تعالوا يا شباب دلع اعلمكم شوية من مفردات الهجة المكاوية

**DANGEROUS** · 01-04-2007, 05:52 PM

السلام عليكم ورحمة الله وبركاته

حبيت اليوم اعطيكم موضوع عشان تاخذو بعض المفردات الي نستعملها او كنا نستعملها

وبعضها حتى ما كنا نستعملها بس سمعناها من الكبار الي توفوا الله يرحمهم

وهي طبعا المفردات بلهجتنا لهجة اهل مكة (طبعا انا من مكة بس اعيش في جدة)

وراح تلا حظوا يا شباب انه الي طاش ما طاش ما يقدروا يجيب الكلمات هذه وما يعرف

حتى كيف يقولوها صح...

ما ابغى اطول عليكم اتفضلوا:

قوام = بسرعة او حالاً

حُقْ =علبه

بلكن = يمكن

أقيس = أظن

دحين= الآن

الديقيسي = غرفة في السطح

مصرفدة= مستعجلة

دولا أو دُولْ =هؤلاء أو هم

أمزع رقبتك= أخلع رقبتك

داير مدار أو داير مايدور = حولين الشيء

دغري = على طول

امصع أدنك=يعني أجرها

مخمج = معفن

جغمه = شفطه من الشراب

وي= للتعجب

الدحديرة = النزلة

ناوليني = أعطيني

ازهميلي= نادي لي

زنبيل = الكيس

منضره = نظاره

يا واد=ياولد

الصمرقع = الجنان

مكارنه = معكرونه

اترينو= غصبنوا = عشان كده

وخرلو = ابتعد عنه

سجره = شجرة

اشبك = ماذا بك

سكر المحل = قفل

خاشوقه = معلقه = ملعقة

سيبوا = اتركوه

بسط المحل = فتح

أندر = اخرج

أفرشك فرش = أضربك ضرب

خوتني = طفشني جبلي الصداع

افتر= اهجد

علين = ألين أو إلى

زي الرصد = تقيل مرره

توايق = تطالع

عساك بالطافوح = سبه يعني عساك بالسم للي يأكل كثير

حزر = توقع

شطيطة = تصغير شطه

قصرو = اختصار الشيء أو الزبدة

محزقر= ضيق

ضرحرح = التعب أو القرف منك

ايشكلو = إيش هوا

دحلسة= تملق وتقرب لأخذ شئ ما

قنله = تنوره

عبالوا = مللالو

قرينه = جنيه

كُرته = فستان

زي البرمان = بسرعه

أتعتع = أتحرك

كندره = صرمه = جزمه

ورمت و بقبقت = بعيد عنكم أتنفخت

شربيت = عصير

عازه = حاجه

مزبرقة = مزينة

أستكري تكسي= أستاجر تكسي

بطران = ما يحمد ربه

الهجاج = الجنان

محل.. بكسر الحاء= غرفة المعيشة

يحقلو = يحق له

يبكشوا = يكدبوا

هوري= الكرسي الصغير

تليك = مداس

زهمني = ناداني

المبيت = غرفة في السطوح

طراحه = ليانه = فرشة = فراش

لطشتوه = ضربتوا

حلنّي أو استنيني = يعني موت ياحمار

إسمنّو = على الأقل

اتلبخت = ارتبكت أو أنشغلت

مقرحف = ناشف

بوز = فم

اتشعبط = أتسلق

دلكي النحاس = غسلي الصحون

شبطة = لصقة

متاقه = مجاغه = واحد دمه ثقيل

حُق المناديل = علبة المناديل

خِف = قوامن = أستعجل

في قلب العدو = تقال عند ذكر أمر سيء

الدويان = الأدوية

أهبط = قر = اقعد عاقل

السنطران = السنترال

والله عال = عجيب

بحلقت = فتحت عيني بقوة

اتاري = لها معنيين الأول كمبيوتروالتاني لما

يقولك آآآآآه اتاري الهرجه كداااااا

صُكّر = سكر

خمشتوا = قرصتوا = لميتوا

كونديشن = مكيف

فارقي= انقلعي= روحي

باينلو = باين عليه

كدش = الشعر الكثيف المخربط

مخدة = وساده

زي عبرة الكوك = زي الملوينا طالع نازل

تكرونيه بيضه = لمن البزره تقعد تكلج في الهرجه يقولولها
تكرونيه بيضه

ما بلعتو من زور = ما عجبني

جلاله = سجادة

اتقيت = لقيت

استيته = الأخت الكبرى

بكرج = براد الحليب

سيدى = الأخ الأكبر

