غصة قلب

هلا باللي لهم وسط المعاليق مجلاس
ـ ـ ـ ـ ـ ـ ـ ـ ـ ـ ـ ـ ـ ـ وقدرن على كل البشر ما يعرفونه
تحية غــلا يزها بها صادق الإحساس
ـ ـ ـ ـ ـ ـ ـ ـ ـ ـ ـ ـ ـ ـ وقلبي هــدية مع ضمانه وكرتونه

(غصة قلب)

يا قلبي ابلع غصتك والعـن ابليـس
واللي كتبه الله .. مـا عنه مهـروب

ادري ركـونك كل ابوهـا معابيـس
والشمس فيها دايم ابحالة اغـروب

ماهو بكيفك بك ورود(ن) مغاريـس
ماتت .. وحالك بعدها صار مقلـوب

هـذا الهــــوا .. ومعاملينـه متاعيـس
ومن ذاق فنجاله لقا السـم مصبـوب

يا ما تعنـا به رجال(ن) مثـل قيـس
في عشقهـم ماتوا على كايد النـوب

مع انهم كانـوا حــرار(ن) قرانيـس
لكن ما به في ثرا الحب محسـوب

وش عاد حالك كل ليلـه كوابيـس
هذا اذا جا النوم لرضاك مغصـوب

ماني بالومك لو شعلـت الفوانيـس
في ليلةٍ ضلمـى بقيفــــان مسحـوب

ويا كيف الومك لو قدحت المقابيـس
ليلة ســراب الوقت زفـك لغرشـوب

حنون صادق فـــاق كـل المقاييـس
فيـه الحـــــلايـا كلهـا ذايـبــه ذوب

منه القصيد ابداع..نبض واحاسيس
فيه الجزاله وافيه حـس واسلـوب

يا قلب وصفه لي يجيب الوساويـس
اخاف ترجع حكمتي لأجلـه دروب

ادري به انه شد صلف المتاريـس
في قلعتك واحيى بها عدة حـروب

وإنك مدمّــر ما بقا بـك تضاريـس
الا حروف اسمه على هم وتعـوب

لكن بأحاول فيك خلـف الكواليـس
واناصحك بالطيب يا خافقي تـوب

واردد ابلع غصتك والعـن ابليـس
ذي حكمة الله والقدر شـي مكتـوب



وســـــــــــــــــــلامتكم