السلام عليكم ورحمة الله وبركاته
هذي القصه لاول مره تنكتب بعالم الانترنت وعنوانها (( الالم )) وهي من تأليفي (( Bekham 7 )) واتمنى تعجبكم واخليكم مع القصه ....
كل إنسان منى يتمنى لو أن يجد شخصا ما يحبه يحترمه ويقدره ، ويجد في هذا الإنسان الصدق والحب والطمأنينة ، وفي هذا العالم قله قليله ما نجد أناس يقدرون هذا الشيء ..
ولكن هنا وفي هذه القصه نجد أشياء كثيرة اكبر من الحب والصدق والطمأنينة نجد الحب والإخلاص والوفاء والتضـــــــــــحية من كل من الطرفين ..
كمل تعودنا في عالمنا الخليجي أن بنت العم لابن العم وبنت الخال لابن الخال وهكذا الحال في عالمنا الخليجي وهذا ما تعارفنا عليه منذ خلقنا في هذه الدنيا... وفي عائلة أبو يوسف التي تتكون أسرته من يوسف الابن الكبير وريم دلوعة البيت وزوجته ألبنانية .. وفي محض الصدف وجد ابو يوسف ابنه وبنته يحبون ابناء عمهم ابو خالد .. وعايلة ابو خالد الي تتكون من العم محمد وابنائه الكبيرة رغد والاصغر خالد والاصغر فهد والاصغر رهام وزوجته بدريه .. وبعد قوة العلاقه بين الطرفين ريم وخالد ويوسف ورغد قرر ابو يوسف انه يخطب بنت اخوه لابنه ،وفاتح ولده يوسف بالموضوع وقاله : يوسف بما انك تحب بنت عمك وتبيها شرايك لو نخطبها لك وتتزوجون ونفرح فيكم سكت يوسف وبعدها قال الي تشوفه يايبه وتوكل على الله وراح ابو يوسف وولده وزجته وخطبوا بنت اخوه لولده يوسف ووفقه الله وملجوا وعدت الايام والاشهر الى ان وصل يوم زواج يوسف ورغد والفرحه مو سايعه لا يوسف ولا رغد وكان يوم من الخيال بالنسبه لهم وبعد أن تم الزواج ومرت الايام على هذا الزواج قام خالد وفاتح ريم بموضوع الزواج وقال : ريم الحين الي كنا قايلين انهم ماراح يوافقون على زواجي انا وانتي وكا تزوجوا والحمدلله صارلهم فتره من زواجهم شلي يمنع اننا نتزوج مثلهم خلاص قالت ريم : أي بس انا ماراح اقدر اتزوج الحين خالد لانك انت عارف اني باقيلي الا سنيتن على دراستي وبعدين لا تنسى ان الجامعه يعني احتمال اخذ كورسات صيفيه يعني اذا تزوجة بتعطل وانا خاطري اخلص الجامعه بأربع سنوات. خالد ::.ياعمري ان شاء الله انج راح تخلصينها وانتي عندي وان شاء الله اني راح اساعدج بدراستج ولا تحاتين هالشي بس وافقي علشان اقول لابوي اننا قررنا نتزوج .... لا خالد انا ابي على الاقل ا يكون باقيلي سنه علشان اقول ان ما بقالي شي واخلص ... ريم شفرقة السنه عن السنتين يعني ... مابي كيفي يا انك تنطرني سنه بعد يا روح دور غيري >>> وتضحك ريم .. ماشي يا ريم بتحمل هالسنه واذا يت السنه الجايه وقلتيلي سنه بعد تأكدي اني باخذ وحده غيرج >> يضحك
وظل خالد كل يوم يشجع ريم على الدراسه وانها لازم تشد حيلها وتخلص هالسنه على خيررر ... وطبعا هالسنه عند خالد عن 5 سنين .. وكان دايما يقول حق ريم الله يصبرنااا... ومرت هالنسه وخطب خالد ريم ووافق الطرفين مع العلم ان ريم تعبانه بمرض القلب ولكنها تتعاطى العلاج وبأنتظام علشان جذي ما يبين انها تعبانه .. وتم زواج ريم على خالد وفي يوم الزواج (( ليلة الدخله على قولة اخوانا المصرين )) وكما هو الحال مع أي طرفين متزوجين في يووم زواجهم بدا كلام الحب والرومنسيه وتبادل ريم وخالد اطراف الحديث ومع هذا الكلام قال خالد لريم : حبيبتي انا ابيج تترسين علي البيت هذااااااا كله عيال ابيهم كلهم بنات قالت ليش يعني بنات شمعنااا قال علشان اسميهم ريم 1 وريم 2 وريم 3 وريم 4 ....... ألخ علشان اظل طول يومي اشوفج بكل مكان قالت ريم ، وانا ابي ايب عيال وااااااااااااايد وابيهم كلهم صبيان ضحك خالد ليش يعني علشان تسمينهم خالد ضحكت ريم وقالت أي قال لا لاني اغار عليج وما ابيج تنادين خالد غيري ووماتشوفين غيري يا قلبي ... وغمرت الفرحه والسعاده قلب ريم وخالد ومرت الأيام على زواجهم وفي يوم دخل خالد على