|
|
|
|
|
 |
|
|
|
|
|
|
|
|
| اشترك في قروب دلع ليصلك جديدنا |
| زيارة هذه المجموعة |
|
||
| العضو المميز | الموضوع المميز | المشرف المميز |
(عاشقــ(M)ــة الليل) |
همســُ‘ـة غــُ‘ـرٍَوٍبًَّ |
|
|
|||||||
| التسجيل | التعليمـــات | قائمة الأعضاء | التقويم | اجعل كافة المشاركات مقروءة |
| منتدى القصص والروايات يختص بالقصص الادبيه والمعاصره ذات الاهداف والقيم الساميه |
 الإهداءات |
 |
|
|
LinkBack | أدوات الموضوع | طرق مشاهدة الموضوع |
06-29-2007, 08:39 PM
|
رقم المشاركة : 49 | |||||||||||||
|
مازن: ريناد ريناد: ليه جيت؟ مازن: ريناد اسمعيني ريناد بعصبيه: ايش اسمح يامازن...ليه سويت كذا؟ مازن: وربي ماسويت شئ هي جات ودخلت الغرفه ريناد: اها وانت خليها المسكينه جالسه مرتاحه مازن بعصبيه: يلا عاد عن المصاخه انتي ووجهك... غصبا عنها ضحكت عليها ونزلت راسها مازن: رينادووه يالدبه وربي احبك... ريناد: ماتحبني مازن: جد يادبه احبك كيف بقدر اطالع غيرك صدقيني جات دخلت وانا مصدوم وتقول يدها مادري شفيها ودخلتوا انتوا ريناد: ايش قصدها بالحركه؟ مازن: واضح.قصدها مثل عين الشمس ريناد: مادري متى بتتركنا..... مازن: يالغلا شعلينا منها خليها تسوي اللي تبي ماتهمني... قامت من مكانها تمشي وهو جنبها....صاروا قرب المسبح... مازن: تذكرين يالدبه يوم كنا باالامارات وطيحتيني بالمسبح ريناد: هههههههه هذيك الفتره كنت احقد عليك مازن: وانا بعد ماكنت اواطنك ابدا ريناد: والحين؟ مازن: والحين سحرتيني يالساحره مادري شسويتي لي وخليتيني احبك ريناد: بس كان هذاك اليوم حلووو مازن: أي ومستحيل انساه راحت وراه ودزته بقوه للمسبح وهي تضحك ريناد: حتى ماتنساه ابدا....وللابد مازن وهو يطفو على الماي: الله يغربلك من مجنونه روحي عني قبل لااجيك واذبحك ريناد: لا لا كل شئ ولاالذبح مو بايعه عمرري بااااايووووو مازن: هيييييييين انا اوريك يالدبه ريناد: اتحداااك تسوي شئ مازن: اوكي وبنشوف من يربح باالاخير يا... ريناد: الله واكبر بتسبني بعد كملها ليش سكتت مازن: اقول؟؟ عادي ماتعصبين؟؟ ريناد: قووول مازن: ياعمري وحياتي وقلبي وعيوني وحبيبتي الحين وخطيبتي بكره ابتسمت له بخجل ودخلت البيت وهي طايره في الهوا من الفرح...... ........................... دق عليها رنه..مافهمت معناها لهذا دقت عليه ناصر: هلا خلود خلود: هلا ناصر: يلا اطلعي بره استناك خلود: بنرجع ؟؟ ناصر: أي تعبت باروح البيت ارتاح خلود: اوكي ناصر: مو تتأخرين باي خلود: اوكي باي حست بيد حور على كتفها لفت لها مبتسمه خلود: شفيك؟ حور: غريبه خلود: ايش الغريب؟ حور: اول مره تكلمين ناصر بهالبرود سكتت خلود وهي تفكر...مثل مايقولون جبتها عالجرح..اه لو بس تدرين ياحور باللي يصير فيني والتعب اللي احسه من ناصر وتطنيشه لي.... حور: صاير شئ بينك وبينه؟ خلود: لاسلامتك مو صاير شئ حور: خلود اكيد ولا؟؟؟ انا اختك قولي لي مافيها شئ بساعدك خلود مبتسمه: تطمني يااحلى اخت بالدنيا اختك مافيها الا العافيه..... حور: الله يوفقكم ان شاء ديريبالك على نفسك وعليه خلود: اووكي.....(وهي تقوم) يلا ياجماعه انا استأذن ام مازن وهي تدخل الصاله وبيدها الشاء والقهوه : وين وين بدري اجلسي خلود خلود: معليش خالتي خيرها في غيرها بس ناصر مستعجل يبي يروح البيت ام محمد: انتبهي يمه حبيبتي لروحك ولاتتعبين نفسك هالله هالله خلود: لاتحاتين حفيدك بخير ام محمد: حفيدي وبنتي ابيها بخير شوق: ها من قدك يالدبه مو احنا لنا الله حور: انتي بكره تتزوجين وتحملين وتهتم فيك شوق: اجل باعرس من الحين حتى تهتم فيني ام محمد: الله يغربلك انتي ماتستحين ريناد: هههههههههههه تستاهلين زفووك هاهاها شوق بزعل مصطنع: انتي اسكيتي مااكلمك بدل ماتوقفين بصفي خلود: ههههه لاكل شئ ولاشواقه اللي يزعلها نذبحه شوق: صح تحيا العداله خلود: يلا مع السلامه ومشكوره خالتي عالعزيمه ماتقصرين والله ام مازن: العفو يابنيتي ....ولاتقطعين خلود: من عيوني فمان الله ام مازن: فمان الكريم... بعد ماسلمت عالكل وطلعت...صعدت سيارته وهو يحوس ويلعب بالراديوا لف عليها وابتسم...حاولت ترد له هاالابتسامه بس ماقدرت ناصر: خوختي شفيك؟ خلود: سلامتك...حرك ناصر: از يو لايك.... مشى وهو يدندن بعدها فر قناه بالراديوا وكانت اغنيه محمد عبده مااجملك...وقام يغني بصوت عالي مع محمد عبده وهي تطالعه مستغربه..شفيه فرحان عسى خير ان شاء الله...