يارحيلٍ حط بالخافق سهام
تاركٍ ضيم السنين الموجعه
حزن واهاتٍ وعينٍ ماتنام
وليل قاسي والدموع مروعه
غارقه مابين اجروحٍ اركام
في بحور الآه ابليا اشرعه
اجمع اشتاتي والملم هالحطام
علني ياعلني بس اجمعه
اغتبقتك جرح قلبي والسقام
واعتزلت الناس داخل صومعه
اتحرى تمطر الغيمه غرام
وتنبت ازهوري بسيلٍ اتبعه
مرت الغيمه وقالت لي سلام
قلت وينك طال بعدك مفضعه
شفتها تبعد وغابت بالظلام
اثرها مرت علي ا مودعه
استباح الصمت جرحي والكلام
ثورة البركان سوت زوبعه
طير يصرخ في وسط صدري وحام
حطم اضلوعي وهمي طلعه
يابشر حب النقا ماهو حرام
المحبه شرع ربي شرعه
يابشر مليت انا زيف الكلام
مل قلبي مل لبس الاقنعه
يكتم الاحساس خوف امن الملام
خوف جرحٍ من غشيمٍ يفجعه
ماشيٍ قلبي على حد الحسام
بين حب وبين ريحٍ تلفعه
يابشر خلوا اقليبي في سلام
اتركوني هرجكم مااسمعه
وصل إحساسي معك سرب الحمام
قله انه يم قلبي مرجعه
قله اني بعد عينه ماانام
قله اني تايهه بالمعمعه
خبره له بالغلا قدر ومقام
قله اني كل ماطاح ارفعه
له غلا في خافقي غير الانام
كيف قلبي للمواجع يدفعه
خبره قله يعود بالهمام
قبل لا تبكيني ايامي معه
وآه ياشين الرحيل ابلا كلام
وآه ياشين الليالي الموجعه
شاعر االدموع
الإهداءات
المواضيع المتشابهه
((اليالي الموجعه))
شاعر الدموع
العرض العادي
