[[يلــــومـــوني علـــى وحـــدتي]]

يلوموني على حزني على دمعي وآهاتي
يلوموني على جرحي وعلى كثر الألم فيني

يلوموني على همي وليه تغيب ضحكاتي
يلوموني على كل العنا اللي دوم يغليني

يلوموني على حرفي وعذابٍ وسط كلماتي
يلوموني على حبي وليه تخونه سنيني

يلوموني كثير ومادروا وش هي معاناتي
وجيت اليوم أنا بأحكي لهم, والقصد يعنيني

أنا يالايمي حزني يخطه ملح دمعاتي
وجرحٍ داخل أعماقي تصرخ له شراييني

وهمي لا ضحك غطى على البسمات بشفاتي
وعناي اللي غدى عاشق صار يحب يحويني

وحرفي من عذابي صار مظلم في كتاباتي
وحبي خانه اللي كان يخدع قلبي وعيني

ويلوموني بعد مرات وليه آعدّ ساعاتي
وليه الوقت بحسابي قصير وحيل يطويني

ويلوموني بعد أكثر على الوحده بعاداتي
وليلٍ اسهره وحدي وظلامه حيل يبكيني


من اختيار احساسي

شـــ الحب ـــذى