معقوله حس على دمه وحب راضيني خلود: ها اشوفك مبسوط ناصر: طبعا وليه ماانبسط من قدي.... وغمز لها....وهي فرحت .....اشم ريحه تفائل اكيد بيراضيني فديتك ناصر خلود: فرحنا معاك ناصر: لو تدرين خوخه....لكن باقولك اليوم مؤشر اسهمنا في العلالي تلاشت ابتسامتها وكشرت...اسهم؟ بزنس يعني؟ وانا الغبيه افتكره بيراضيني طلعت ولاعلى باله ويفكر في شغله وبس ياربي باموت من بروده معاي انا شسويت له حتى يعاملني بهالطريقه يدري اني احبه..هالشئ المفروض يخليه في باله ويعاملني من منطلق هاالاحساس.... حست بيده على يدها سحبتها بسرعه وحطتها بحضنها.... ناصر: خوخه شفيك ؟ خلود والدموع بدت تتجمع بعينها: ولاشئ ناصر: لاجد شفيك؟ خلود: خليني في حالي ناصر... ناصر ببرود: براحتك طالتعته..وهي تدمع....براحتك ياناصر وباعاملك بنفس الاسلوب حتى تحس فيني وتقدر مشاعري لك....تكلمي من غير نفس ماتتعب نفسك وتسأل عني وعن اللي في بطني ليه مو ولدك؟...الله يصبرني دخلوا الغرفه وكانت قدامه فتحت الباب بكل قوتها بحيث انه صدم في الجدار وجلست عالسرير..راح وجلس جنبها وعيونها تلف بأنحاء الغرفه لين طاحت بعينه..... ناصر: خلود شفيك بلا لعب اطفال وتكلمي خلود: لعب اطفال؟ اتركني لوحدي ناصر: اكيد صاير شئ في بيت خالتك قولي شصار؟ بصراحه لاول مره من تزوجنا احس اني ابي اذبح ناصر معقوله مايدري انه السبب ناصر: انتي مو على بعضك خلود بعصبيه: انا ولاانت انفجرت بوجهه مره وحده وحسها بركان وقريب بينفجر.... ناصر: انا؟ خلود: أي طبعا ماتشوف برودك مليت والله مليت كان بيكتم غيضه لكن ماقدر.... ناصر: شوفي نفسك بالاول يامدام خلود: انا ياناصر؟ سكتت وهي تفكر بحيره ..طلعت انا المذنبه الحين ناصر: برودي ردة فعل طبيعيه لبرودك خلود: برودي انا؟ كيف ناصر: أي انتي بالاول لما حملتي تضايقت لانك مااهتميتي لك وسويتي اللي تبينه وجاك الولد اللي تتمنين بينما انا مو مهم رضيت او لا...ومنها صرتي بطريق وانا بطريق...صار همك ولدك اللي تنتظريه وانا كل يوم ارجع من الدوام اتمنى الاقيك اضمك اسولف معاك مثل قبل لكن تنشغلين بأشياء تافهه..كيف تبيني احس فيك وانتي ماحسيتي فيني نزلت دموعها بغزاره وتكلمت بصوت بالموت طلعت من الصياح خلود: ناصر...كيف بافهمك والله هاللي جانا من الله مالي انا دعوه فيه ناصر: مافي اختراع اسمه موانع ولا لازم انا اقولك عليه بعد لفت ولقت تحفه على الطاوله بعصبيه رمتها عاالارض لين صارت قطع صغيره منتشره على ارض الغرفه...وطلعت عنه.... خلاص ياناصر ماابي اكون معاك بمكان واحد..مسحت دموعها وهي توسع خطواتها بشكل كبير عالدرج الرخام... كانت اضعف من انها تقاوم طيحتها اللي جات من انفعالها وعصبيتها...طاحت بدون ماتدري لانها تسرع...وصارت على الارض...سمع هو صوت شهقتها طلع بسرعه من الغرفه وطل من فوق لما شافها طايحه في ظرف ثواني صار عندها ومسك وجهها والدمعه جمدت بعينه.....لا خلوود لا ارجوووك لايصير فيك شئ كيف باعيش دونك .. ............................ ممرضه تدخل وممرضه تطلع من الغرفه اللي دخلوها فيها...وكل مامرت دقيقه زاد الخوف في قلبه وضربات قلبه تزيد بجنون....مسك طرف الكرسي بقوه وهو متوتر وخايف عليها... انا السبب انا لو بيصير فيها شئ ماراح اسامح نفسي....يارب شفيها انت الوحيد العالم بحالتي... قام يروح ويجي في الممر وهو مشبك يدينه في بعض...حس بحد يطلع من الغرفه راح ركض للمرضه ولما شاف تعابير وجهها البارده انشل لسانه ماعرف ايش يقول... الممرضه: الجنين مات.... حس بحد صب عليه ماي بارد تجمد مكانه وهو يطالع الممرضه بذهول ناصر: وزوجتي؟ الممرضه: الحمدلله ربك ستر مافيها الا كل خير بس رجلها مرضوضه هي طاحت؟ ناصر: أي عالدرج الممرضه: الحمدلله جات على كذا..... ناصر: ممكن اشوفها؟ الممرضه: لا مو الحين انتظر شوي وبعدين ادخل انتظر نص ساعه ودخل بعدها وكانت معمضه عينها نايمه....راح ووقف جنبها ومسك يدها وضغط عليها اسف ياخلود والله ماكنت ابي كل هذا يصير... فتحت عينها ولف له..تذكرت ببطئ اللي صار بينهم فـ سحبت يدها ودمعت عينها... بعدها طالعت الغرفه مستغربه..تذكرت انها كانت معصبه وطاحت من الدرج حطت على طول يدها على بطنها وطالعته وبعينها رعب خايفه على ولدها.... خلود: ناصر قولي تكفى ان ولدي ماصار له شئ ناصر: خلود خلود بهستيريه وهي تبكي: تكفى قول انه مامات قووووول ناصر: حياتي هدي روحك لاتنفعلين...الله بيعوضنا خلود: انت السبب...