((هـــــــــــــــدف تســــــــــــــــــلل))

تعبت اجامل واروم الصبر واتودد
وكلما اسجل هدف قالوا انت متسلل

الي متى والفرح ياقلب متصدد
الي متى من طموحي دايم يقلل

اجمع احلام في عمري وتتبدد
وكلما انهدم حلم قمت الوم واعلل

ماهي بعيشه مدام الحزن يتجدد
في كل ليله خيامه فوقي تظلل

مشتت افكار مالي درب<ن>محدد
حتى الورق من دموعي صار متبلل

آخذ قراري بتركك وارجع اتردد
وضعي معك صار ماله طعم ويملل

كني مطوع على الاحكام متشدد
مافي لسانه سوى التكبير ويهلل

ماكل رماي صاب اهداف لو سدد
لابد ضيم الدهر بالعمر يتخلل

تعبت والله اروم الصبر واتودد
مع ان راسي رجوله اشهد مفلل

لعبت بالوقت الاصلي والحكم مدد
وكلما اسجل هدف قالوا انت متسلل

احمـــــــــــــــــــــد الهلالي