بنات متوسط

في اليوم الثاني كل العاده ريناد صاحيه الفجر بس كانت كثير تطري على بالها البنت الي ركبت معاها في الباص
ريناد تكلم نفسها:ياربي انا اذكر اني شفت هالبنت مره بس وين مادري ...مادري ليش نفسي اشوفها مره ثانيه
وبسرعه طردت هالافكار من راسها ورجعت تدندن اغنية اليسا(اجمل احساس)
جالباص وركبت ريناد كانت تنتضر بشوق انه يمر على بيت هالبنت بسرعه مر الباص عند بيتها بس ماركبت
ريناد:ولعنه اليوم لما قررت اتكلم وياها ماجات
وصولوا المدرسه راحت حطت اغراضها وعدلت شعر ها بالحمام(وانتوا بكرامه) وراحت تنظر لولوه ... لولوه اول ماوصلت سالت ريناد عن البنت الي شافتها امس في الباص
لولوه :هلا شخبارك جات البنت الي تقولين عنها
ريناد وكانها زعلانه لان البنت ماجات:لا
لولوه وهي تقلدها:لا ... وليش انتي زعلانه كذا طيب رينادووووه لايكون حبتيها
ريناد:نعم شقلتي احبها اقول خلك ساكته احسن ... شنوا اعجب فيها وخرابيط والبنت ماصار لي من شفتها يوم لا وشفتها لمحه بعد
لولوه:قلت يعني يمكن حب من اول نضره
الا وشهد طابه عليهم
شهد:مين هاذي الي تحب من اول نضره؟؟
لولوه:في غيرها دلوعة الشله
شهد متفاجئه:صحيح رنوش مبروك مبروك بس امداك تو امس فتحت المدارس
لولوه:شافتها امس وماتت عليها ياحبة عيني
شهد:منهي نعرفها؟؟
لولوه:لا مانعرفها
شهد تكلم ريناد:وينهي عففففففففيه وريني اياها
لولوه:ماجات اليوم
شهد:ماجات؟
لولوه:ايه ماتشوفيها زعلانه
شهد يازعم تهدي ريناد: معليه ياريناد اذا ماجات اليوم تجي بكره واذا ماجات بكره تجي الي بعده بس مايصير تسوي في نفسك كذا
ريناد والشرار يتاطير من عيونها:والله ماعندكم سالفه على طول سويتوني احبها وبعدين انتي(تكلم شهد)وش شايفتني مسويه في نفسي شاقه هدومي ولا نافشه شعري
شهد:يحليلكم يالي تحبون تعصبون بسرعه
ريناد ماقالت شي اكتفت بانها تصرخ ومشت عنهم
شهد:شوي شوي خربتي بلاط المدرسه وانتي تمشين
لولوه:هههههههههههههههههههههههههههههههههههههههههه ... بس بس خلاص ياشهد ترى تزعل بعدين
شهد:صح نسيت انها هي حساسه
لولوه:غير كذا اذا قلتي لها كلمه زياده بتلف وبتعطيك كف ينسيك حليب امك تعرفينها رنوش اذا عصبت نعومتها كلها تزول وتصير عن مية رجال
شهد:اي والله
شوي الا وعلياء جايتهم
علياء:صباح الخير
شهد_ لولوه:صباح النور
علياء:شفيها رنوش معصبه حرام عليكم هدوها بيطلع من راسها دخان
شهد:اسكتي لا تسمعك تراها معصبه حدها
علياء:احد يعصب من على الصبح ... بروح اشوف شفيها
شهد:انصحك انك ماتروحين
علياء:ليش ؟؟
لولوه:لانها بطلع حرتها فيك
علياء:اكيد انتوا مسوين لها شي
لولوه وشهد ماتكلموا وكتفوا بالضحك ...اما علياء راحت لعند رينادالي كانت تمشي مشي العساكر من العصبيه
علياء:رنوش شفيك بيدخلونك العسكريه وانا مادري
ريناد:......................
علياء:يلا عاد شمسوين لك الجنيات
ريناد:اسئليهم
علياء:سالتهم ماحد رد علي
ريناد:اسئليهم مره ثانيه
علياء:لا ابي اسمع السالفه منك
وبعد الحنا والرنا اخيراً تنازلت ريناد وحكت السالفه لعلياء
علياء وهي تضحك:يقطع سوالفكم اللي مالها داعي الحين انتي مسويه كل هذا عشان قالو انك معجبه فيها
ريناد:علياء حطي نفسك مكاني شبتسوين ؟؟؟؟؟؟؟
علياء:ماراح اسوي شي بالعكس انا راح اكون هاااااديه واضحك بعد
ريناد:تقولين كذا عشان تسكتيني انا ادري
علياء:ومن قالك ... تدرين يالهبله بحركاتك هاذي اكدتي كلامهم وبطريقة ردك على لولوه لما سالتك عنها برضو اكدتي الموضوع
ريناد:بس انتي تعرفين اني ماحب هالحركات وبعدين حتى لو فرضنا اني معجبه فيها على قولتكم بيمديني اعجب فيها من يوم واحد لا وانا شايفتها فيه بس لمحه
علياء:خلاص الحين انتي هدي اعصابك وخلك اكبر منهم شوفي هم شلون يضحكون وانتي هنا قاعده معصبه وحارقه دمك وهم ولايدرون يله قومي
قامت ريناد مع علياء وعدى باقي اليوم على خير
يوم ثاني صحت ريناد الصباح زي العاده وهي مستانسه تروشت على السريع ومشطت شعلرها ولبست وجهزت فكرت ربناد هذاك اليوم تروح مع السواق بس غيرت رايها لان خافت ان اخوها يتاخر وتتاخر على المدرسه ... جاء الباص وركبت وصل الباص عند بيت البنت ريناد ماهتمت بس البنت جات وركبت جنب ريناد ... ريناد ماهتمت لها ولاكنها موجوده وصلوا المدرسه وجات لولوه
لولوه:جات؟؟؟
ريناد بدون اهتمام:ايه
لولوه بوناسه:اجل بسرعه خليني اروح احط اغراضي ونروح نشوفها قبل لا تختفي
ريناد وبكل برود:يلا
راحوا الفصل وحطت لولوه اغراضها وراحو يدورونها
ريناد:انا نفسي اعرف انتي ليش مخبوله عليها كذا؟؟
لولوه:تصدقين حتى انا مادري
ريناد:بس الحين عرفت ليش
لولوه:والله ليش؟
ريناد:لانك مجنونه ههههههههههه
لولوه:هي هي هي يالبطه ... ايه صح رنوش نسيت اقولك ترى انا اسفه على امس ترى كنت امزح ماكان قصدي
ريناد:لااااااااااعادي اصلا نسيت الموضوع بعدين انا عارفه انكم تمزحون
وهم يمشون لولوه شافت بنت عجبتها
لولوه:رنوش شوفي هاذي البنت تجنن
ريناد:اي وحده؟؟
لولوه:هذيك البنت اللي لابسه جكيت اخضر زيتي
ريناد:هاذي؟؟
لولوه:ايه هاذي ليش فيها شي؟؟
ريناد:ايه لانها البنت اللي معاي في الباص
لولوه:كذاااااابه احلفي
ريناد:والله شفيك
لولوه:لالالالا تشلخين
ريناد:شفيك حبيتها
لولوه:اصلاً انا ماراح احب احد عقب سماح