انت السبب اكرهك دخلت الممرضه وراحت لعند خلود تهديها الممرضه: ممكن اخوي تطلع بره شوي بس طلع وجلس عالكرسي ورجله ترجف..... استاهل انا السبب المفروض مااسوي اللي سويته...والله حرام علي اللي سويته بهالمسكينه... شسوي الحين...مالي الا ارجع البيت ولما تهدء امرها..... ........................... كانت لازالت جالسه مع ريناد في بيت خالتها... ام محمد: شوق يمه...وين اخوك تأخر شوق: الحين ادق عليه ريناد: اقول شوشو شوق: هلا ريناد: نامي في بيتنا الليله شوق: انا مالي خص قولي لامي قامت ريناد وجلست جنب ام محمد ريناد: اقول خالتي ام محمد: هلا يمه ريناد: شرايك تنام معاي شوق الليله ام محمد: لامايصير حبيبتي ريناد: علشاني خالتي لاتردين لي هالطلب ام محمد: يلا علشانك بس شوق: هيييييه تحيا امي جات ام مازن ومعاها حور من المطبخ وانضموا لهم..... ام محمد: انتي دقيتي لاخوك شوق: اوووه نسيت ام محمد بعصبيه: يلا دقي عليه ايش تنتظرين انا اذا صار لي شئ كله منك... شوق: انزين يمه لاتزفين دقت اول مره مارد المره ثانيه رفعه من اول رنه........ محمد: هلا شوق شوق: انت وينك ورا ماترفعه زهقتنا اوووف منك محمد: تبين شئ؟ شوق: امي تقولك تعال رجعها البيت محمد: ليه وانتي مابترجعين؟ شوق: بنام في بيت عمي الليله محمد: شوشو حبيبتي انا الحين مع هبه اووكي شوق: يعني؟ محمد: شوفوا لكم حد غيري باي شوق: هيه انت تعال..... سكر بوجهها شوق: شفتي كيف يمه ولدك سكر الخط بوجهي ريناد: هههههههه شوق: أي اضحكي انتي شالت شوق مكسرات وحطتها بفم ريناد حتى تسكت ام محمد: شقال لك؟ شوق: يقول مع هبه شوفوا لكم حد غيره ام مازن: هذول وين راحوا موكأنهم تأخروا حور: يووه خالتي خليهم يتونسون ام محمد: اييييه الله يوفقهم ام مازن: امين وعقبال شوق وريناد شوق: امييييييين يارب العالمين ماحست الا بأمها راميه عليها علبه المناديل بوجهها شوق: ايييييييييي يعور ام محمد: استحي على وجهك فضحتيني حور: ههههههههههه خليها يمه تعبر عن شعورها شوق: انتوا ابدا ماعندكم حريه التعبير عن الرأي دخل بهالوقت بشار وماهر ومازن وانضموا لهم.... ام مازن: هلا بالشباب ماهر: هلا فيك ام مازن شلونك عساك بخير ام مازن: تمام الحمدلله لفت شوق لريناد وكلمتها بأذنها شوق: فديييييته بشار طالع قمر مع اللوك الجديد مااقدر كذا بموووت ريناد: هههههههههه مو احلى من... قاطعتها: من مزين؟؟ واااع ايش جاب لجاب ريناد: اسكتي يالدبه ام محمد: اقول يمه ماهر ماهر: هلا والله ام محمد: ماودي اكلف عليك بس محمد مشغول مايقدر يرجعني البيت بشار: افااااااااا يالغاليه افا يمممه ليش هالكلام ماهر: اقول هي كلمتني ماكلمتك قام ماهر وجلس جنب ام محمد اللي يعتبرها مثل امه بالضبط وباس يدها ماهر: يمه كلي لك كم بدريه عندنا الا وحده ام محمد: ههههههه الله يسلمك ياولدي قام بشار وجلس جنبها من الناحيه الثانيه بشار: بس هو ولدك يعني وانا؟ ام محمد: انت وماهر وريناد والله مثل عيالي واعز واحبكم مثل مااحبهم بشار: ايييه كذا حلوووه ام محمد: من ساعه مو حلوه يعني؟ بشار: ههههههههه الصراحه لا بس تدلعين زوج بنتك وانا لي الله ماحد معبرني ام محمد وهي تحط يدها على ظهره: انت بعد ولدي وحبيبي وادلعك شوق: احمممم احمممم وانا يممممه مالي في الطيب نصيب بشار: تكلمت سيده ملعقه شوق: نعم؟ شقلت؟ ام محمد: انتوا تشوفوني ليل نهار بس ماهر وبشار وين مساكين مااشوف الا بالاسبوع مره حور: يمه ترى بديت اغار ام محمد: يوووه جننتوني ماهر: هههههههه هذي طماعه من يومها مو كافيك انا حور: افا عليك يالغالي....الا مكفيني ماهر: أي حسبالي بعد....يلا خالتي مشينا ام مازن: اجلسوا معانا شوي وين رايحين ماهر: خلاص خالتي بنروح تأخر الوقت مشكوره على هالعشاء الرهيب ام مازن: هني وعافيه ان شاء الله ماهر: الله يعافيك.....هاااااااا اخونا مزييين الوووو مازن: ها ماهر: لامنت معانا وين رحت؟ مازن: ايش هاللقافه .. ماهر: زين يالخاين بوريك.....يلا بشار بتقوم ولا بتجلس مع الحلايه هذا مازن: حلايه بعينك... ريناد: لا لا كل شئ ولا اخوي ماهر لااحد يغلط عليه طالعها مازن بنص عين..... بشار:انا بجلس شوي انت اذلف وفارق واحنا بألف خير ماهر: هيييين ياالاصلع في البيت اوريك...مو تتأخر بشار: ماراح اتأخر جاي وراكم..... ماهر: طيب فمان الله حور: مع السلامه خالتي نردها لك ان شاء الله ام مازن: على خير ان شاء الله.... ام محمد: يلا مع السلامه ام مازن: الله يسلمكم ..................
