موسوعة دلع ##تضم الشعر النبطي والفصيح و كلام العشاق

دلـــــــــــع >> الله يخليج لي

وما يحرمني منج انتي الحلااا كله

تسلمي على الرد


شوشو

مشكوووووووووووور على هالكلااام الحلوووو

السيف العماني تسلم اخوي والله يعطيك الف عافيه

كلك ذووووووق

تحياتي

شـــــــــــوشو

المواضيع اللي مثل كذا ترصع في السقف

مجهود رائع اختي

مثبت

شكرا لك اخوي

الامل الظامي

سعيده وااايد بتشريفك لي وتواجدك

واكيد سعيده بتثبيت الموسوعه فرحاانه وااايد

الله يسعدك ويعطيك العافيه

وان شاء الله تكوون احلى موسوعة شعر

و..شكرا لاحلى منتدى دلع



شوشو

اليوم اخترت لكم قصائد ابدع بها الشاعر الكويتي المبدع عايد المسيلم




واتمنى ان تحوز على رضاكم واعجاابكم وانا بصراحه اكثر وحده

تعجبني الخيااانه وهم بعد امي ..وكلهم ما عليهم زوود ما شاء الله .

اعزائي والان ..ادعوكم إلى قراءة متأنية
لكلماات بقمة الجماال ومن عذب الحروف





الخيـــــــــانه
رحلتي ماهي مشاعر
تنحكي من قلب شاعر
قصتي كانت خيانه
وجرح في دمعة مسافر
رحت ادورعن حقيقه
والوعد حلم المهاجر
عن حبيبه في بلدها
جيتها شوق ومشاعر
لاكن الصدمه كبيره
صعب ترويها الحناجر
مالقيت اللي احبه
اختفت من حظ عاثر
واثرها طبع بهواها
ياسهل غدر الضماير
لاكن الدنيا ضحكتلي
من لقيتك كنت صابر
كانت السفره طويله
في لياليها اسامر
ورحت اخبي عن جروحي
خايف تحكي الخواطر
يكفي مادمتي معايا
في غرامك راح اغامر
الصراحه كنت * اداري
بالسفر شيصير باكر
احنا نتلاقى بغربه
ثنين في درب المخاطر
بالمطار--- هناك ابنطر
لما نرجع قلب ناطر
كل يوم يمر.... يحرق
شمعتي في ليل صابر
لاكن الرحله انتهت بي
والخيانه مالها اخر