سماح هاذي وحده كانت لولوه معجبه فيها بس البنت كانت مره ذاله لولوه لكنها الحين طلعت من المدرسه راحت ثنوي

ريناد:حيل صدقتك امشي نروح الفصل اكيد الحين شهد هناك
لولوه :يلا
راحو الفصل لقوا شهد هناك جالسه وتوها مطلعه علبة البايسن بتشربه
ريناد ولولوه:لالالالالالالالالالالالالا
شهد:بسم الله الرحمن الرحيم

ريناد وهي تاخذ البايسن من عندها:هاتي هاذا
شهد:لاااااااااااا عااااااااااااد
ريناد:راسنا مصدع وموفاضيين تسكرين علينا
شهد:الله يخليك رنوش لاترمينه في الزباله
ريناد:ماراح ارميه بخليه لين الفسحه واشربيه
شهد:لاعاد ماستحمل لين الفسحه ماشربه تعودت اشرب واحد على الصباح اقولك عطيني اياه واجيبلك واحد بكره
ريناد:لالا تجيبين لي ولااجيب لك
شهد:اففف ياربي وش هالصديقات اللي بليتني فيهم .. طيب بشرب بس نص
ريناد:نو وي ولا نص ولا ربع
شهد:لولو تكلمي قولي شي
لولوه:ههاي تبيني انا اقول لريناد تعطيك البايسن مستحيييييل الا انا اقول لها مو بس تخبيه الا تكبه في الزباله
شهد وهي معصبه:زين اوريكم انتي وياها
ريناد:الا صح لولو وين غاده ماجات
لولوه: تقول اول اسبوع ماراح تجي لانهم مسافرين رايحين كندا
ريناد:احسن فكه منها
دخلت علياء عرض في السالفه
علياء:مين الي فكه منها؟؟
ريناد:انتي ههههههههههههههههه
علياء:خخخخخخخ بايخه
لولوه:ست علياء ليه توك جايه كان ماجيتي احسن
علياء وهي تحط اغراضها:شسوي حمود ماصحا الا متاخر ... يلا ابي اروح امشي
ريناد:يلا
لولوه:بس دق الجرس
علياء:واذا
لولوه:الحين بتجي المدرسه واذا تاخرتوا بتهاوشكم
ريناد:تعودنا على التهزيئ امشي علوش
توهم بيطلعون الا المدرسه دخلت
ريناد وعلياء:ياربيييييييييييي
الابله: السلام عليكم
البنات:وعليكم السلام
الابله:يلا كل وحده مكانها
ريناد وشهد ولولوه وعلياء بصوت واحد:ابله فراغ؟؟؟
الابله وهي تضحك :ايه فراغ
شهد:يعني عادي نلعب؟؟
الابله:وش تلعبين الله يهديك خلك جالسه مكانك ومن غير فوضه انتي وياها
الشله:انشاااااالله
قضوا الحصه على لعب واستهبال وطناز على الابله لان الابله كانت شوي مفهيه ... الحصه الثانيه جاتهم ابلة الدين والبنات كانوا شوي وينامون من الملل وهم وسط الحصه دخلت عليهم المراقبه ابله نوال وماسكه في يدها البنت الي مع ريناد في الباص
ابله نوال :عن اذنك يابله
الابله:تفضلي
ابله نوال:اسمعوا يابنات هاذي الطالبه بتدرس معاكم هنا واسمها ريم
ريناد انصدمت:ايش هاذي البنت بتدرس معاي في نفس الصف مستحييل

..................................................

وش تتوقعون يصير بين ريناد والبنت الجديده ؟؟
هل راح يصيرون اعداء؟؟ او بيصرون ربع؟؟
كل هاذا راح تعرفونه في الجزء الجاي

الجزء الثاني:

ابله نوال:هاه مين الي تتبرع توريها مدرستنا ... شرايك ياريناد توريها مدرستنا وتعرفيها على بنات الصف وعلى معلمات المدرسه
ريناد وهي مو طايقه البنت : انشالله يابله ولايهمك
