تعتقد كلمة "أحــــــــــــــبك " تختصرلك هالقصيده ؟!؟!

جابك الله من بعد همٍ نسيته وما نســـــــــاني ... من بعد ما كان حزني ينزف الدًم ويســـيله
حزني اللي باع عقلي وباع روحي واشتــراني ... تصنعه نبضات حزني في قليـبي وتبيـعه
ربي الشـاهد لو انك جيت متأخر ثــــــــــواني ... كنت محفوظ بزمـاني بمجلد "ألف لــــــيله"
من صدفتك كنت تمرح كنت تمزح وتحدانـــــي ... لخبطت حبال قلبي من وريده لي وريــده
من عرفتك قلبي يسأل هذا هو أحلى زمــاني ... ولا انا عايش بحلم ماعرفـت أفك قـــــيده
من دخلتي .. دخلت افراح المعزه والامــــــاني ... تنتشي لا قلت انته "يا هلا باللي نريـده"
تزرع فقلبي المـحبه والوناسه والتفــــــــاني ... تجـلع اطراف الكآبه والندامه والخطــــيئه
انـت مب شيٍ طبيعي انت والله شي ثـــــاني ... انت حنية زماني وفرحـة العمر الرغــيـدة
انت اصعب ماقريـته انت كليـًة زمــــــــــــاني ... انت ساسي وأساسي تغرس النفس الأصيله
انـت طفلي انت امي انت حـبي وحنــــــــاني ... انت اكلي وانت شربي وهواي يلي اريده
انت انت ياللي انت مدري والله وش ــــــبلاني ... دارت الدنيا براسي واستريحي يالامـيره
رقة عيونك ورمشك تذبح رقاب الغـــــــواني ... طيبة خدودك وقلبك تجعل الفرقه شديده
شعرك الناعـم مسوي زوبـعه بين المعـــــاني ... حدة أطباعك تزين اول اوراق الجريـــده
واعـذابي من انامل خلت عيوني تعــــــــاني ... يرتجف قلبي لانها موضع افكارك سديـده
باختصار: انت ملكي انـت بالدنيا عشـــــاني ... انت كلي انت عزي انت محور هالقصــيده
حطني داخل حدودك وحسني بانك تبــــاني ... إسمع صراخ المحبه في فوادي وش يبيـده؟!
تكفى..إليا قلتها بيـع خلق الله عـشـــــاني ... لاتخلـيني بروحي وانت روحي الوحـــــيـده
شف مكانك في قلـيبي وش مسوي بالمحاني ... إرحمـيني يرحـمج رب جمـعنا في عقيده
مـددي فسحة عيوني وشوقها لاربع ثواني ... قولي تفضل "عنوني" وادري اطباعج عنيده
يشهد الله .. شفت منك ومن طيبك ماكفـاني ... ما أبا غيرك شريكي آه هذا اللي أحـــــيده
حط عينك في عـيوني وفكر بلحظة ثـواني ... تعتقد لو قلت "أحبك" بختصرلك هالقصيده ؟؟!!