هذه القصيده احبابي الكرام يعلم الله اني تعبت فيها كثير لعلها تواكب هذا الحب اللي غمرتوني فيه واللي هو الوقود اللي يسيرني هذا الحب اللي بادلتوني فيه هو من خلاني استسهل التعب علشانكم واحاول اقدم الفكره
والمفرده اللي تستحق ملامسة قلوبكم الطيبه وبصراحه انا اعتبرها قصيدة الموسم بالنسبة لي لانها مليئه بالمواقف الحزينه والاماني والاحلام الضائعه تعالوا معي نشاهد ماذا حصل
جور اليالي وحزن الكون مع ظلمّه
وطرد الامل في وجيه الناس قدامي
وحب ذبحني وخلا الروح منسمّه
ومبادئي والقيم والدين واسلامي
وعهد قطعته ولازم عهدي اتمّه
لو قصرتبي ظروفي واسود ايامي
فارقتها والامل معقود با اللمّه
حتى اتفقنا نسمي ابننا (سـامــي)
وسبع اسنوات وانا اسعى الي القمّه
اطوي شراع الامل واقاوم اوهامي
كم كانت آآمالنا مرسى بلا يمّه
نبحر بوسط البحر لو كان متعامي
غربه تقطع نياط القلب يا يمّه
بس اولدك ماانثنى في وجه الايامي
في كل ليله وذكر الله في فمّه
مزين الطيب قلبي قبل هندامي
ماخالط اليأس صبري ماثنى همّه
اذا التعب هدني صورتك قدامي
وذكرى حبيبي وبسماته مع ضمّه
تشفي بصدري لهايب جرحي الدامي
رجعت بعد السفر واشواق ملتمّه
في وسط قلبي بتحقيقي لااحلامي
رجعت ببني ركون العهد واتمّه
واروي عطش قلب فعلا للقى ظامي
(فتحت بابي وصحت بصوت يايمّه
ابنك رجع هيام في حبك اهيامي )
سألت عن كل جيراني وعن اللمّه
ودي تجيب الخبر عن مصدر الهامي
سألت عنها وكان بردها الطمّه؟؟
تزوجة ياولدي من كم كذا عامي
((واحوالها سيئه والروح منسمّه
وجابت ولد ياغلاي وسمته ســامــي))
صديت عنها وقلـــبي فايــــــر دمّه
والدمع في وجنتي مثل المطر هامي
ماتدري امي بكبر آمالنا الجمّـــــــــه
الينها صوبتني رمية الـــــــــرامـــــي
لمتني بعحضنها وتصيح مهتمّه
خارت بي الروح ماشالتيني اعظامي
هذي نهيات من يسعى الي القمّه
مستقبلي ضاع حانت لحظة اعدامي
احمـــــــــــد الهلالي
تحيات : عـــــود
الإهداءات
نهيـــــــات من يسعـــــــــى الــــي القمّــــــــــه
شاركوا معنا بلحملة لاجل عيون أعضائنا الجدد 
