حقي ولا كنك اذنبـت
اللي يشوفك ما يقول انـك اخطيـت
انا احسب ان عقلك تعافى وقد طبت
اثرك على نفس العقل مـا تعافيـت
ياثقـل دم اليـوم ليسمي السبـت
وياثقل دمك كل ما اصبحت وامسيت
انت اتحرى جيتي كـل مـا غبـت
وانا اتحرى غيبتك كـل مـا جيـت
اذنبت فـي عرفـك ولكننـي تبـت
الله يسامـح زلتـي يـوم زلـيـت
الصدر يتفجر بعـد حالـة الكبـت
انا اشهد ان صدري تفجـر ومليـت
اغسل يدينك اني اجيك لـو شبـت
معروف عني دام صديـت صديـت


و"الغيمه" هذه القصيده رائعه بكل المقاييس


الغيمـه اللـي تهـل بطيبـه ورقــه
ماهـي تـدور علـى منهـو يخايلهـا
والجرح ماله دوى علـى الاقـل وقـه
لا تشرح ايـة مسائـل وانـت تجهلهـا
ثوبـك اذا ضايقـك ياصاحبـي شقـه
لا تحـد نفسـك علـى نـاس اتثاقلهـا
( غازي القصيبي ) عطى حريته (شقه)
عطها مثل مـا عطاهـا ليـش تهملهـا
وقتك غدر بك وكـان بمنتهـى الدقـه
واقبل زمانك علـى الناقـص وكملهـا
والصاحب لصاحبه ياخـذ معـه حقـه
ومانـي بناسـي همومـك دوم شايلهـا
كل ما لمحت العبايـر تسرقـك سرقـه
احـس مالـي بـذا الدنيـا ولا هلهـا
ويصيح ( صدري ) ينادي ( كفي ) اتدقه
ابشر وانا محزمـك ياخـوي وازهلهـا[/align]