"غيمه وجف ماها"

ابجمع خيوط الفكر وأنقي منها احــلاهـــا......

......وأنســــــج منهــــا شعـرٍ أفجر فيه أحزاني

وأبنشر قصة آلامي بسم"غيمه وجف ماها".....

...... روت أنحاء هالعالم وجوفها من الضما يعاني

أبرمي همي للقمره وأحجب عنـك مضياها......

......وأغني خلي راح عني..وألحن همي ياطاني

أحبها نعم ياناس ولا أبغـى سـوى رضاها......

......احبها حيــه أو ميتــه وأغليهــا عـن أخـواني

لأن العشـــق مايعرف عن الخوه ومعنــاهـا......

......جــــرح قلبــي وحطمنــي وخلاني بشر ثـاني

وأبحضن حتى صورتها واتبـع ظلها وخطاها......

......وقــولوا اللي تقولونه جنون الــعشق انهـــاني

وابمشط شعرها الثاير واغـرق وسط عيناها......

......وارخي رمشها اللي صار على قلبي هو الجاني

بهيم بخدهـا الوردي وأحدد بيــدي شفـاهـا......

......وابــأسرها علـى الدفتر متـى ماطيفها جـــاني

بمــــــوت بعنقها واحيـــا إذا أقبل محيــاها......

......ولـو إنـي انا ادري اهـي تهـوى علـي ثانــــي

حسافه مـات حبي له وانا اللي مابي سواها......

......حســـافه ليه خلتنـي وحيد بـدنية احـزانــــــــي

تقول إن جرحهـا انــا وعنـد الثـانـي دواهـا......

......وأقــول الله يــوفقها ويـهـنـيـهـا بنسيـــــــاني

ومدام إنها سبب جرحي..خلاص اليوم بنساها......

......وبختــــــم قصتي بفرقا وأودع أغلــــى خــلاني