خانتنى عناوينى للشاعر جاسم آل محمد رائعه بصوت

04-08-2007, 06:48 PM

ألا يالغالية وينك .. وش أخبارك و كيف الحــال ؟
يــَأمي كيف نبْــض الدار .. خانتني عنــاويني

يــأمي لوْ طغى همّــي و ضاق الصدر و الآمال
مـن اللي يحضن الدمعة قبل ما تحتضن عــيني ؟

يــأمي لو صرخ صبري (سكنت المر و الترحـال )
من اللي يقول يا غالي (فدتك الروح و سنـيني ) ؟

من اللي يقول يا غايب : ( تحمل و اهزم الأهـوال ) ؟
من اللي يهمس بْـــإذني (صلاتك تربطك فيني ) ؟!

بكتك الروح (ف) الغربة .. نعم أبكي و أنا رجّـــال
تذكّــر حضنــك الدافي .. دخيلك بس ضمــيني

عجاف(ن) سبْع ياااا يمّــه و أنا أتْبع سراب الـلال
و لا أشـرب سـوى غربةْ عطش تسقي شـراييني

أشوف الناس غير الناس و الغربـة تهّــد جْبــال
يأمــي جـاوبي شوق(ن) مـعَ الأيام يطــويني

هجير(ن) لو حرَق بعضي .. دفا صدرك (بَرد) و ظْلال
يأمــي وشْ يصبّـرني و لا غيرك يواســـيني

نعم مشتاق شباك الموانـي و ضحكــة الأطفــال
نعم مشتـاق حارتنـــا القديمة... لا تخلــيني

أبي قمحك (خبز يدّك ) أبي قهــوةْ وطــن و دْلال
يأمــي (آاااااااه) في حلقي طعم طبخك يناديـني

يأمي قد شهق شوقي و لا عنـدي أبــد مرســال
لجِل يكسـر عقوق(ن) بي .. زرعته بينك و بيني

نعم ودّي أطفّي الشوق ياااا يمّه و نجمــك جــال
على صــدر الحنين اللـي يقول إنك فقدتــيني

نعم نفسي تغني لي .. نغم صوتك طرب .. مــوّال
نعم ودّي أغني لك و تزهــر بــكْ بساتــيني

دخيل الشوق و اللهفة .. ترا طيفـك غيابه طــال
و أنا ( الياثوم) أرهقني .. دخيل اللّـــه احميني

يأمي لو لهَث وجدي .. مطـر حبّك سقانــي زْلال
هماج الحب (أوطانك) و طوفانــه بيــرويني

يأمي لو نزَف قلبي رعاف التيــه و الغربـــال
ضياعه يطرق أبوابي ( أنا ويني .. أنا ويني ؟!)

يأمي لو هزمني البرد و الحمّـى تخـون الشــال
يأمــي لو رجف قلبـي.. فلا غيرك يداويـني

يأمي قد نِحَت قلبي على شكلك حجـر .. تمثــال
سمعته من كثر شوقـي .. يناديـني و يبكـيني

تعالي يا ضفاف الكون بس مـرّة و خـوني الفـال
تعالي بس (ف) احْـلامي .. رجاءً لا تجافــيني

نعم ذا الشوق في صدري .. تحت ظهري زرَع أغلال
و تقصيري يأنبــني .. يعذبـني و يكــويني

نعم قصّرت في حقك : (معي زحمة.. معي أشغــال)
قبيـح العذر يا يمه : ( دخيل الله تعذريــني )

نهِج ديني يوصّيني أشيـل الحمــل و الأثقـــال
قضى ربي بإحسانك .. نعم واضح نهِج ديــني

يأمي لو بكت روحي : (سكنت الضيق و الترحــال)
من اللي يْقول : ( يايمّه .. فداك العمر و سنيني)

يأمي لو كبَر همّي و ضـاق الصــدر و الآمــال
دخيلك احضني الدمعة قبل مـا تحتضن عــيني

تعالي و اسألي قلبي : (وش أخبارك و كيف الحال ؟)
و أنا بصرخ : ( بخير(ن) بس.. خانتني عناويني !)

للاستماع الى القصيدة و حفظها بالزر الايمن ثم اختر حفظ الهدف باسم save target as

__________________

04-08-2007, 07:40 PM

مساء الخير وطيبه ياأحمد
ياخوي ماقصرت وربي أسرت خاطري
بالقصيد أثرت بي بصدق ماقصرت لك
الشكر وزود التقدير منور القسم يالغالي
لنتظر منك المزيد ورااائع وياااليت الجديد
يكون من مكنونك تحياتي

04-09-2007, 04:19 AM

فـــــــــــــــــــــــــــارس القم
صح لسانك وسلمت يمناك يالغالي
وماقصرت والله يعطيك العافية على القصيدة الأكثر من رائعه
لاعدمنا جديدك يالغالي
تحياتي لك
أخوك
ملك الاوصاف

04-09-2007, 07:45 AM

صح لسانك
وسلمت يمناك
تقبل مروري

04-09-2007, 09:25 PM

عود الرياحين

اشكرك على المرور والتعليق
وابشري قريبا انزل قصيد من شعري
بس انا اوثقه وانزله دمتي بخير

04-09-2007, 09:30 PM

ملك الاوصاف

عطور مرورك زادت القصيد روعه من اريج
دمت بخير يالغلا

04-09-2007, 09:31 PM

صراحة احساس

اغلى مرور سيدتي شكرا لك


العضو المميز	الموضوع المميز	المشرف المميز
قــريبا	قــريبا	قــريبا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
انتقام محمد من بنت جيرانهم	بنوته حلوه	منتدى القصص والروايات	10	10-02-2008 12:45 PM
عـــيــــــ فــارس ـــــــون*>>قصه رووووعه جنا111ن لاتفووووتكم	00القلب الكبير00	منتدى القصص والروايات	48	06-10-2008 11:40 AM
*بعض المواقف تجي و تروح ماتبقى .. وبعض المواقف صداها بالعمر باقي (قصه رائعه)	00القلب الكبير00	منتدى القصص والروايات	12	03-10-2007 06:14 PM
الخوف من الحب..........قصة رائعة لالالالالاتفوتكم	@أحلي بنوته@	منتدى القصص والروايات	135	02-02-2007 03:11 PM
طال صبري... متى تحبني؟؟, قصة حب بحرينية من أجزاء	نفيشة	منتدى القصص والروايات	26	04-17-2006 02:53 PM

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء