قصتى لاخذ العظة والعبرة >>>تكى هنا<<<<

**عموووشة** · 02-19-2007, 07:37 AM

صبااااااااااح الخير

ياهلا والله اسفرت وانورت واستهلت وامطرت وابرقت وارعدت ههههههههههههههه

موضوعى اليوم لاخذ العظة والعبرة

وتحذير اكتبة على باب الموضوع

ترا قصتى ياطولاها طوووووووولاة يعنى الى عندة شغل يروح يخلصة ويجى
والى فاضى من حالاتى يروح يشترى بنص ريال فش فاش ويقر القصة

وترانى احترت وين انزل الموضوع اخر شى قلت قسمى اولى بة ويشوفة اكبر قدر من الجماهير هههههههههههههههههه

في يوم من الايام وفي ساعة من الساعات وفي دقيقة من الدقائق وفي ثانية من الثواني <<< يالييل البعارين

حدث هذا المشهد

بطولة : ( انا -مهاااوى - خالد - امى يلبى قلبها )

مكان الحدث: بيتنا الحبيب السعيد

كنت قاعدة اتفرج على التلفجن .. مر شي .. بصراحة انا حسيت اني اعرفه بس مادري وشو..

المهم جا وقال (الشي) : السلام .. اخبارك.. << قربت اعرفه

قلت .. من انت ؟ .. قال .. الله يرجك بلا استهبال

قلت ..استهبال..؟؟ اقوول اطلع برى << ناسية انه اخووي وانه من اهل البيت لانه منقع باستراحة اخوياه

وشكله ذاك اليوم جاي بالغلط ومايجى غير فى مبارة الاتحاد

يمكن لانة اهلاوى

المهم قال.. فاضية..؟

قلت.. لحظة.. لحظة.. ايوه حطهااااااا <<< خاشة جو مع مبارة الاتحاد والهلال

قال.. اقووول بسرعة مو فاضي بروح لاخوياي من زمان عنهم <<< انواع النصب توه جاي منهم

قلت .. طيب هاه وش عندك ..؟

قال..ركزي معي

قلت ..هه << مبققه العيون

قال.. تذكرين حلا قديييييييييييييم ذاك اللي.//-/-=';/)//...//""=-( <<يوصفه

قلت.. !!!

قال.. هذاك اللي /]//-/-)(/>?,,"// <<<مازال يوصف

قلت ..وشوو؟

قال.. كولي تبن والله لارنك على جبهتك لاتسوين نفسك ماعرفتيه عشان ماتسوينه<<كشفني

قلت..اهاااااااااا .. كح كح وش ذا وشوله

قال.. كذا مسك معي ابيك تسوينه بروح اجيب الاغراض واجي تسوينه وباخذه معي لاخوياي<<لحوول

قلت .. طيب طيب .."<.+/"":/. / << اتحلطم

المهم راح وجاب مقاضي الحلا وقال برجع بعد ساعة القاه جاهز

قلت .. تروح وترجع بالسلامة <<والضحكة شاقة الوجه <والله من الخوف

عاد رحت شيكت على النتيجة وناديت مهاوى تساعدني

بدأت بتحضير الحلا المغبر ذا ومهاوى تقرق فوق راسي بسواليف معادة << يقالها تساعدني

وتوسع صدري وانا اكرف

المهم ... وانا قاعدة اسكب الحلا بالصينية بدت مهاوى تتخيل علي

قالت.. تخيلي تغلطين بالسكر وتحطين ملح ويجي خويلد ويمحطك تمحيط هنا وانا افك هاهايايهاي وناسة

قلت.. اقوول ورا ماتروحين تتخيلين بعيد

قالت .. لا صدق خلينا نسوي فيه مقلب ..يحرم يجيك يقولك سويلي شي

قلت.. اقووول ترى مو رايقة لك... هاه ... والا تدرين والله اكشن.. بس وش رايك وش نسوي