|
|||||||||||||
|
|
06-29-2007, 10:39 PM
|
رقم المشاركة : 50 | ||||||||||||||
|
مش معقول هاد نهاية القصه يا ريت تكمليها ازا الها تكمه بس على السريع
|
||||||||||||||
|
|
|
06-30-2007, 03:23 AM
|
رقم المشاركة : 51 | ||||||||||||||
|
hi...plz kammela ..hayde manna ma32ool neheyet el essa..plzzzzzzzzzzzzz  w thx ..el essa rwa3a ....  betjannin..plz kammela..lezem ykon ila tekemle byeee...w thx again
|
||||||||||||||
|
|
|
06-30-2007, 03:25 AM
|
رقم المشاركة : 52 | ||||||||||||||||
|
وآلله مآشآآء آلله طويله يسلمووووو الدلع وإنـ شآآء برقآهآ وبعلمكـ وين وصلتـ^_^
|
||||||||||||||||
|
|
|
06-30-2007, 07:17 AM
|
رقم المشاركة : 53 | |||||||||||||
|
روووووووعه ننتضر الجز الثاني على احر من الجمر سيووووو
|
|||||||||||||
|
|
|
06-30-2007, 04:57 PM
|
رقم المشاركة : 54 | ||||||||||||
|
اّسفة ...لكن فيني أكممل القصة....لأن الكل متشوق ليسمعها ...و أسفة إذا أزعجتك ..قوليلي .. و هذه التكملة ... بعد ماطلع ماهر وزوجته وام محمد...استأذنت ام مازن وراحت تنام وتركتهم مع مازن لانهم من الاهل شوق: شرايكم نطلع رحله بشار: أي والله فكره...بما ان الاجازه جات وجات مازن: رحله لوين؟ ريناد: البر مازن: يازينك ساكته ريناد: نعم؟ تكلمني انا ريناد جاسم احم مازن: أي انتي ماغيرك ابتسمت شوق وهي تتذكرهم كيف كانوا قبل ليل نهار يتناقرون مازن: طيب انا عندي فكره ريناد: اتحفنا ياهذا بأفكارك الذهبيه مازن: نسوي تحدي واللي يكسب هالتحدي هو اللي يختار مكان الرحله شوق: احلى فكره ريناد: خلاص موافقين بس على شنو التحدي مازن بابتسامه: في غيره بلاي ستيشن ريناد: لا لا لا مااعرف العب عاااااااااد بشار: دامك ماتعرفين اجل روح جيبه مزين قام مازن وشغله وحط نفس اللعبه اللي لعبها مع ريناد العصر... وابتدا اللعب مازن وشوق وبشار وريناد احيانا والشباب فازوا عليهم بسهوووله شوق: اووووووووووه خسرنا بشار: اجل نروح المزرعه مازن: مسوين انتي وياها شخصيه وبعدين تخسروا ريناد: هالمره بنوافق نروح المزرعه بس مره ثانيه... قاطعها اخوها وهو يضحك: لاياشيخه بنمووووت عليكم لاتروحوا احسن شوق: على قلوبكم مافييييييييييه انزين مازن: لامانبيكم لاانتي ولا بنت عمك طالعته ريناد بحقد ولفت لبشار: يلا نروح بشار بشار: يلاااا مشييينا خلاص على اتفاقنا المزرعه انا اكلم ابوي يقول لعمي ونشوووف مازن: خلاص تم سلم بشار: الله يسلمك.... وطلع بشار للسياره وشوق وراه وريناد كانت اخر وحده مشى وراها وهي مطنشه مازن: يالدبه ريناد: لاتكلمني يالدب مازن: زعلانه يعني؟ ريناد: لاوالله ماتبيني اروح معاكم المزرعه هاااا مازن: هههههه أي ماابيك ريناد وهي توسع خطواتها وتطلع للمزرعه: خلاص براحتك مازن مسك يدها وسحبها لين صارت مقابل له مازن بالهمس: اموت فيك وانتي زعلانه.....ريناد احبك ريناد بدلع: وبعدين؟ مازن: واهواك ريناد: اووكي مازن: واحبك كلك على بعضك....الله لايخليني منك ريناد : اممممم مازن: مو تزعلين قلبي تراني امزح ابيك وابيك لاخر يوم بعمري ابتسمت له وبعدت للباب : تصبح على خير مازن: وانتي من اهله.... ........................ لما دخلت البيت صادفت رنه التلفون ام محمد: الو نعم؟ ناصر بصوت مخنوق: السلام عليكم ام محمد: ناصر هلا يمه شفيه صوتك؟؟؟ ناصر: خلود ام محمد ويدها على قلبي: يمه بنيتي شفيها؟؟ ناصر: اجهضت ام محمد بانسار: اجهضت؟ لاحول ولاقوه الا بالله....كيف صار هالكلام ومتى؟ طلعت من بيت خالتها مافيها شئ ناصر: من ساعه بس طاحت من الدرج ووديتها المستشفى ونزلت دموعها على بنتها... ناصر: اسف عمتي بس قلت لازم اخبرك ام محمد: طيب حط بالك عليها وداريها....مع السلامه ناصر: الله يسلمك مسكت طرف عبايتها وبخطوات واسعه وصلت غرفتها وشغلت الانوار...هو قام مفزوع على حركتها.... ابومحمد: خير خير شفيك طايره ياساتر ام محمد وهي تمسح دموعها: قوم بنتك بالمستشفى ابومحمد: حور؟ بدري على ولادتها ام محمد: لا مو حور ياعبدلله.....خلود اجهضت قالت هالجمله وجلست عالسرير تبكي....اما هو انصدم وماقال شئ ..... ........................... لما وصلوا البيت كان بشار يمشي بتكاسل ومغمض عينه من التعب الا يصدم بالعمود بشار: اييييييييييييييييييييي ريناد: ههههههههههههههههههههه فتح يااخي مو تمشي مغمض شوق: اسكتي تضحكين على اخوك يالخبله..سلامات بشار بشار: الله يسلمك شوق .....تصبحون على خير ريناد: وانت من اهله.....اقول شوشو شرايك نسهر على فلم شوق: عندك فلم 13 going 30 ؟ ريناد: يس عندي مو تنامي عاد بنص الفلم شوق: ليش مثلك هذاك اليوم يالدبه شفيه بشار علي اليوم ريناد: مافيه شئ شوق: ليش مطنشني ماسويت له شئ حرااااااااام ريناد: عن البربره الزايده يلاااا وصعدوا الدرج وهو يسولفوا ويضحكوا وجلسوا بالصاله اللي تتوسط غرف نومهم.....