ابله نوال:بس لاتخليها تصير مشاغبه زيك
ريناد:هههههه افا عليك ولايهمك لاأخليها اشغب بنت في المدرسه
ابله نوال:ههههههههههههههههههههههههه الله يقطع بليسك ياريناد
طلعت الابله وخلت ريم زي الاطرش في الزفه ماتعرف شي دخلت وماعرفت وين تجلس لان مافي لها طاوله ولاكرسي وطلعوا معاها علياء وشهد عشان يجيبون لها كرسي وطاوله من مخزن المدرسه وهم رايحين سالتها شهد
شهد:انتي من اي مدرسه جايه
ريم :انا جايه من مدارس الفيصليه الي في الرياض
علياء:ااااااااااااه ياحبي لرياض
ريم:ههههههههههه
شهد:ماعليك منها يا... عفوا شسمك؟؟
ريم:اسمي ريم
شهد:عاشت الاسامي ياريم
ريم: عاشت ايامك .. بس انا ماعرفت اسمائكم
شهد:انا شهد وهاذي علياء
ريم:هلا والله
علياء وشهد:هلافيك
رجعوا الفصل وماباقي شي على نهاية الحصه مامداهم حطوا الطاوله لريم والكرسي الا دق الجرس وكانت الحصه الي بعدها فراغ ....البنات طبعا نصهم بره الفصل الي راحت تشتري من المقصف والي راحت تسير على صديقتها والي راحت تعدل شعرها بالحمام(وانتوا بكرامه )والي راحت تطل على حبيبة قلبها تشوف شقاعده تسوي جات شهد تعرف ريم على شلتهم اول شي
شهد:هاذي ريناد دلوعة الشله انتبهي لاتزعلينها لانها تزعل بسرعه وبالموووت ترضى
ريم:ههههههههه الله لايجيب الزعل
شهد :وهاذي لولوه ام الشله اذا مضايقه او عندك شي تبين تقولينه تعالي لها تحل لك المشكله على طول
ريم:هلا يما
لولوه:هههههههههههههههه هلافيك يابنيتي
ريم:ههههههههههههههه انشالله تقبلوني صديقه بينكم
شهد:اكيد ولو اعتبري نفسك وحده من الشله
ريم:مشكوره شهد بس
لولوه:بس ايش
ريم:انا مأعرف في اي باص اروح
ريناد:انتي معاي في نفس الباص
ريم:شدراك
ريناد: ادري
ريم :خلاص اجل اذا طلعنا على البيت لاتطلعين قبلي ترى مادل شي
ريناد:انشالله
خلص الدوام وجا وقت الطلعه على البيت
ريناد:ريم يلا بسرعه البسي عباتك عشان نلحق نلاقي مكان
ريم :يلا هذاني لبست
لبسوا عباياتهم وطلعوا في الزحمه وريم من خوفها لاتضيع مسكت في عبات ريناد
ريناد تكلم نفسها:يالله وش هالغثه
ركبوا الباص ولقوا لهم مكان وقضوا الطريق كله في سوالف عن الرياض ووين احسن الرياض ولا الشرقيه وهم في وسط سوالفهم
ريناد:يالله قرب بيتي
ريم :لا تقولييييين
ريناد:والله هاذاهو
ريم :طيب ممكن تعطيني رقم تليفونك
ريناد:طيب سجلي عندك
ريم :لحظه بس خليني اطلع ورقه
عطت ريناد رقم بيتها لريم ونزلت... دخلت البيت شافت اخوها رائد
ريناد:هااااااااااي
رائد:هاياااااااااااااات
ريناد:وين امي؟
رائد:للحين مارجعت من الدوام
ريناد:طيب
رائد:رنوش مين مسطرك؟؟
رينادباستغراب:محد
رائد:اجل ليش وجهك احمر؟
ريناد وهي تبتسم:من الحر في الباص
رائد:عمري ماشفت احد يحب العنا لنفسه الا انتي ياخي عندك السواق روحي معاه
ريناد:ماحب اروح مع السواق لاني اتاخر الصباح لانك ماتصحى الا سته ونص وانا احب اروح المدرسه بدري

