((الالــــفــــــــــــــــــــــــيه))

[align=center]كل عام الجميع بالف خير احبابي وزملائي وزميلاتي في هذا المنتدى الكريم حبيت اهديكم شي في هذا العيد فكتبت هذه الالفيه اللي يعلم الله اني تعبت فيها كثير لكن عشان خاطر عيونكم يهون كل تعب اتمنى من الله العلي القدير ان تعجبكم وتكون ثمن لهذا الحب اللي غمرتوني فيه ولي رجاء لا تقسون عليه باانتقادتكم لاني اجتهدة ولا يلام المراء بعد اجتهاده[/align]


[align=center]أ- انا لي في الهوا درب وسلوم
اوفي مع الوافين لو كنت مضلوم
واضحك بوجه الناس لو كنت محروم
واخفي دموعي لا يبين اثراها

ب- بدى قلبي من الشوق يرجف
وموج الوله في داخل القلب يعصف
ليته بخافي السر والله يعرف
انه هوى نفسي وانه قدرها

ت- تحملت القهر والمعاناة
وعانيت من هالوقت يوله وصدمات
في دنيتي ماعشت دنيا المسرات
روحي الالم بالحيل والله عصرها

ث- ثمن عمري هديته لحبك
وكل امنياتي اسكن بوسط قلبك
والعمر اعيشه تحت ضلك وقربك
واشرب من احساس الغلا من نهرها

ج- جاملتك واحسبك تقدر
الين دمع العين سال وتحدر
مره اقول بقصد ومره مقدر
نفسي على عوجا سنيني جبرها

ح- حملت بقلبي اجمل معاني
لو كان مايقدر حكيها لساني
لانها تحمل كبار الاماني
يالله لو تدري بعالي قدرها

خ- خذلني فيك حسني وطيبي
ويومك تناديني بكلمة حبيبي
كنت احسبك لجروح قلبي طبيبي
احساس وسط الروح والله دمرها

د- داريتك بروحي وعمري
ومن الغلا اسكنتك بوسط صدري
وكتبت فيك اجمل بيوتي وشعري
الين صرتي للقصايد فخرها

ذ- ذبلت وردتي ماسقاها
ماتت وهي تنظر وهو مارعاها
لاهو افتكر حتى ابد في رجاها
ماتت وسط حفره بيده حفرها

ر- روحي انت في وسط روحي
ياللي بكلمه منك تشفى جروحي
بنيت بالقلب عالي الصروحي
فدوتك دمع العين ولا سهرها

ز- زلت بي ظروفي والاقدام
محكوم ضلم مثل ماحكم صدام
مافادني شعري وفكري وللهاام
غرقت كلي وسط لجة بحرها

س- سمت نفسي عن الذل واقفت
وعن سرها في داخل القلب اخفت
وعن كل درب لردى حيل عفت
لكن خان الوقت باخر دهرها

ش- شكيت الحال للي به اعلم
واللي ينورني اذا الدرب اضلم
واللي اذا اخطيت بالفعل يحلم
خالق جميع الكون منور قمرها

ص- صدماتي بعمري كثيره
وظروف تمشي كلها في وتيره
كلما اتالم قلت في الامر خيره
يمكن مع الايام نجني ثمرها

ض- ضالمني حبيبي على طول
وعن كل شي يقولي انت مسؤول
اقسم بربي صرت بالحيل مذهول
لكن عسى ربي يفرج كدرها

ط- طلبتك لا تخليني اغرق
ومن ملح بحرك لا تخليني اشرق
ومن الخجل لا لا تخليني اعرق
اكسب ثوابي واحسب لك اجرها

ظ- ظمان القلب باقي مسكر
للي من اشفاته انا ودي اسكر
واللي العسل مخلوط ضني بسكر
وشعرها واصل معاطف ظهرها

ع- عانيت الامرين في الحب
وجروح قلبي ماليقنا لها طب
نار بوسط القلب ياناس تلهب
عانيت بالدنيا وشفنا قهرها

غ- غرتني كبار الاماني
حتى اغدرت فيني كبار المعاني
والناس تنعتني بقولة اناني
والناس ماعادة على مااخبرها

ف- فضلتك على حساب غيرك
وكان الامل انك تحكم ضميرك
واعيش في ضلك وفي جود خيرك
بس الاماني في خفوقي نثرها

ق- قمة روعتك في جنونك
واحلا تعابيرك تبان بعيونك
يحرم على اني افكر اخونك
منهو يحصل دنيته ويخسرها

ك- كملت النقط والفراغات؟؟
ووضعت حد للحكي والمتاهات
ورفعت راية غزتي والكرامات
روحي بفعل الخير ربي غمرها

ل- لملمت الجروح العميقه
ياشينها غدر الصديق بصديقه
نار تسب بوسط جوفي حريقه
لاتامن الدنيا ولحظة مكرها

م- ماسك يدها في كفوفي
واقول بعيونك تعالي وشوفي
اني كتبت بحبك اجمل حروفي
بلاغتي انتي لها اجمل صورها

ن- نياتي بحبك سليمه
وبعيوني انتي صرتي اكبر غنيمه
ياللي معك عشت الحياة الكريمه
فديت ماطاها اليما نحرها

ه- هدت نفسي بشوفة عيونك
ياللي اموت بعقلك وفي جنونك
وياللي المشاعر كل ابوهم يبونك
ضاعت علومي وسط لجة بحرها

و- وجدتك وانورت لي حياتي
الين صرتي راس مالي غناتي
ودموع عيني شاهده ياغلاتي
يالله رجيتك ياعسى مااخسرها

ي- ياويلي وياويل حالي
لاثار بركان الوله يم غالي
واللي اذا ماغاب يكثر سوالي
اللي اقطفت من روحي اجمل زهرها



احمـــــــــــــد الهلالي[/align]

أ- أروع كلمات
ب-بحور من الجمل
ت-تناسق
ث-ثروه من المعان
ج-جمال محير
ح- حيره التفكير
خ-خروج عن المألوف
د-دنيا غير التي نعلمها
ذ-ذوبان وسط الجليد
ر-روح طائره برقه
ز-زياده في الاحساس الشفاف
س-سراب ولاكنه رائع
ش-شجون تراقبه بصمت
ص-صلابه
ض-ضوء قناديل الانامل
ط -طول الابيات والابتعاد عن الاختزال<<< نصف انتقاد <<< بلاش زعل
ظ - ظهور الابداع الدائم
ع-علو القمه
غ-غايه في التقدم
ف-فرحه الوصول للنتائج
ق- قمه الانبهار بها
ك-كلمات نادره
ل-ليل يطول فيه السهر
م-معاني لامثيل لها
ن-ننتظر منك القادم
ه-هديه نسعد بها
و-ونحتار في الرد عليها
ي-ياريتك تقبل مروري<<< بايخه

الافيه تحكي احمد الهلالي

صدى الافراح

بصراحه روعه الالفيه حقتك افضل من اللي سويتها
عساني مااعدمك والله يجعلني ارضيتك في هذه الالفيه

الناي الجزين

وربي وجودك هو الروعه وانه ردي لي بعض التعب
اللي تعبته فديتك والله ياطيب الاصل

بصراحة الالفية اكثر من رائعة
ونا اهنيك على هذا الاحساس الرائع
ويكفي وجودك واللة
اختـــــ صراحة احساس ـــك

امير المدد
اطلق سراح الابداع قليل للاخريــــــــــــــــــــــــــن


احترامي سيدي