أبـــــوي

في ليل موته جيت انا بيوم ميلاد

طفل يتيم والبكى في عيونه

صدر عن الدنيا وانا جيت وراد

لاشك نجمه لامع وسط كونه

كني انا والحزن في وقت ميعاد

فقدت فيها غالي يذكرونه

لو يسألوني يوم انا كنت بمهاد

افز بسمه كل ماينطقونه

ياقبر وش ضميت من ذيك الاجساد

الله ياضمت ابوي الحنونه

محتاج له وادري انا عنه ببعاد

النفس بعده بالحياة مغبونه

ادوره باعايده في يوم الاعياد

لاكن تذكرت البشر يدفنونه

كان الألم في داخل الصدر يزداد

وقلبي على الوالد تصافق شجونه

اعاني الحرمان في صبر وجهاد

وانا أحمد الله والملا يشكرونه

اعاند الدنيا وانا بيتم بعناد

نفس العزيز اللي يدوس المهونه

كثر البكا بفقد العزيزين مافاد

ودمعي على خدي تسايل مزونه

ابوي ملفى للأكاريم الاجواد

الطيب ساسه كلهم يمدحونه

بالطيب ماخذها على روس الاشهاد

حر ولد حر طوال ردونه

عساه بالجنه على انهار ووراد

مقره الفردوس والله يصونه



أمــــــــــي

امي يارمز التفاني والصبر

ملحمه عشتي لنا كلك عبر

تسعة شهور حملتيني بوهن

شفتي ألوان العذاب بكل شهر

وبليلة الميلاد كانت فرحتك

في مهادي كنت انا لك يانهر

انتي ضميتيني في حضنك دفا

عن لهيب الصيف أو برد الدهر

تكبرين ونكبر احنا بدنيتك

كل شيبه في شعر راسك فخر

ان بكت عيني بكت عينك اسى

وان ضحك سني ضحكتيلي عمر

وان طلبتك حاجتن كلك عطا

انتي اكرم من على الدنيا ظهر

امي يانبع الوفا الله يديم

طلتك في ليلنا وانتي القمر

في صلاتك ياكثر ماتطلبين

ربي يحفظنا من عيون البشر

صرتي شمعه تحترق لجلي انا

اهتدي فيها اذا طال السفر

وعند باب البيت ياما تحترين

ان تأخرت بظروفي واعتذر

ياحبيبة قلبي يايمه انا

ايه ابوس تراب رجلك وافتخر

ارفعي راسك مدام اني قدرت

لك احقق امنياتك واختصر

فاخري فيني يايمه بينهم

جعل يفدونك قليلين القدر

ياحكاية عز سطرها الزمان

كل حرف فيها من دمعك سطر

رفرفي يابيرق الحب التليد

واقطفي من كل بستاني زهر

جعلي لاحجيت للبيت العتيق

يقبل الله دعوتي لج معتمر

ياسنا الفضه ولمعات الذهب

يارحيق المسك ياغيث المطر

يا أمان الروح يارجوى النفوس

ياشراعي لاانتشى موج الخطر

صعب يوصف لك شعوري كم بيت

قالهن قلبي بحبك بالشعر

بس شوفي يمه لامني طريت

اسمك دموعي بخدي تنتثر



فقدتك
فقدتك حيل؟ وينك كثرت احزاني
اثر بعدك حياتي مالها قيمه
كثير الربع حولي وصرت وحداني
على ذكراك شفها تبكي الغيمه
بعيني صورتك واسمك على لساني
ظلمنا الحب واصبحنا مظاليمه
يقولوا الناس حبت واحد ثاني
واقول الغدر بانت لي مراسيمه
اخاف اظلمها وارجع حيل ندماني
واخاف الظن يصدق فيه تحكيمه
وانا من بينهم بالحيل حيراني
ببيع الحب واهله واشري الشيمه
وش احكيلك وش اشكيلك عن احزاني
يموت الحر مايصبر على ضيمه
الحب اما يجي منك وجداني
يجدد في حياتي الحب ويديمه
ولا خلاص ابعد وارجوك انساني
وش لي بشخص ماعطى الحب قيمه



صدفه
صدفه لقيتك وذكرتني عيونك
ولا انت يالقاطع عنادك نساني
وشفيك تتهرب من اللي يبونك
بعدين يمكن ماتحصل مكاني
الحب بأحساسك اشوفه يخونك
بس انت اشوفك متنازل عشاني
وين الحنان اللي اخبره بكونك
انا أسألك بالله وينه زماني
مدري العواذل كل ليله يجونك
وألا بحياتك صار انسان ثاني
قول وتكلم قول مابي سكونك
صمتك تعب والقلب خلقه معاني
مادمت ساكت واختلف فيك لونك
يعني انت خاين والغدر منك جاني
تدري بأني كنت اموت بعيونك
لاكنك انت الحين غلطت زماني




الغربة
تلاقينا بلا موعد ولا عنوان
مع الغربه حكايتنا بدت اشجان
وبين الناس شفتك يالغلا صدفه
ملاك وشافتك عيني بزول انسان
وانا ماني يمك ولا اهتميت
ولكن القدر يرسم لنا التحنان
احس براحه لحظة شفتك بعيني
ابي اوصلك لكن الزمن خوان
سريت وخطوتي مافارقت زولك
تبعتك ماقوت نفسي على النكران
تحملت المخاطر لاجلك ومديت
جسور الخوف واهلي ساسهم فرسان
ويوم جيت صوبك للاسف رديت
اشيل جروح حب بالحشا بركان
واحس انك بعد مارحت لبلادي
على فراقي يا اغلا الناس هم ندمان
وتسأل عني ماتدري بعد اني
ابد ماكنت ادري والسبب حرمان
تذكرني حبيبي لاضواك الليل
وانا فيكم ابد ماطاوع النسيان
مدام ان الوفا فينا ينادينا
ابنطر جيتك مادمت لك ولهان
الشاعر عايد المسيلم