رائد:من زود الاجتهاد الحين
ريناد:مالك دخل والله ... انا بروح ابدل وانااااااااااااام ولاحد يصحيني
رائد:ماتبين غدا؟
ريناد:لا مابي
رائد:اوكي
ريناد:عندي لك سوالف ياكثرها بس بعدين لما اصحى اقولك ياها
رائد:ههههههههههه طيب يالله تصبحي على خير
ريناد:ههههه وانت من اهله

رائد:
اخو ريناد التوام يشبها مررررررررره عشان كذا يقول لها لاتقولي لاحد ان انا اخوك التوام عشان محد يقول عليه انه زي البنات .

فيصل:
اخو ريناد الكبير عمره 22 سنه يدرس حاسب وهو اساساً يمووووت في شي اسمه انترنت اربع وعشرين ساعه قاعد على النت مايطلع مايروح مايجي ابد الا اذا كان فيه شي للدبابات عرض او اي شي يخص الدبابات يطلع .

ام ريناد:
دكتوره نفسيه تشتغل في المستشفى وعلاقتها مع ريناد اكثر من مجرد ام وبنتها ... هي وريناد مرررره صداقه وهي تحكي لبنتها وبنتها تحكي لها.

ابو ريناد:
مهندس ديكور فاتح له شركه صغيرونه يشتغل فيها ويستنى فيصل يخلص دراسه عشان يشتغل معاه ... ريناد مررره متعلقه بابوها لانه طيب ويسوي لها كلللل شي تبغاه.

صحت ريناد على الساعه 6 المغرب نزلت لقت امها وابوها واخوانها قاعدين بالصاله يشربون شاهي
ام فيصل:صح النوم
ريناد وهي تتثاوب: صح بدنك
ابو فيصل: شدعوه رنوش كل هاذا نوم
ريناد:لان طووووووووول اليوم طراد ولعب وضحك يعني اجي من المدرسه اقول وينك ياسريري
ابو فيصل: وانتوا رايحين المدرسه تلعبون ولا تدرسون
ريناد: نلعب هههههه
ام فيصل:ايه هاذا الي انتوا فالحين فيه العب
وبدت ام فيصل في المحاضره اليوميه الي تلقيها كل ام على بنتها او ولدها انو المدرسه للدراسه مو للعب او الوناسه ..... الخ
ريناد تكلم رائد:شكلنا اليوم محنا خالصين
رائد:مافي امل تخلصين كل يوم لازم هالمحاضره زي الدواء
ريناد:ههههههههههههههه

ان شاء الله التكملة بعد الاختبارات

واذا قدرت انزلها قبل انزلها

يسلموووووووووووو والله سفووووور على القصة الجناااااااااااااااااااان
ربي لايحرمنا منك ياغالي
ياريت التكملة بسررررررررعة