مسكين صدق نفسه يحب

03-08-2007, 06:58 AM

--------------------------------------------------------------------------------

الى كل انسان ..يرى ان الحياة بلا حب مو حياة ..
الى الناس العاطفيين ..الرومانسيين ..

اهديكم هالقصة الرااايقه الجميله اللي اتمنى انكم تقضون وقت سعيد وممتع وشاعري مع قيس وليلى ابطال القصه..

يقول بطل القصة

رحت لمحل بيع الكتب المستعمله المكتبة

رحت لها وشريت لي كتاب وكان عندي اختبار له في اليوم الثاني..
(هذي طريقتي في الاختبارات)..

المهم فتحت الكتاب

فتحت الصفحة البيضاء اللي بعد الغلاف لقيتها مكتوبة بقلم حبر ناشف،

المهم ..

الكتاب طلع لبنت قبل ما تبيعه (يا عمري توها صارت حلوه المذاكره)
والغريب إنها كاتبة الكلام هذا:

( أنا أدري إنك أول ما تقرا الورقة ذي بتنهبل، بس خلّني أقول لك شي..
أنا صراحة مثلك في الكلية ومقهورة..

ما كتبت هالكلام إلاّ من القهر..
وعندي إحساس إنك بتقدّر ظروفي كونك مثلي عايش نفس الأجواء الحين )!!

وقامت تسب في دكتورة اسمها .... !! وبعد ما شبعت من سبّها..
قالت: (وعموماً فرصة سعيدة جداً إني تعرفت عليك،
وأشكرك على قراءة كلماتي بس والله ما كتبت إلاّ من الطفش -
عموماً- أنا فضولية شوي.. ممكن بعد ما

تخلّص من الكتاب.. تكتب لي على الوجه الثاني ردّك لي..
ورجعه وأنا بقرا ردّك.. وإن شاء الله إني أبي أجي
أشتريه في تاريخ كذا كذا )

ناظرت في التاريخ.. لقيته بكره !!!!!؟

ياساتر وش أسوّي؟ طيب أنا ما ذاكرت.. وش ذا الحظ؟
المهم إني خقيت (يعني رحت وطي)..

وقررت إني أكتب لها الرد وبرجّعه..
بس قبل كل هذا رحت وصورت الفصول اللي داخله بالاختبار عشان اذاكر

ضبطت لها رد محترم وقلت لها: ترى أبي أشتريه عقب أسبووع .
ورحت أرجعه ..

وفعلا رجعته وشراه الزوووول مني بنص السعر

اليوم الثاني بالليل رحت للمحل لقيته الكتاب مباع سألت الـزووول :
الكتاب اللي شريته منك أمس وينه؟ قال: امبارح اجت بنت وشالته !!

وانا اللي تنفتح كشرتي لين وصلت اذاني

المهم أخذت أنا ويّاها الله لا يقردنا ثلاثة أشهر
وحنّا شارين الكتاب بايعين الكتاب.. والمستفيد الـمحل حق الكتاب المستعمل..

لا وبعد صار ما يحطّه في الدرج.. خلاص فهم علينا
وصار يخليه عنده على الطاولة ويسلمه لي أو لها أول ما نجي ..

مررررررت الأيام وجيت مرة قلت للـزوول وين الكتاب؟ قال: ما أدري امبارح

جاء راجل أخذ الكتاب.. قلت: يا ابن الحلال قل غير هالكلام
الكتاب قديم ومعفّن وأوراقه نصها كتابات.. قال: آآآآآي

عليك الله أخدوه الزول الكتاب الأصفر ..

المهم طلعت وركبت السيارة.. ويوم وصلت الإشارة قلت :
لحظة يا رجال، الـ.....

الحين يقول الكتاب الأصفر.. يا خي هو

أحمر أصلا مهوب أصفر ..

المهم ديورت بسرعة ودخلت المحل بسررررعة.. تتوقعون وش شفت؟!!!

لقيت الاخ ابن الذين ماسك كتابي الأحمر وقاعد يكتب الرسالة اللي أنتظرها
في صفحة من الصفحاااات

طلع اللئيم هو اللي انا خاق معه من مده

منقوووووووول

03-08-2007, 11:53 AM

هههههههههههههههههههههههههههههههه

والله أن السوداني طلع يعرف يلعب وأنا اقول ان السودانيين
كسولين لا بعد طلع نصابين

يسلمووووووو التميميه على الموضوع الحلو

03-08-2007, 08:31 PM

خخخخخخخخخخخخخخخخخخخخخ

يستاهل ويجىية اكثر انشالله

يسلمووووووو يلتميمية

ينقل للعام


العضو المميز	الموضوع المميز	المشرف المميز
(عاشقــ(M)ــة الليل)	خيمة ابوعمر	همســُ‘ـة غــُ‘ـرٍَوٍبًَّ

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بلاتيني يرشح نفسه رسميا لرئاسة الاتحاد الاوروبي لكرة القدم	عبـــودي	المنتدى الرياضي	2	07-26-2006 07:30 AM
من لم يعرف نفسه كيف يعرف خالقه؟؟؟	mero3	المنتدى الإسلامي	1	03-17-2006 04:54 AM
!!رجل بعملية تجميل حول نفسه الى كلب ..!!/ صوره !!	قطــ دلوعه ــر	منتدى الصور والغرائب	2	08-02-2005 03:38 AM
مسكين حـالـِك .وقلبي فيكي مخدوع	فارس دلع	منتدى الإبداعات الادبية والخواطر والنثر	2	04-21-2005 10:47 AM
حكم كرة قدم يطرد نفسه من الملعب بالبطاقة الحمراء!!!	عابر سبيل	المنتدى الرياضي	4	04-06-2005 09:04 PM

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء