السلام عليكم يا اعضاء النتدى الغالي
صحيح الموضوع شكله طويل شويه بس صدقوني ممتع وتمنى انه ينال رضاكم
اخليكم مع الموضوع:
البنت الناعمة طبعا هذه البنت وهي نايمه في غرفتها الدبدوب والارنوب كلهم في احضانها واذا قامت من النوم ماتقوم الا الساعه وحده الظهر واللي تقعدها من النوم والشغاله طبعا تكلمها بالانجليزي بترجم لكم شنو قالت لها الخدامه..تقول قومي ماما وقت واجد تأخير ..والناعمه اول ماتصحى من النوم تفتح الستاره والشباك علشان الغرفه تتنفس وشغلت موسيقى رومانسيه عشان يكون الجو رايق وتاخذ حمام محترم وبعد ماتطلع من الحمام على المرايه تحط من هالكريمات ..لازم تحافظ على البشره..خلصت من المرايه وتتجه الان الى الاستشوار وبعدين تلبس البنطلون الجنز والبلوزه..وتنزل تاكل الفطور اللي يكون عباره عن كلوب ساندويش وعصير فريش
البنت الدفشه:تقوم الساعه 8 الصبح وهي ماودها تقوم وتدخل امها عليها بالغرفه وتصرخ عليها قومي شبعتي نوم وترد الدفشه على امها ..زين زين الحين بقعد وتقعد تأففففففف ويطلع من فمها نار....الاضافه الى انها وهي نايمه كل دقيقه تطيح من على السرير ..وبعدين يدخل اخوها الصغير ويصرخ وجع يالله كفايه نوم.. وترد عليه :اطلع من الغرفه والا ارميك من الشباك الحين..المهم اخوها اللي اكبر منها يروح لها الغرفه يرفسها وبعد تلك الرفسه العنيفه تصحى من النوم
البنت الناعمة ماتتغدا الا الساعه4 ولا 5 ولا تتغدى الا على صيني وهندي ايطالي معدتها ماتستقبل اي شي
البنت الدفشه تتغدا الساعه 12 بالضبط ولا تتغدا الا كبسه ولحم او دجاج واذا خلصت تشرب البيبسي شربه وحده مافي مجال انها تتنفس ..وماتسمع الا اصوات مخفيه
البنت الناعمه: طلعتها تكون من بعد صلاة المغرب ماتطلع العصر تحافظ على البشره من ضوء الشمس
البنت الدفشه تطلع الساعه 2 القايله تروح مشي لبيت خوالها لحد ماتنقلب سمره
البنت الناعمه تروح ستار بكس او اي كافيه وقبل لاتطلع تمر على الصالون تحط هذاك الميك اب
البنت الدفشه تحط كحل يملا العين والروج تقول ماكله انسان واذا بتروح السوق مالها الا سوق الحراج
البنت الناعمه: اذا تبي تضحك(ههههههههههه) ويدها على فمها من الخجل والضحكه من الصعب انك تسمعها
البنت الدفشه: هاهاهاهاهاهاهاها... والحاره الثانيه تسمعها
البنت الناعمه اذا تحب تسمع اغاني ماتسمع الا ريكي مارتن طبعا لانه حلو وممثلها المفضل توم كروز لوسامته وميل جبسون وجيم كاري لخفة دمهم
البنت الدفشه:ممثلها المفضل بوهلال وعبدالناصر درويش ومطربها المفضل خالد الملا ومزعل فرحان
البنت الناعمه لما تتفرج على التلفزيون تقعد على كرسي وتحط رجل على رجل وتبتسم لان الابتسامه تضفي بشاشه على الوجه
البنت الدفشه تتسدح على الارض وتحط راسها على المخده وتمد رجلها وتحطها على التلفزيون واذا تبي تغير القناه دقت بأصبع رجلها وغيرت القناه
البنت الناعمه اذا تبي تحلم احلام اليقضه طلعت في حديقة بيتهم وقعدت على كرسي هزاز وقام الكرسي يروح ويرجع
البنت الدفشه تروح بالحوش وتمد السجاده اللي فيها خمسة وثلاثين لون احمر واسود وابيض وجابت كاس سته متر متروسه شاي
منقـــــــــــــــــــــــــــــــــــــــــــــــ ــــــــــــــــــــــــــــــــــول
اتمنى يعجبكم الموضوع
انتظر ردودكم بشــــــــوق
ربي يحفظكم
الإهداءات
.gif){kind=icon}
الفرق بين البنت الناعمه والبنت الدفشه