ريناد انسدحت على كنبه وشوق عالكنبه الثانيه بعد ماحطوا الفلم........وفجأه قامت شوق ريناد: هاااا الحبيبه وين رايحه؟ شوق: باروح البس بيجامه من عندك ريناد: روحي ربنا يحرسك يامحبوبه ويسدد خطاكي شوق: حشى ولارايحه اعرس مع خشمك ريناد: فال خير ياقلبي رمت عليها عبايتها ودخلت غرفة ريناد وقفلت الباب...لبست بيجامه حرير ازرق غامق وفكت شعرها على اكتافها ....راحت وقفت عند نافذه ريناد اللي تطل عالشارع...وشافت اسيارات تروح وتجي الا سياره سوداء واقفه مقابل بوابة البيت ولما ركزت عرفتها.....طلعت بسرعه لريناد وسحبتها من يدها لداخل الغرفه ريناد: عورتيني شوقوه ايش تبين؟ شوق: يالخبله بوريك شئ طالعي نزلت عينها للشارع وشافت سيارة بدر ريناد: ويييي خيبه تخيبه هذا شفيييه تراه مصخها شوق: اول مره يجي عند بيتكم؟ ريناد بارتباك: مادري مادري لاتسألين ايش الحل الحين؟ شوق: نقول لمحمد مافي حل غيره او لواحد من اخوانك ريناد: لا لا اخاف عليهم شوق تخيلي يجيهم شئ.. شوق: ليش وين قاعدين بفلم هندي...هيييه احنا بالشرقيه ريناد: ياثقل دمك ياشيخه ندري بالغربيه اقصد الشرقيه احر ماعندي ابرد ماعندك شوق وهي تمسك خصله من شعر ريناد بقوه: مو لأنك خبله ياحظي...شنو بتسكتين عنه؟ براحتك وتحملي اللي يجيك ذنبك على جنبك اليوم جاء عند باب البيت بكره الله يستر مايتسلق السور وينط في بلكونه غرفتك ويدخل لك سكتت شوق وهي شوي وتنفجر من الضحك على شكل ريناد اللي مكشره ومصدقه كلام شوق شوق ويدها على بطنها: ههههههههههههههههههه طلعت من الغرفه بسرعه ولحقت شوق بس وقفت لما شافت اضواء غرفة ابوها مشغله ريناد: غريبه ابوي للحين صاحي انتظريني باروح اشوفه شوق: اووكي جيرل تيك يور تايم وهي جايه تدخل سمعت صوت سعال متواصل ....قربت منه بسرعه وحطت راسها بحضنه ريناد: سلامتك يبه..... ابوماهر: ريناد ليش للحين صاحيه ريناد: سهرانه يبه مع شوق بتنام عندي الليله ابوماهر: تمام حتى ماتبقين لوحدك ريناد: شربت دواك يبه ابوماهر: لاماشربته..مليت ياريناد مامنها فايده هالادويه خلاص عفتها ريناد: يبه بزعل ان قلت هالكلام ثاني مره مايصير اخاف عليك يالغالي مالنا غيرك سكتت وهي تفكر....انا مقصره مع ابوي المفروض اداريه واعطيه الدواء بنفسي ريناد: يبه انا اسفه ابوماهر: ليش ريناد؟ ريناد: ادري مقصره بحقك....اوعدك من اليوم ورايح بدلعك دلع ماصار وبعطيك الدواء بنفسي ابوماهر:ههههههههه بنشووف ريناد: ها يبه كأنك مو مصدقني ابوماهر: لا يابنيتي بس انتي واخوانك مو مقصرين معاي ماابي شئ من هالدنيا غير تكونوا حولي بخير وسلامه ريناد: وحنا معاك يالغالي.. .......................... من الساعه 8 الصباح راحت مع زوجها الى بنتها بالمستشفى...دخلوا ولقوها نايمه وشعرها على وجهها والشحوب كاسي هالوجه الابيض البريء ام محمد وهي تبوس راس بيتها: الحمدلله على سلامتك حبيبتي نقزت لما سمعت الصوت ومسكت يد امها خلود وهي تشوي وتبكي: يمه لاتروحين عني ابيك وانفجرت في الصياح ابومحمد: بنيتي خلود لاتسوين بنفسك يبه كذا اللي راح راح والله بيعوضك خير ان شاء الله خلود: يبه ولدي مات قبل مااشوفه ماااات ابومحمد: قضاء الله ياخلود..استغفري ربك ام محمد: زوجك وينه ليه مخليك لوحدك طالعت امها بعين كلها يأس ودنقت ام محمد اشرت الى ابومحمد يطلع لانها حست ان خلود فيها شئ غير سالفه ولدها.....وبعد ماطلع ام محمد: يمه خلود شفيك؟ بكت بدون ماتجاوب على سؤال امها ام محمد: بادق على ناصر يجي لك خلود: لا يمه ام محمد: ليش؟ شصاير خلود بعصبيه: ولاشئ لاتجيبوا لي طاريه ام محمد: شلون؟؟؟ ليييش تكلمي شصاير بينكم خلود: هو السبب هو اللي قتل ولدي... عقدت حواجبها وجلست على طرف السرير حتى تفهم كل السالفه... ام محمد بانفعال: ليش هو السبب تكلمي وقالت لامها كل اللي صار...عصبت وقامت من السرير ومسكت جوالها خلود وهي تمسك يد امها: لايمه....لاتدقين عليه ام محمد بعصبيه: خليني اتفاهم وياه ..المفروض يراعيك ويداريك مو يعصب عليك ويطنشك وانتي بهالحاله....ماتوقعتها منه ابدا خلود: خليه براحته يسوي اللي يبي اصلا انا مليت منه وعفته ام محمد:ايش تقصدين؟ خلود: ماابي اعيش معاه...خليه يطلقني ام محمد: ياكبرها عن ربي طلاق مره وحده؟ اعوذ بالله من هالطاري خلود: اجل يمه تبيني اعيش مع واحد مايحبني ولايعبرني ام محمد: بس الطلاق مو الحل يابنيتي...لاتضيعين حياتك بخبالك وجنونك خلود: انا في كامل عقلي..يمه عارفه يعني ايش عفته..يعني ماابيه بعد اليوم ام محمد: انا باخليك الحين...لما تطلعين بالسلامه من المستشفى يصير خير عصبت من كلام امها وصدت الناحيه الثانيه...بعد نص ساعه جاء وبيده باقه ورد... ناصر: السلام عليكم ام محمد: ناصر؟ وعليكم السلام ناصر: كيف حالك عمتي؟ ام محمد: من بعد اللي سمعته من خلود مو بخير ياربي قالت لها كل شئ....كيف اتصرف الحين ناصر: عمتي انا.... ام محمد: خلود قالت لي كل شئ خلود: طلقني كلمتها جمدته مكانه طالعها بتفحص..وراح لها ناصر: انتي ايش تقولين خلود والدمعه بعينها: اللي سمعته....خلاص ماابي اعيش وياك طلقني ام محمد: ناصر لاتاخذ على كلامها ناصر وهو يبعد وعينه لازالت عليها: بتركها ترتاح الحين....خلود راجعي نفسك رجع البيت والدنيا ظايقه فيه ويلعن الساعه اللي عصب فيها عليها...لقى ابوه بالصاله ناصر: السلام عليكم ابوناصر: وعليكم السلام...انت وينك وحرمتك وينها ناصر وهو منزل راسه: بالمستشفى استغرب ونزل كوب الحليب اللي كان بيده ولف لولده ابوناصر: عسى ماشر ناصر: طاح اللي في بطنها ابوناصر: كيف؟؟ لاحووول ومتى صار هالحكي؟ ناصر: امس الليل ابوناصر: عاد كيف صار هالشئ؟ ناصر: طاحت من الدرج بس كنت انا السبب ابوناصر: ايش مسوي من مصايب بعد ناصر: عصبت عليها كان تنزل من الدرح زعلانه وتبكي حيل وطاحت ابوناصر: الله يغربلك فشلتنا قدام الاوادم...شفيك انت مو هذاك اليوم موصيك عليها..ليش هي لعبه في يدك...يلا الحين الولد وراح واذا وافقت ترجع لك يكون من طيب اصلها وان مارجعت لك تستاهل اجلس حط يدك على خدك وابكي على الاطلال ناصر: اوووه يبه اللي فيني كافيني..هي بدون شئ تقول ماتبيني ابوناصر: أي اكيد معاها حق ناصر: يبه انا ولدك وتوقف معاها ضدي ابوناصر: انا مع الحق..ماالومها هذا ضناها الاول...قولي الحين كيف باحط عيني بعين ابوها واخوها هااا كيييف طلعت ام ناصر من المطبخ لما سمعت صراخهم وجلست جنب ناصر... ام ناصر: شصاير اصواتكم واصله لعندي...ناصر حبيبي انت وينك طالع من الصباح ابوناصر: مااقول الا حبك برص انتي وياه ام ناصر: ليش أنا ايش سويت وولدي شدخله ابوناصر: ماتعرفين يعني خبال ولدك لكن هذا كله من دلعك له ناصر: يبه تكفى قلت لك مو ناقص اللي فيني مكفيني ابوناصر: ان شاء الله تبينا نسكت لك عن اللي سويته في بنت الناس ام ناصر: فهموني ايش صاير ابوناصر: ولدك امس مهاوش حرمته وزعلت البنت وهي تنزل عالدرج طاحت ام ناصر: جد؟؟؟ عسى ماصار فيها شئ واللي ببطنها ماتضرر ناصر: مات اللي ببطنها سكتت بعد ماحست بخيبه امل..كانت فرحانه بهالحفيد خاصه انه من ناصر اقرب عيالها لقلبها.... ابوناصر: هااا اشوفك ساكته ليكون بس راضيه عن اللي صار ام ناصر: اكيد لا..اهلها عرفوا؟ ناصر: أي..وقالت لامها كل شئ ام ناصر: هذا اللي كنت خايفه منه....تتوقع بيوافقوا يرجعوها لك ناصر: مو هذا اللي تبينه يمه..تطمني مابترجع ماتبيني قام وطلع عنهم وهو مفور ... ام ناصر: شرايك توديني لها ابوناصر: الطيبه من وين نازله عليك ام ناصر: عاالاقل وجودي يمكن يهدي الوضع باروح علشان ناصر ماتشوف حالته كيف ابوناصر: ونعم الكلام العصر اوديك لها .................... بعد ماجات لها امها الغرفه وقالت لها انها بتروح لخلود تتطمن عليها رجعت حتى تنام بس ماجاها النوم...وهي تفكر في محمد..وحشني من امس..اااه فديته كان امس اخر رومنسيه وحنان... اما هو كان جالس عالبحر ويده تلعب بالرمل وخصلات شعره الاسود الاماميه مغطيه جزء من جبينه ويفكر فيها...وفي حياته الجايه معاها...طيفها امس وهي تدلعه وتمسك يده وتمزح معاه وتحسسه بالحب اللي افتقده من زمان خلاص يشوف الحياه من زاويه ورديه..ابتسم وهو متفائل بخير...طلع جواله ودق عليها.... رفعته من اول رنه وهي فرحانه... هبه: هلا بحياتي توها راده لي الروح محمد: هلا هبه....عسى ماازعجتك يالغلا وكنت نايمه هبه: لاحبيبي كنت افكر فيك محمد: جد؟ هبه: من امس وانا افكر فيك مارحت لحظه عن بالي محمد: كل هذا حب؟ هبه: بس احبك؟ افديك بحياتي محمد محمد: الله لايحرمني ولايخليني منك ...اخبارك بعد؟ هبه: والله تمام....الاصح الحمدلله على سلامة خلود محمد: الله يسلمك هبه: وينك انت بالمستشفى؟ محمد: لا عالبحر هبه: الله جد؟؟ ياحظك محمد: تحبين البحر؟ هبه: ومن مايحبه؟ محمد: اجل لو ادري مريت عليك هبه: لاحبيبي اهم شئ وناستك محمد وهو يتنهد: هبه هبه: هلا محمد: تدرين اني مالقيت وناستي الا معاك..اقسم لك بربي اني قبلك كنت ضايع ومالي أي هدف بحياتي بس الحين غير هبه: الله يبقينا لبعض حبيبي قول امين محمد: امين..اقول هبويتي هبه: هلا محمد: قومي اجهزي بامرك هبه: هههههه من جدك؟ محمد: أي من جدي قومي يلااا هبه: اووكي محمد: يلا دقايق وانا عندك امووواااه باي ابتسمت...اول مره يعطني بوسه عالتلفون محمد: كل هذا حيا هههه باي هبه: هههه بايات قامت لبست ملابس سبورت وحطت لها شادو ابيض ومسكره وجلوس ولبست عبايتها واخذت شنطتها وقبل ماتنزل للدور الارضي دخلت غرفة مازن وكان نايم كالعاده بشكل مقلوب يعني رجله على المخده وراسه بالناحيه الثانيه..والبطانيه عالارض..وكان واضح انه بردان لانه حاضن يدينه..ضحكت عليه وشالت البطانيه غطته وباسته على جبينه...ابتسم وفتح عينه بس كشر يوم شافها مازن: اوووف انتي؟ انا قلت تحقق الحلم وجات تبوسني هبه: نعم مازن افندي؟ ليكون حاب من وراي مازن: توك تعرفين يعني اني احب
