عريب المجنى

هذه قصيدة الشاعر محمد بن فطيس المري أحد نجوم شاعر المليون وأضعها بين أيديكم لتستمتعوا بما فيها من معاني الشعر والقصيدة بعنوان:
عريب المجنى
(ماني بمن ياتي ولايدرى به)
شطر حفظته مااعرف كتابه
شطر يناسبني لمثل الليله
واشوفني في ذا المكان أولى به
ابا اتكل بالله ونعم بالله
اللي مايوصد دون خلقه بابه
باقول واللجنه تقيم قولي
ومن كثرة الشعار ماني آبه
الحمدلله واثق من روحي
وإن كنت ذيب ..فالرجال ذيابه
ماأقول انا أشعر واحد في العالم
لكن قصيدي كفو وأنا أدرى به
الشعر جمعنا لو تفرقنا
حدودنا وظروفنا الغلابه
الله يبيض وجه راعي الفكره
عزالله انها تنحسب لحسابه
والله يبيض وجه من يرعاها
(محمد) الله يحفظه لاحبابه
(محمد ولد زايد) عريب المجنى
ولي عهد الديره الخلابه
الشعر تاريخ لنا من مبطي
واعلامنا يوم السنين نهابه
الشعر بيت والوزن عمدانه
معناه طنب وقافيته حجابه
الشعر واد فيه صيد واجد
وكل على الوادي يهيج وركابه
والافكار صيد وكل شاعر قانص
وكل يدسم شاربه مخلابه





أحد خياله(حر)واحد (وكري)
واحد خياله (كوبج)بقطابه
وأنا خيالي كلما هديته
حول على الوادي وصاد (عقابه)
شاركت أمثل ديرتي وربوعي
وكل يمثل ديرته وأقرابه
والله الى الله راد والله قاله
اني لا اسلمها الفخر وكتابه
داري(قطر) وانا هنا امثلها
المجد مطلوبي وانا طلابه
حتى دمي من حبها عنابي
وحماستي من ضوها شبابه
عهد علي إني لا اجمل داري
ترك صبي مايعز أترابه
شاعر خليجي والعروبه بيتي
والبيت ماياقف بدون أطنابه
وان عودت بين القبايل فزعه
ان اشهد ان لي في اللوازم لابه
لي في القبايل ربع.. واقدرهم
ماني بمن يجهل مقام اصحابه
وإن عودت لأصلي فانا اصلي (مري)
من صلب (يام)أهل القنا وخضابه
قوم لنافوق المعالي بيرق
والسيف قوة سلته بنصابه
الشعر طوقني وانا طوقته
قمت آتمشى به وافك أبوابه
يابنت ياللي تفرقين بعودش
ماالومهم لاكثروا الخطابه







لامربش دربش على خلق الله
قالوا كذا..بالإصبع السبابه
زينش يزينه فعل أبيش وجدش
وانتي بدورش للشرف كسابه
قومي تباهي بي وفلي راسش
عليش من لبس النقا جلبابه
وان ماسترتش بالفعول وباسمي
فعقبني الفنجال ياصبابه