قالت..امممم..وش رايك بصابون فيري ..اخلطيه بالكريمة

قلت.. لا لا مشافيح ذولا خاف ياكلون و مايحسون بوه شي

ويفطسون علينا واروح فيها اعدام<<<وش تبي ذي

قلت .. اممم طيب صرصور .؟

قالت.. لااااااه ومن بيمسك الصرصور

قلت .. ايه صح ... اممم.. طييب وش رايك

نخربط بالحلا .. يعني....<<< اسمر ومملوح وحبيب الروح ياعيني<<لاحد يعلق

وبدينا بالحلا المقلب ( قطعنا ثوم وحطيناه وفتحنا درج البهارات وبدينا من كل علبة ملعقة والله فيه بهارات

اول مرة اشوفها حتى فتحت علبة بغى يغمى علي من الريحة قلت كويس واكب نص العلبة بالقدر على الحلا)

المهم .. بعد ماجهز وانا واختي انواع الضحك والمسخرة وقاعدين نتخيلهم ياكلونه

جا الولد ياحليلةقال.. هاه جهز ؟؟ قلت.. افا عليك بجيبه <<<وجهها قمة البراءة

اخذه وطلع الا انا ومهاوى متسدحين من الوناسة<<< حسوا انهم ازحف شي بالعالم

بدا الوقت يمضي.. ويمضي .. وانا ومهاوى دخلنا الغرفة وقفلنا علينا << بيضمنون حياتهم

قعدنا ننتظر .. ننتظر.. ننتظر..<<< انواع الهدوء

طفشنا من الانتظار ... بدينا ننود ( نعسنا) .. يختي وش ذا ماصارت ... وقفنا .. جلسنا .. انسدحنا.. تمغطنا..

واقفين على الشباك ننتظر احد يرفس الباب .. ملينا ..محد جا .. وش ذا ...ماسكة الجوال وعيوني على شاشة جوال مهاوى

انتظر (خويلد.. يتصل بك ) .. <<< متوقعة ومجهزة مسج انه مقلب تعيشون وتاكلون غيرها

بدينا نتخيله بكل زاوية بالبيت حاجرنا ويكفخنا ... صار يطلع لي بالكابوس وانا نايمة

كرهت عمري والساعة اللي فكرت اسوي فيها مقلب <<< خايفين من ردة الفعل

المهم البارح نشوف الصينية نصها ماكول

انا..( صوت شهقة ) اكلوها الله يقرفهم

مهاوى .. لا لا مستحيييل << راحت تركض للحمام <<شكلها حامل هههههه

رحنا طايرين لامي وينه .. وش صار.. شسالفة ..<< امي اول ماشافتنا هاجمين بهالاسئلة

قالت .. لحظة ... تعالوا انتم وش مسوين الله يحووم كبودكم حسبي الله عليكن من بنات

قلنا.. ليه وش صاير هههههه اكلوها الدلوخ ههههههه لا لا مو معقولة اوقسم بالله

ياريحتها بس تصرع الطير وتطيحة من السما

قالت .. قطع يقطعكم مو هم اللي اكلينها ..جابها االسواق من الاستراحة مع العفش ومسكين اكلها << مايدري شسالفة

حنا... ههههههههههههههههههههههههههههه الملقوف وماحس بشي

قالت.. وش اللي ماحسالسواق الحين بفراشه مصخن قالبة كبده ورايح جاي عالحمام( الله يعزكم )

المهم انه حنا تحولت حالتنا من ضحك ومسخرة الى خوف وقلق وقلنا لامقالب بعد اليوم

وضعيف السواق والله تاثمنا فية

وابوووووووووى للان مايكلمنا انا ومهااااوى

ومنع المصروف بعد

الزبدة من ابو القصة لاتسوووون مقالب انتو مو قدها الحمدلله ربى سترها ولا كان انا الحين فى سجن بريمان

**بوهه طايره** · 02-19-2007, 12:39 PM

صبااااااااح النوور

يامهبوووله الشر لاانتِ ولا مهاااوي
يحووووووووووووول وش سويتوا يالسواق
بس تستاهلون الي جااكم
وتطلعين ان شاء الله بالسلامه من سجن بريمان
بس تدرين الحال من بعضو انا و بنت خالي كسرنا القزازه الاماميه حقت سياره خالي كنت بالسطح وارمي غرش قزاز حقت السفن اب بالشارع يعني خطر يطيح على احد بس اشوا جت على السياره و محد درا عني وعلى انو جا حرامي وسووا هالشي المهم مااكتشف الا عقب كم شهر يعني مده طوييله وقام يضحك اشوا يعني لان خفت كله من بنت خالي الفضيحه لاني انا الي سويت هالجرميه بس هي يعنني مرافقه معي
الله يصلحنا كلنا قولي آمين