|
||||||||||||
|
|
|
06-30-2007, 05:02 PM
|
رقم المشاركة : 55 | ||||||||||||
|
طالعته وهي معقده حواجبها ويدها براسها ...مزووون يحب؟؟ يؤؤؤ من متى عاد ومن اللي سرقت قلبه استغلت الفرصه انه نايم واكيد لو سألته بيقول لها كل شئ يعني باختصار مفهي هبه: ومن اللي تحبها مازن: تعرفيها هبه: من؟ مازن: ريناد فتحت عينها عاالاخير...ريناد ماغيرها؟؟ هههههههه ايالدب من ورانا مسوي بعد قصص حب وهيام...معقوله هي تحبه؟؟؟ ياحليله اخوي بس عرف يختار.... استغربت من نفسها اول مره تعترف ان ريناد حلوووه...ههههههه مادري شفيني اليوم راضيه عن الكل على غير العاده يارب دوووم...بس لحظه اييييييييي تذكرت هذا يفسر تعصيبه هذاك اليوم لما رجعنا من البحرين وريناد طاحت غشيانه...رن على جوالها رنه نزلت بعدها بسرعه وصادفت الخادمه بالصاله الخادمه: ماما هبه وين يروح؟ هبه: اسمعيني توتو انا باروح ساعه مع بابا محمد اوكي الخادمه: زوج مال انته هبه: أي ياشينك...اذا جات ماما قولي ماراح اتأخر اوكي الخادمه: اوكي ماما طلعت وماكانت متغطيه....كالعاده هبه: مرحبا محمد: مراحب هبه: عسى ماتأخرت عليك محمد محمد: لاعادي...ليه كاشفه وجهك....تغطي هبه: اتغطى؟ اول مره تقولي اتغطى محمد انا متعوده اكشف وجهي محمد: بس الحين غير صرتي على ذمتي ولي حق عليك صح؟ هبه: بس متعوده حمودي محمد: لازم يعني اعصب عليك؟ قربت منه ولفت يدها حول ذراعه هبه: تغار يعني؟ محمد وهو يسحب يده بارتباك: مو مسأله غيره بس ماله داعي اللي يسوى واللي مايسوى يشوفك هبه: خلاص حبيبي ولاتزغل بتغطى علشانك... استمر بعدها الصمت بينهم 5 دقايق قطعه رنين جواله...طلعه من جيبه وهو مبتسم كان رقم غريب جاء بيرفعه بس استوقفته الارقام المميزه اللي كان يعشقها في يوم من الايام..رجفه سرت بكل جسمه...سماح؟؟ تذكرني بعد مااخطب؟؟ ليش....عطاها مشغول وضغط عالدركسون اكثر وزاد سرعته...هي تملكتها الحيره وشكت في الموضوع لان حركاته ماكانت طبيعيه... هبه: محمد حبيبي من المتصل؟ محمد:........هذا واحد من اصحابي هبه: ليه مارديت عليه محمد: لابعدين انا اكلمه مو فاضي له حاول يرسم ابتسامه على شفايفه تطلع قدر الامكان حقيقيه حتى ينقذ الموقف..بس صوت المسج اللي وصل وتره اكثر فتحه وقراه (( محمد..تكفى رد الموضوع خطير....سماح)) وقف عند البحر ولف يطالعها محمد: هبه انزلي اختاري لنا مكان كويس نجلس فيه وانا اجيب من الدبه بساط نجلس عليه هبه: اووكي نزلت وبعدها دق على سماح وهو متلوم وكاره نفسه بس بيشوف سالفتها الظروريه اللي خلتها تدق عليه وهي عارفه انه خاطب..... رفعته دايركت وصوتها صاير غريب وغير عن كل مره سماح: الو محمد محمد :.......شفيك؟ سماح: عرفت باللي صار لي؟ محمد: ايش اللي صاير وليه متصله علي وانتي تعرفين اني خاطب اظن الحركه مالها داعي سماح: الله يالدنيا محمد تراني حبيبتك سماح شفيك...بدل ماتقولي عظم الله اجرك بلع ريقه وهو يطالع هبه اللي واقفه عند البحر محمد: من مات؟ سماح: زوجي محمد: وتقوليها بعد بقواة عين...انتي الحين في العده وداقي علي وتخبريني ببرود بهالخبر سماح: تدري اني ماكنت احبه محمد: ولو ياسماح حرام اللي تسوينه..... سماح: محمد لاتتركني مالي غيرك... سكت وهو يحاول مايحن لهالصوت اللي افتقده من زمان محمد: بعد ماراح راجعه لي؟ لفت هبه وشافته يكلم جوال وملامحه متغيره 180 درجه شكله متوتر على معصب على مرتبك خافت عليه وراحت من ورا السياره والنافذه كانت مفتوحه وقدرت تسمع كلامه اللي وقفها مكانها.... محمد: ماتردين ياسماح سماح: ماتوقعت يكون هذا استقبالك لي اقولك لاتتركني ماعندي غيرك بهالدنيا..انت ماعندك قلب محمد: وانتي وين قلبك يوم اجيك ملهوف وكلي شوق صديتيني بقسوه وقلتي انساني واتركني في حالي لاني بنساك.... سماح: هذاك اليوم كنت متصل تخبرني بخطوبتك محمد: سماح كنت احبك وكنت مستعد اترك هبه بنت خالتي علشانك لو عطيتيني بس شويه امل لكنك صديتيني وانهيتي كل اللي بيننا...... ماقدرت هبه تتحمل اللي سمعته نزلت دموعها على خدها وصعدت السياره وهي تطالعه ومصدومه..هو ارتبك وطاح الجوال بحضنه على طول وخايف لتكون سمعت كلامه ولكن لما شاف دموعها تأكد انها سمعت وان مشكله كبيره بتصير هبه: ليش يامحمد....لييييش؟؟ ليش ماقلت لي انك ماتبيني وان بقلبك وحده غيري...