أقيد الرقم = اسجله

متصربع = مستعجل

مرعته (بتشديد الراء( = يعني زادت أمه في

دلعه الطفل لمن حاله يزيد أمه سقرقه=أشربي

الحبرتي = الحونشي = الجعرومي = الأهيم

ما صفطناكم = ما شبعنا منكم

ليانه= طراحه = فراش

رجه = صقعه

زي الملوينه = سريع مره - حركته كثيرة

كراويته= زي البطرمبة من خشب و مرتفعة

غيرت حجر الساعة = يعني غيرت بطارية الساعة

يستغر = يعتمد

مجلس بكسر الجيم = صالون

داعتو = أشوى أو أحسن

الصحية = المستشفى

بمبه قاروري = اللون الفوشي

برمان = دوران

أتلحف = أتغطى بالبطانية

صيباط = زي بعض

المركب = المطبخ

أديلو علقه = افرشوا = عاقبه

اصنصير = مصعد

الدقديق=بطانيه

اهبدك الين أجدد إيمانك = تهديد

بيتالما = بيت الراحة = الحمام

الكرباج = السوط

عربية كررو = عربية الحمار

كرهبا = كهرباء

الهرجة = الموضوع

تبعبص = تلعب

الوش = الوجه

مسمسم = الوسيم

دغدغو=زغزغو

ايش اساوي= ماذا اعمل

ورور= الرجل الجميل

احوفك= اضربك

بلا مجاغه= بلا دلع

مغنج= مدلع

ياهو= يا ناس انتم فين

اكربشك= اسلسلك

ايدلوه=اعطيه

بسك ياحمزه= واحد يقول موضوع وانت ما تصدقه يعني كذاب

تكرن مخه = قفل مخه

طبعا هذه الكلمات زي لما تروح فرنسا تقدر تتكلم فرنسي اذا تعرف واذا ما تعرف اتكلم انجليزي

اذا رحت مكة وتعرف مكاوي اهرج مكاوي ملتعرف مكاوي اتكلم بلهجتك عادي...

اسف لاني طولت عليكم

يلا انتظر الردورد

اخوكم: الخطير

**عاشقة الزعيم** · 01-04-2007, 07:30 PM

[align=center]وعليكم السلام عليكم ورحمة الله وبركاته

والله بعض الكلااامات اول مرره اسمعهاااواشوفها

بس اغلبها يعني ليلحين نقولها

مثل دحين ووي وياواد ..

بس مشكله اذارحت مكه اتكلم مكاوي هههه

يسلمووووووالخطير على هيك موضوع[/align]

**عبودي ازين ولد سعودي** · 01-05-2007, 07:58 PM

ههههههههههههههههههههههههههه

قاموس ماشاء الله

الله يعطيك العافيه

عبودي

**عربجيه ديجيتل** · 01-05-2007, 09:01 PM

وعليكم السلام ورحمة الله وبركاته

ياسلاااام قاموس ماشاءالله ... فيه كلمات اول مره اسمعها

ومنكم نستفيد .. شاكره لك دنجرس

**عاشق السهر** · 01-05-2007, 09:22 PM

وعليكم السلام ورحمة الله وبركاته

يعطيك العافيه خطيررررررررررر

لاتحرمنا من جديدك

**الوتر الحساس** · 01-06-2007, 03:55 AM

على فكرة ياشباب انا من اهل مكة
يعني مكاوي ياعيالي
هههههههههههههههههه
ههههههههههههههههههههههه
يعطيك العافية الخطير ولاتحرمنا جديك
ياغالي

**غصن الروح** · 01-06-2007, 07:20 AM

ههههههههههههههههههههههههههه

كلماات من جد خطيره عاد انا احب الهجه المكاويه

الله يعطيك العافيه

تقبل مروري..
غصن الروح...

**DANGEROUS** · 01-10-2007, 02:32 PM

اقتباس:

عاشقة الزعيم:
وعليكم السلام عليكم ورحمة الله وبركاته

والله بعض الكلااامات اول مرره اسمعهاااواشوفها

بس اغلبها يعني ليلحين نقولها

مثل دحين ووي وياواد ..

بس مشكله اذارحت مكه اتكلم مكاوي هههه

يسلمووووووالخطير على هيك موضوع

__________________________________

صح اغلبها نقولها بس في بعضها انا بنفسي نسيتها زي: الحق و مناظر

ويسلمووووووووووو مرورك الاروع

الإهداءات
إضافة إهداء