**$غلا روحي$** · 02-19-2007, 01:23 PM

يؤيؤ عموووشه والله انك مجرمه وحتى مهاوي اردى منك
ياااااحياتي ذا السواق الضعيف ياقلبيه مسيكسن
بس تدرين المفروض تتهاوشين مع اخوك
يعني لو انك مسويه الحلى بضمير ولا شفتي المبارت
في الاخير ماكلوه والله قهر
والحين السواق وش اخباره الضعيف

**عربجيه ديجيتل** · 02-19-2007, 03:30 PM

صباح النوووووووووور والأنوااااار ..

هههههههههههههههههههههههههههههههههههههههههههههههههه هههههههههه
هههههههههههههههههههههههههههههههههههههههههههههههههه هههههههههه

ياانتي قويه .. ومجرمه .. وش سويتي حلا .. يخ اتخيله فيه بهارات وماادري وشو ههههههههههههههههههههههه من جد تفطس ضحك ..

ضعيف جت على راس هالمسكين ..

ههههههههههههههههه بموت من الضحك منتيب صااااااااااااااااااااحيه ....

انتي وجهك وجه مقالب .. بغيت تذبحين الرجال ..

ياحليلك .. ياماتسوين مقلب ياتتهورين ههههههههههههههههههههههههههههه

طيب اخوك خويلد مادرى ولاحس ..؟؟؟

الظاهر شامين ريحته من مترين وانحاشو هههههههههههههههه

الله يوسع عليك مثل مابسطتيني وانا توني راجعه من الدوام الاغبر ومتهاوشه مع مديرتي ابشرك هههههههههههههههههههه

تعالي كل يووم اسدحي الله يقطع بليسك خلينا ننبسط ..

**عموووشة** · 02-19-2007, 04:19 PM

اقتباس:

المشاركة الأصلية كتبت بواسطة بوهه طايره

صبااااااااح النوور

يامهبوووله الشر لاانتِ ولا مهاااوي

يحووووووووووووول وش سويتوا يالسواق

بس تستاهلون الي جااكم

وتطلعين ان شاء الله بالسلامه من سجن بريمان

بس تدرين الحال من بعضو انا و بنت خالي كسرنا القزازه الاماميه حقت سياره خالي كنت بالسطح وارمي غرش قزاز حقت السفن اب بالشارع يعني خطر يطيح على احد بس اشوا جت على السياره و محد درا عني وعلى انو جا حرامي وسووا هالشي المهم مااكتشف الا عقب كم شهر يعني مده طوييله وقام يضحك اشوا يعني لان خفت كله من بنت خالي الفضيحه لاني انا الي سويت هالجرميه بس هي يعنني مرافقه معي

الله يصلحنا كلنا قولي آمين

هلااااااااااا والله ببوهتنا الطايرة

وراك مادوامتى هاة

>>>> علمى نفسك هع هع هع

شرايك بوهة نسوى لنا فلم والله قصتك تصلح فلم بس انا المخرج

يسلمووووووووووو بة بة على طلتك الحلوووووووووووة
ولاجا شى براسك تعالى على توووووول اعرفك راعية مقالب

**حسـ العاصوف ـام** · 02-19-2007, 08:00 PM

هههههههههههههههههههههههههههههه

الله يرج ابليسك ياعمش مش

تراكي فاصله من الخدمه نهائيا

ههههههههههههههههههههههههههههههههههه

اما لو هالحركه تسير فيني صدقيني على طول اطبق الحركات اللي علمني هيه جاكي شان << صديق قديم ههههههههه

**@سكون@** · 02-20-2007, 03:59 AM

[align=center]سلامو عليكو ...

عموووشه والله منتي هينه

قممممة الاجرااام ...

والمسكين السواق هو اللي راح فيها

المفروض تعوضينه الضعيف .. ماله ذنب

بفطور وغدا وعشا يوميا

وسلامتك[/align]

الإهداءات
إضافة إهداء