هـو فيـه دمعـن لا همـل يحـرق الـخـد
ولا دموعـي غيـر باقـي العبـايـر
هــو فـيـه هـجـرانٍ يـقـد الـحـشـا قـــد
او بس هجره جرح بالقلب غايـر
ظلمـك بحـر مالـه جـزر كـان مـا مــد
حسبي على ظلمك يقـد الضمايـر
لحـظـه تجـيـنـي لـكــن اعـــوام تـبـعـد
خليتني امشـي مـع النـاس حايـر
قسـوة ضمـيـرك يالغـضـي دوم تشـتـد
وش بك علي ظالم وسفاح جايـر
تـطـيـر بـالـهـجـران كـالـطـيـر لاهــــد
اما الوصل لايمكـن تكـون طايـر
صبـري عليـك الـيـوم متـجـاوز الـحـد
لعيونـك اصبـر واتجـرع حسايـر
يـاخـوي خـلـك واقـعـي حـاكـنـي جـــد
تـرا ضيـاع الوقـت اكبـر خسايـر
اذا تـكـلــمــت بــصــراحــه تـــصــــدد
كن الحكي لا جاء لمسمعك زاير
تــرانــي اقــــدر لا حـكــيــت اتــخـــدد
واحكـي كـلام يخـلـي الــدم فـايـر
هــات الزنـيـدي ياوصـالـك او الـصــد
ماهي بحاله شغلتي بـس اسايـر
امـــا تبـادلـنـي المـحـبـه مـــع الــــود
ولا علـى هجـرك تـدور الـدوايـر
مانـي وانــا واضــح لـشـرواك محـتـد
حـبـك نــذر وانــا أوفّــيّ النـذايـر
تـرى الوصـل ديـنٍ واذا ترفـض تـسـد
مانـي بهـادي منعميـن البصـايـر
كانـك جحـدت الحـب انـا اقــدر اجـحـد
ماذلـنـي مــن يلبـسـن الـسـوايـر
راسي عسى من فوق الأكتاف يحصد
كان انحنى لجل امهـات الظفايـر
عــنــد الـكـرامــه مسـتـحـيـل اتــــردد
حـبـك اذا هــو ذل بـعـدك بشـايـر
الإهداءات
هم وهجران
العرض العادي