ريم غرفتها وهو طاااير من الفرحه قال ريم ردت هلا ريم عمري رغد اختي حامل يعني انا بصير خال وانتي بتصيرين عمه ... فرحة ريم وقالت الفال لنا يارب ويكونون هم عمه و خال... ونزلت ريم لعمتها بدريه تحت وكان عندها رغد بنتها قالت رغد مبروك والله يقومج بالسلامه يارب ردت رغد الله يسلمج ويالله شدوا حيلكم انتي وخالد ويبولنا ياهل علشان يتهاوش مع الياهل الي بيي بالطريج ههههههه قالت ريم الله كريم (( مع العلم ان ريم تموت بشي اسمه يهال )) ومرت الاشهر والايام على حمل رغد وقربت ولادتهاا بمولودها الاول وطبعا الفرحه تعم العايله كلها وقالت رغد لريم شرايج لو نروح ونشتري هدوم البيبي مع بعض ووافقة ريم انها تروح معاها بس قالت رغوده خليني بس اعطي خالد خبر واتصلت ريم بخالد وبغلته انها بتروح مع رغد واخوها يوسف يشترون اغراض البيبي قال اوكي يا عمري علشان بالمره تاخذين خبره علشان البيبي مالناا.. وراحت رغد وريم السوق >>> وما ادراك ما النساء والسووق !! يعني حب مو طبيعي وصرف ايظا مو طبيعي
وكل ما طاحت عين ريم على بدله او جوتي او ما شابه ورته رغد وحطوها بالسله الى ان تقريبا تقريبا ما بقى شي بالمحل ما شروه حق النونو الي جاي بالطريج .. وبعد مارجعوا البيت وهم محملين الاغراض معاهم وصل خالد البيت وشاف الاغراض الي شارينهم يوسف ورغد للبيبي الي جاي بالطريج وقعد صوب امه وقعد يطالع الاغراض ويقول الله اسم الله الله يبارك لكم فيه يارب وكانت ريم هم طايره من الفرحه انه بتكون عمه للحفيد الاول لامها وابوها وقعد خالد يطالع رغد ويوسف وامه وابوه وريم فرحانين بالاغراض الي شارينها للبيبي ويفكر بينه وبين نفسه عن السبب الي مأخر ريم للحين ماحملت وخاف انه يكون السبب تأخير يكون منه وقعد طول الليل يفكر بهالشي الى ان حست فيه ريم وقامة من نومها خالد شفيك حبيبي !! ما نمت للحين فيك شي قالها لاما فيني شي نامي انتي ولا تفكرين وقالت ريم مو معقوله خالد مافيك شي وانت للحين مانمت وقرب الفجر يأذن وانت للحين قاعد اكيد فيك شي خالد انت من متى تحاتي شي او تفكر فيه وتخش علي قولي شفيك ريحني قالها ريم انا افكر فيني وفيج قالت ليش احنا شفينا الحمدلله احنا بخير قال أي انا عارف بس انا افكر اننا الحين بنتم السنه وشوي وللحين ما يبنالنا ياهل وقاعد افكر لو اننا نروح نسوي فحوصات وتحاليل ونعرف شنو سبب تأخر الحمل واذا في شي نتلاحقه قالتله ريم بس .... ؟؟!! هذا الي مكدر خاطر حبيبي ومخليه للحينه سهران ومو قادر ينام من باجر الصبح اول ما نقوم نروح ونسوي الي يريح بالك ولا ان حبيبي يحاتي ولا ينام والا تدري قوم قوم المستشفيات الخاصة مبطله 24 ساعه يالله يالله خلينا نروح وقامت تبي تغير ملابسها ومسكها خالد انتي وين رايحه هبله تالي الليل اطلع يبه من اصبح افلح ويوم صار الصبح تريق خالد وريم وراحوا المستشفى من غير ما يعلمون احد من اهلهم وين رايحين لانهم ما يبون حد يدري ووصلو الطبيب واخذ الدكتور عليهم التحاليل والفحوصات وقالهم بعد 3 ايام ان شاء الله تخلص فحوصاتكم وتيون علشان تاخذون النتايج .. وبعد طلعت خالد وريم من الدكتور قال خالد ريم شرايج لو نروح نتغدى برى انا وانتي ونطنش غدا البيت وافقت وراحواا يتغدون بالمطعم وتبادلوا اطراف الكلام وفجأه خـــالد قال ريم ..ريم .. ريم صج اذا يبنا ولد شنسميه قالت طبعا مايبيله كلام ابراهيم على ابوي قال لا والله انسميه محمد على ابوي انا قالت خلاص الولد عليك والبنت علي شرايك وافق خالد قال خلاص اول ولد بنسميه محمد بس اول بنت شرايج شنسميها قالت ســــــــــــــــــــــاره >>(( لان ريم تحب هالاسم )) <<<
اتمنى ان الجزء الاول يكون عجبك وانتظروا الاجزاء الباقيه ولا تحرمونا من ردودكم
الإهداءات
.gif){kind=icon}
((((((((((الألـــــــــــــــــــــــم))))))))))
العرض العادي