مــلـــفـــعـــهـــا

زان ملفعها عليهـا وهـي تزينـه
ابهرت كل العذارى مـن حلاهـا
تخفي عيون حوت نظـره حزينـه
كيف بوصف رمشها لامن غطاهـا
لا تمايـل شعرهـا لـبـا جبيـنـه
هو سواد الشعر او ليـل كساهـا
مادرت عن مغرم اصبـح رهينـه
هو ضيحه بسجن عشق مـن قضاهـا
ماحلا حكـم خذيتـه مـن يدينـه
نارهـا ولاجنـة احبابـي وغلاهـا
ان رضيتي بمغرم يقهر عاذلينـه
وان رفضتي اعلني لجرحي عزاها
ماكتبـتـك ألا ودي تذكريـنـه
الغريم اللي عشـق بسمـة شفاهـا
فاق كل الوصف يرحـم والدينـه
اشهد ان البيض ماهي بمستواهـا
لو سمحتي شاعـرك بيـن بعينـه
حرف اسمك جعل حرفي من فداها






وانتظروني بجديد موسوعة دلع ... في جلسة جديده مع

شوكولاته

نحياتي

اليوم اتابع معاكم موسوعة دلع و اجمل اشعاار المبدع والشاعر عايد المسيلم






مشاق لها

مجنونها...وشلون يصبر دونها
هذي الدروب اللي بعدتني عنها
راحت بعيد
من دون ماتترك خبر ولابريد
وش فادني كثر الصبر .....
وين الرسايل والصور

اه ياصبري عليك
وش فادني طول الصبر
اسأل ودور وينها .....
مشاق لها هي وينها

من شافها
مليت اسابق هالدروب .....
مليت اناظر هالغروب

مشتاق لها مجنونها
وشلون يصبر دونها



بنت الاسير

وهي جالسه..
في قربها ألبوم مليان بصور
محدن تعرفه منهم
احدن فقيد..
واحدن ورى سجن الاسر
ومن بينهم واحد عزيز

والله تحبه اشكثر .....
ماشافته من يوم انأسر
لأنها كانت بعد هي من صغر

واثرها ابوها اللي انأسر .....
وش كثر ظلت تنتظر
وش كثر ظلت تنتظر

يمكن يجي عنه خبر .....
يمكن يجي عنه خبر

وتمر ايام العمر .....
لاحس ولاحتى خبر

يمكن يخفف جرحها .....
ولايجيها بفرحها

وتمر ايام العمر .....
لاحس ولاحتى خبر

والبنت تصبح كالعروس ..... كالعروس
تنطر ابوها بالفرح ..... يهدي لها ورد الفرح
وتمر ايام العمر ..... لاحس ولاحتى خبر

وتقول باجر ابيجي
مثل القمر اللي حلا فيه السهر
وتكبر ويكبر هالحلم .....ياخوف يصبح كالوهم

والبنت تنقش بالحجر
صوره لبوها بالاسر
صوره لبوها بالاسر





اهـــي امـــي

يا اطيب قلب بالدنيا
يا اروع حب في الدنيا

ابد مافيه من مثلك

رعاك الله يا امي

ولا حتى ابد مثلك

فديتك يمه بدمي .....
انا لا شافتك عيني

بلحظه ينجلي همي

حقيقه مقدر اوصفها .....
سقتني من عواطفها

اهي اللي بيوم شالتني .....
وهي اللي بيوم ربتني


اهي امي ..... اهي امي

رغم كل الالم تصبر .....
وانا اكبر وهي تكبر

شموخك فوق هالعالم .....
وعسى راسك لنا سالم

تنام الدنيا بعيوني على عينك

واسهر حب بجفوني مع سنينك

ياشمعه تضوي الدنيا .....
يابسمه ترسم الاحلام

حقيقه انتي الامال .....
ومعنى للصبر ينقال

وصرتي مضرب الامثال

فديت عيونك يايمه

انا والله من غيرك .....
ترى دنياي ماتسوى

وخيري والله من خيرك .....
ولا غيرك بشر بهوى

بنيتي لبيتنا رسمه

عجيبه روعة الالوان

وصرتي لحزني البسمه

يا اصدق طيبه جت بأنسان .....
على شانك انا بكتب

قصيده تحكي عن احساس .....
يايمه احساس في روحي

يايمه بلسم جروحي .....
وكلمه تحكي عن احساس

وبكره يحكوا فيها الناس





ولقااء الاحبه لا ينقطع .. باذن الله


انتظروني باجمل .. الهمساات عندما تتحول وتتبلور الحروف

لتكون اجمل القصائد الشعريه .. ونحاول جاهدين جمع بلورات المااس

هناا لكم ومن اجلكم .. منتديات دلع ..


شوكولاته

تحياتي