((مخـــــــــــــالفـــــــــــــه مــــــــروريـــــــــــــه))

جيبتك وانا كلي من الشوق طاير
ونقطة (مرور) بحيكم خالفوني
قالوا اش بلاك بسرعة البرق طاير
لا ما دروا المنتظر هي عيوني

قالوا بنحجز موترك بالدواير
قلت احجوزه ويمها وصلوني
اهم شي تلمس يديني الظفاير
لو كان عقبة شوفتك يسجنوني

لو العسكري يدري بخافي الظماير
ما كان عنك يالغلا حيروني
جاني ملازم قال لي ويش صاير
وشب المواطن ذا بوجهه غبوني

شاف الحزن فيني مع الدم فاير
فقلت له اقسم قسم اخروني
عن موعد قد سقت لجله بشاير
والشوق له ياخوك حرك شجوني

طلع الملازم من كبار العشاير
فقمت انتخي بالقبيله ساعدوني
اعطاني الرخصه وهو صدق حاير
وشكله بعد مستغرب<ن> من جنوني

قال انتبه تدخل بأحدى العماير
وخفف السرعه تركد بهوني
وهذا انا جيتك ودمعي عباير
كلي فدا وجهك ولو بهذلوني

قالت عليك القلب اصبح شطاير
ادق جوالك عسى اطمنوني
قلت العفوا لكن هالظرف جاير
ماهو بكيفي غصب هم اخروني

احمــــــــــــــــــــــد الهلالي