ياللي دفنتوا جثتة لية تبكون!!

قصيـده أعجبتني ونقلتها لكـــم


ياللي دفنتوا جثته ليه تبكون
لولا الحيا لأقول معكم خذوني

منه انحرمت وكنت اناعنه مسجون
مااذكر لمحته غير مره بعيوني

شفته وكانت فرحتي مالها لون
عجزت اوصف مالمحته شجوني

ياليتني كنت الكفن يوم تمشون
ابقى معه في القبر ثم تدفنوني

او ليتني من خلفكم كنت مجنون
اتبع خطاكم والعذر هو جنوني

ابكي وراكم وادعي ان كان تدعون
مايكفي انه عاش عمره بدونـي

تكفون هاكم عمري اليوم تكفون
برخص حياتي دام خابت ظنوني

مافادني صبري ولا فادني عون
ولا فادني دمع(ن) حرق لي جفوني

ياما بكيت والبكي يحرق عيون
ميت او انه حي دعي بعيـوني

العام كان بفرحته يغرق الحون
واليوم تحت الارض ماهو بكُوني

سميت قلبي عقب فرقاه ملعون
هو والليالي عن هناه منعوني

ياليتني ماعشت لحظه بهالكون
ياليت ربعي في سكات ذبحوني

ياليتكم عن همي اليوم تدرون
منه انحرمت ومن عزاه احرموني

حتى بوفاته يوم انا طحت مطعون
أخفيت طعناتي قبل لايـذبحوني

بكيت لاكن ماتظاهرت بالهوون
ابكي وأقول الموت هو سبة طعوني

وان كان في حبي انا ماتحسون
دلوني لقبره وهناك أتــــركـــــــــــــــــــوني......