حكمة الدهمشي

مساكم الله بالحير جميعا


اضع ابين ايديكم هذه المتواضعه لعلها تعانق قلوبكم الطاهره


نشرت في منتديات عده ولدلع الاحقيه


خلجات نفس ليس إلا


أكذب عليك إن قلت ماعندي علوم
إلا .. تعال أعطيك موجز علومـي

تجمعت عنـدي ثقافـات وسلـوم
وعجزت أغير يا السنافي سلومـي

لو مات من عمر التقاليد لـو يـوم
أحس ذاك اليوم يا ( عناد ) يومـي

أحس بآلام وهواجيـس وهمـوم
والكون ضاق وضيقتنـي همومـي

تصدق نسيت بعالمـي لـذة النـوم
وأشتاق لك كثر اشتياقـي لنومـي

أدريبك إنـك بالمهمـات زيـزوم
وأدريبك إنـي لا نخيتـك تزومـي

لكن تراها كلها أضغـاث وحلـوم
وأبيك تقرالـي ملامـح حلومـي

عايش بعالـم بلـدة مالهـا رسـوم
وأقرا بأساطير القدامـى رسومـي

الفرس واليونـان والهنـد والـروم
سهولها قامـت تزاحـم حزومـي

غبي.. رسم في لوحته شمس ونجـوم
مثل الذي يجمـع بـراد وسمومـي

تلقى بها الدنيا غنـي بـس محـروم
وتلقى بهـا فقيـر بـس محشومـي

وتلقابها من علية القـوم ، ورخـوم
وتلقى غراب البيـن فيهـا يحومـي

إعـلان تكفيـن المعالـي بمرسـوم
قرار باجماع الضعـوف الرخومـي

ساس الثقافة عندهم كشخة هـدوم
وأنا جهلت ومعجبتنـي هدومـي

عندي من الماضي على الحاضر عزوم
وخيبة أمل تمحـى بقايـا عزومـي

جوي ملبد بـه أعاصيـر وغيـوم
متى علـى الله يعتتقنـي غيومـي؟

مو مشكلة لا صار لي ربع ، وخصوم
المشكلة لا صار ربعـي خصومـي

هنا أودع عالـم الزيـف واللـوم
وأتـرك مطافيـق المهبـل تلومـي



وسلامتكم


مع فائق الاحترام والتقدير لمن مر هنا

المشاركة الأصلية كتبت بواسطة ســـــــاره الله عليك يالدهمشي.. قصيده رااااااااائعه.. سلمت يمنااااااااك ودام قلمك المبدع يعطيك العافيه

المشاركة الأصلية كتبت بواسطة عود الرياحين [align=center] السلام عليكم ورحمة الله وبركاته صباح الخير أخي محمد مشاء الله عليك صحت لسانك يطيب جزاك الله خير أبدعت بحق تسلم يمناك تحياتي لك واتمنالك التقدم[/align]