في ليلة شتاء كان فيها الثلج حاظرا تجمد كل شي الا قلمي وذاكرتي وحزني وبقايا ورقة كتبت عليها :
هذي سنه يا بنت مدري حوالي
والدمع يرسم فوق خدي علامات
فقدت اعز الناس غالي وغالي
امي توفت قبلها والدي مات
شمس السعادة ميلت لزوالي
ودمع الحزن ينزف على صوت الاهات
حتى انتي ..انتي يابعد كل مالي
لا يابعد كل البنات الجميلات
ابسالك وانتي اجيبي سوالي
ليه انسحبتي عن سماء الحب بسكات
ثم اعرفي في غيبتك وش جرالي
اذا قريتي من بعض شعري ابيات
والورده اللي يالغلا جبتهالي
ذبلت ومعها ذاب قلبي بلحظات
لحظه ..خذي جاكيتي ادفي بدالي
انتي ثيابك ياغناتي خفيفات
اشوف جسمك يرتعش يا حلالي
والجو بارد والمطر فيه زخات
نرجع على موضوعنا اللي فـ بالي
ونكمل السيره على قافية ات
ودي افضفضلك مدامك قبالي
وابشتكي لك منك وانصت الى الات
شوفي سواد الليل يسكن خيالي
كني ضرير وما يمز فالاوقات
يالله عسى فالك مهو مثل فالي
انا الملك لكن غدى ملكي اشتات
ملكي مهو دوله وانا كنت والي
ملكي ابي وامي... ولاماك بالذات
من بعدكم مال السعاده ومالي
شاعر وعايش في زمان المتاهات
لكن بقتلي عزتي راس مالي
ارقى بها روس الجبال الطويلات
واذا انتخوبي قمت اطوح عقالي
وارسم على صدر الزمان البطولات
الليل عنا شد شد الرحالي
شوفي زراق الصبح جاله بدايات
روحي بدربك واتركيني لحالي
وانسي .. وانا ببقى الوفي للذي فات
عن والدي وامي فلاني بسالي
وابذكرك لين انذكر ظمن الاموات
القـــــــــــــائد
الإهداءات
والـــــــدي.. ووالدتي ..وانتـــــــي
مالكة أهنيك أيها المبدع وأتمنا لك 
التوفيق والنجاح
........
خلينيـ 
دايمـ
العرض العادي