ليش توهمني بأنك مرتاح معاي وانك محتاجني قربك حرام عليك شال الجوال وكلم سماح وهو معصب ومفور.... محمد: سماح سماح ببرود: اووه هذي خطيبتك اتاريك بعد كذبت عليها.... محمد بعصبيه: اسمعيني سماح زوجك مات او عاش انتي الحين ماتهميني علشان كذا اقولك خلاص روحي في طريقك الله يوفقك وانا الحين بحياتي وحده غيرك عاالاقل احترمت مشاعري مو مثلك باي سكر وهو يرجف من العصبيه وحط يده على ظهر هبه اللي مغطيه ووجهها بيدها وتبكي من قلب محمد: هبه هبه: رجعني البيت محمد: مو قبل مانتفاهم... هبه بانكسار: في ايش يامحمد بنتفاهم...انت مو مجبور تحبي او تتزوجني تبيها وتحبها ارجع لها صدقني ماامانع..(.نزلت دموعها وطالعته بحزن) تدري اني احبك واتمنى اشوفك سعيد لو مع وحده غيري... كلماتها كانت مثل السكاكين بقلبه... محمد وهو يمسك يدها: هبه وربي لو تدرين اني تعودت عليك مااتخيل اتركك وارجع لوحده باعتني بالرخيص هبه: لاتجاملني بهالكلام انتي تحبها ماتحبني اعترف ليش خايف تقولها محمد: لو كانت لسه بقلبي وابيها واتمنى اتزوجها كان ماافكرت اخذ غيرها سماح نسيتها وشلتها من قلبي....ماابيها ياهبه..ابيك انتي
|
||||||||||||
|
|
|
06-30-2007, 05:04 PM
|
رقم المشاركة : 56 | ||||||||||||
|
نزلت راسها وهي تفكر ...توقعت يامحمد القى فيك اللي انحرمت منه طول حياتي صبرت سنين لين صرت لي بعدها غيرني هالحب اللي في قلبي خلاني احب هالعالم كثر حبي لك.. هبه: ممكن ترجعني البيت طنش جملتها الاخيره وحرك بسيارته وكان يمشي في طرق وشوارع ماتعرفها هبه بخوف: وين رايحين؟ قلت لك رجعني البيت محمد: ممكن تسكتي شوي؟ هبه: لا مو ممكن تكفى محمد ماابي أي شئ منك رجعني البيت واستمر يمشي وهو ساكت وهي تتوسل يرجعها البيت لين وقف عند عماره جديده نوعا ماوراح فتح لها الباب محمد: تفضلي هبه: وين؟ محمد: انزلي وفوق نتفاهم.. هبه: الحين تفهمني انت وين جايبني سحبها من يدها بشويش وطلعها من السياره وبقى ماسكها لين دخلوا اللفت ووقف في الدور الثالث وطلع من جيبه مفتاح وفتح الشقه هبه: شقة مين هذي؟ محمد: احم..شقه محمد عبدالله وبتكون شقتك مستقبلا هبه: انت عندك شقه؟ محمد: يس ادخلي وافهمك كل شئ دخلت وقامت تحول نظرها من ركن للثاني ..الشقه كانت مقلوبه فوق تحت يعني شقه عزابي ميه الميه...الملابس عالكنب والكاسات والصحون عاالارض وارواق واقلام ودفاتر واشرطه وكاسيتات هبه: من متى عندك هالشقه...ماكنت عارفه محمد وهو يجلس عالكنبه ويحط رجل على رجل: ماحد غيرك يدري عنها ومااوصيك لااحد يعرف..تعالي جنبي هبه: ماابي قام سحبها وجلسها قربه وحط يده على كتفها بقوه حتى ماتفكر تقوم.... هبه: بعد عني محمد: ههههههه كل هذا تغلي هبه: مااتغلى محمد: طيب هبه اسمعيني هبه: ايش اسمع يامحمد محمد: هبه اسمعيني اسف عاللي صار ..سماح ماانكر كنت احبها وابيها بس البنت تزوجت وراحت في حال سبيلها وصدقيني ياهبه من يوم اخر مره كلمتها وصدتني وقال اتركني بديت اشغل نفسي بأشياء ثانيه حتى انساها وخطبتك والله نسيتها... هبه: بس هي تحبك محمد: مادري هبه: ليش تزوجت غيرك محمد: عمها غصبها هبه: يعني ماباعتك محمد: الا باعتني....يوم ملكتنا كلمتها ياهبه توقعتها تزعل وتتضايق وتترجاني مااملك عليك بس قالت انساني والله يوفقك ومن هالكلام يعني ماتبيني هبه: ردة فعل طبيعيه لانك فكرت تاخذ غيرها محمد بعصبيه: انتي ليش تدافعين عنها ها؟ حطوك محامي عليها؟ اسامحها يعني؟ هذا اللي تبينه دق قلبها بسرعه وحست انها على مفترق طريقين كل واحد اصعب من الثاني..لازال يفكر فيها وانا خطيبته مع وقف التنفيذ لكن هذا عقابي من الله ليش اكذب عليه من الاول واقوله قبل مانملك ان امي عرفت انه نزل البيت يوم زواج خلود وهاوشتني وطقتني....استاهل هبه: محمد سوي اللي يريح انا ماراح اتدخل محمد: شلون ماراح تتدخلين شفيك انا بحسبة زوجك ماتغارين علي؟ ماتبيني؟ هبه بابتسامه: ابيك واحبك بس انت تبيني؟ حبها على جبينها وضمها : كيف ماابيك انتي بنت خالتي وخطيبتي وبكره زوجتي ..ايش ابي اكثر تدلعيني وتهتمين فيني وبين كل وجبه تدقين اكلت او لا...نام زين وذاكر زين....ماابي كل هذا يروح مني واللي صار اليوم ماابيه يغير من شعورك ناحيتي هبه: كيف تطلب مني هالطلب الصعب.. محمد: اوووه هبه...لاتعقدين المسائل اكثر انتي تدرين احنا في شهر كم؟ هبه: سبعه محمد: يعني بعد شهرين بيصير زواجنا مثل مااتفقت امي مع خالتي وتبينا نبتدي حياتنا بمشاكل مثل هذي؟ ابتسمت بيأس ومسكت يده : محمد فكر بغيري..اكرهني مااجبرك تحبني ماابي كل هذا اللي ابيه تكون جنبي ليل نهار....وجودك معاي يحسسني باالامان ماابي شئ غيره..توعدني بهالشئ؟؟ غمض عينه وهو يفكر في كلامها وكان واضحه نبره اليأس والحرمان فيه.... لهالدرجه تحبني وخايفه تفقدني ..بس حرام اللي اسويه فيها البنت تحبني وهي يتيمه مالها حد بهالدنيا غير امها واخوها..كيف ياربي كنت احسها لغز كبير مغلف بالانانيه والغرور بس من خطبتها اكتشفت اشياء ماكنت اعرفها عنها...
|
||||||||||||
|
|
.gif)
