اسئلة تبط الجبد...!!!

••.•°¯`•.•• () () [[ أسـئـلـه تـقـهـر ]] () () ••.•°¯`•.••


بعض اللقافة والكلمات اللي ترفع الضغط


وودك اتدوس في بطن اللي قالها




يله نبدى مـــثـــلا :-


* أنت بغرفتك منسدح بالسرير ومطفي النور ومتلحف بالبرنوص

يجي أحد أخوانك ويفتح الباب عليك ويقول :- بتنام ! ! !

(( لا أبرقص ,, أكيد أبنام ))

-=-=-=-=-=-


* أنتم معزومين عند ناس ورحتو لبيتهم وأول ما فتحوا الباب لكم ,

قال ولدهم :- " جيتــوا العزيمـه "

(( لا رحنـــا ,, أكيد جينا وأنت شنو تشوف ))

-=-=-=-=-=-


* أنت لابس ثوبك وكاشخ بالغتره وماشي بالبيت رايح لباب الشارع ,,

يجي أحد من أهلك وينادي بصوت عالي >>> بتطلع ! ! !

((لا أبدخل ,, أيه أبطلع ))

-=-=-=-=-=-


* راكب السياره وشغلت الموتر شوي وتعطيه ريس

يطلع لك واحد ويطق على الدريشه , ,

أنت بكل ذوق تفتح الدريشه وتقوله :- آمر الشيخ ؟

يقولك :-بتمشي با السياره ! ! !

(( لا بستعرض وبشل شوي . . . . أكيد أنا ماشي ))

-=-=-=-=-=-


* مثلا أنتي بالكليه وقمتي من الطاولة عقب ألف سالفه

وسالفه يتخللها الحش والضحك والغشمرة ورحتي

عند الباب تلبسين عبايتك...تجي وحده ملقوفه من البنات

وتقولك : - فلانه بتروحين البيت ! ! !

(( لا أبطلع برا أشم هواء , , أكيد أبروح لـبـيـتـنـا

من زين الكليه قاعده في استاربوكس ونا مدري ))



-=-=-=-=-=-


* ماسك سماعه التلفون وقاعد تضغط بالأرقام يجي

أحد من أهلك ويقولك :-تكلم بتلفوون ! ! !

((لا بصور معه كم صوور تذكاريه , , أكيد أبكلم ))

-=-=-=-=-=-


* ماسك مذكرة أو كتاب وقاعد تحفظ ومتحمس . .

جاء أحد وقالك :- قاعد تدرس ! ! !

(( لا أفرش اسناني , , , أيه أذاكر ))

-=-=-=-=-=-


* تتسبح بالمسبح بالإستراحه يجي واحد من أصدقائك

يمر عليك ويقول :- فلان تسبح ! ! !

(( لا اطالع مسرحيه . . . اللي يسمعك ما تشوف أيه قاعد أسبح ))

-=-=-=-=-=-


* ولا تعالــو شوفو قنواتنا وأسئلتهم البديهيه البايخه . . , ,

برنامج أهداءات يتصل واحد يطلب أغنيه ؟

ترد عليه المذيعه بكل سخافه :- أنت بتحب هذه الأغنيّة ! ! !

(( لا ما أحبها بس طالبها أستهبل , , إيه أحبها ليش عيل متصل ))

-=-=-=-=-=-


* ولا بالعيد جايـيـن يقابلون مع الناس شوفو حوارتهم :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- وش تقول لأهلك بالعيد ؟ ! ! !

المواطن :- أقولهم كل عام وأنتم بخير . .

(( يعني بيقول الله لا يوفققكم اكيد بيعايدهم , عيل اشتبونه يقول بهالمناسبه ))

-=-=-=-=-=-


* والأسخف من هالبديهيات اللي تضيع وقتنا إذا قابلو حد من اليهال , , ,

يقول المذيع للياهل :- أنت تحب ماما وبابا ! ! !

(( أيه يحبهم عيل تبيه يقول لا ما ادانيهم ))

-=-=-=-=-=-


* المذيع :- أيش تسوي بالعيد أكيد تروح لأهلك تسلم عليهم

ويقولهم كل سنه وأنتو طيبين ! ! !

(( لا أبروح أكفخهم وأسوي هوشه , , , أكيد أبعايدهم ))

-=-=-=-=-=-


* واحد شاايل شنطته ومتجه عند بوابه المطار ويشووفه رفيجه

با الصدفه هلا والله اعلومك اخبارك شو تسووي في المطار ؟؟؟

(( بستقبل الطيارات .. اكيد بسافر انت وويا غترك هاي المذويه ))



اتمنى اجوف ردودكم..!!!!

مشكورة الغالية

العفو ومشكور على المرور

استوا لي هالموقف

أنت بغرفتك منسدح بالسرير ومطفي النور ومتلحف بالبرنوص

يجي أحد أخوانك ويفتح الباب عليك ويقول :- بتنام ! ! !

(( لا أبرقص ,, أكيد أبنام ))


والله يبط الجبد

يسلموووو بنوته

مشكووووووووووورين على مروركم الحلو

هههههههههههههههههههه

يعطيك العافيه بنووته